2 Corintios 6:1 - Nuevo Testamento Tzeltal de Amatenango

¹ Yuꞌun jich ayotik ta aꞌtel sok te Diose, ya kaltik ta atojolik: Ma me apꞌajik te slekil yoꞌtan Dios te ya yakꞌ ta akuentaik.

Bible in Tzeltal Bachajón

¹ Ha yu'un te bin ut'il joc jbahcotic ta a'tel soc Dios, ya jtsitsexcotic te manchuc tojoluc ya xc'oht te la awich'iquix c'uxultayel yu'un Dios.

Bible in Tzeltal de Oxchuc y Tenejapa

¹ Jich yu'un te bit'il joy jbatic ta at'el soc te Diose, ya me jtac'uyex te ma me tojoluc ya xc'ot awu'unic te la yaq'uix ta ilel yutsil yo'tan ta atojolic te Diose.

2 Corintios 6:1 ပူးပေါင်းရင်းမြစ်များ

San Mateo 23:37

“Jaꞌex jtejklum Jerusalen te kꞌayemex ta smilel te alwanejetik yuꞌun te Diose sok te kꞌayemex ta swolel ta ton te machꞌatik Dios ya stikombeyex tal ta kꞌop ta atojolike. Bayal buelta te kꞌan jtsobex sok te awuntikilike, jich tutꞌil te mut te ya slutsꞌ ta yanil xikꞌ te xchꞌinik yale, pero ma la akꞌanik.

Hechos 11:23

Te kꞌalal kꞌot teꞌa te jBernabee la yil te aꞌbilix bendision yuꞌun Dios te machꞌa ma juriyouke y ben jun yoꞌtan yuꞌun. La stsitstalan spisil te ben junuk yoꞌtanik ta stojol te Kajwaltike.

Hechos 14:3

Pero te apostoletike bayal kꞌaal a jalajik teꞌa. Jaꞌ yip yoꞌtanik te Kajwaltike, jicha juꞌ yuꞌunik yalel te tutꞌil ayotik ta kꞌuxutayel yuꞌun te Kajwaltike. Jaꞌ a yakꞌ ta ilel te tut batsꞌi jich te tut ya yalike yuꞌun te Kajwaltike la yaꞌbe spoderik ta spasel señaetik y sok milagroetik.

Romanos 12:1

Jich yuꞌun, kermanotak, ya kalbeyex ta skuenta slekil yoꞌtan Dios, jich me ya skꞌan ya awakꞌ abaik ta stojol Dios tutꞌil kuxul smajtan Dios te lek ya yilex te Diose. Jich ya skꞌan ya kakꞌ jbatik ta stojol te batsꞌi ya jchꞌuuntike.

1 Corintios 3:9

Te joꞌotike, joy jbajtik ta aꞌtel ta abatinel yuꞌun te Diose, y te jaꞌexe jaꞌex kꞌaltikex kꞌoem yuꞌun Dios. Y jichex euk tutꞌil na te yipal ta stejkꞌanel te Diose.

2 Corintios 10:1

Joꞌon jPabloon, ya kalbeyex awokolikuk ta skuenta slekil yoꞌtan sok skꞌuxul yoꞌtan te Cristoe. Yuꞌun ya awalik te kꞌalal ayon ta awolilike lom mansoo kakꞌoj jba. Y te kꞌalal jakal ayone ya awalik: “Ya stoy sba ta kꞌop”, xchaex.

Gálatas 2:21

Ma jkꞌan ya jpꞌaj te slekil yoꞌtan te Diose. Yuꞌun yauk xjuꞌ te ya yakꞌotik ta libre yuꞌun jmultik te xchꞌuunel te mantaliletike, jich lom nax a cham te Cristo te jichuke.

Gálatas 3:4

¿Me jowil nax te bayalix ta jkaj te kꞌax awokolik yuꞌune? Ma jowiluk.

1 Tesalonicenses 3:5

Jaꞌ yuꞌun, kꞌalal ma stsijk kuꞌun ta mas aye, la jtikon ta jojkꞌoyel tutꞌil ayex sok te tutꞌil ay te xchꞌuunel awoꞌtanike. Jaꞌ la jnaꞌ teme la achꞌuunik sujel yuꞌun te pukuje, sok te jowiluk nax ya xkꞌot te kaꞌteltike.

Tito 2:11

Yuꞌun Dios a yaꞌbotik kiltik te slekil yoꞌtane, te jaꞌ yichꞌoj tal te kolel yuꞌun ta spisil te genteetike.

Hebreos 12:15

Oꞌtaninaik te ma me machꞌa ma staik te lekilal yuꞌun te Diose. Ma me ayuk machꞌa jich kꞌoem te tutꞌil jwol wamal te ay yisim te ma lekuk te ya yixlan te gentee.

Hebreos 12:25

Jaꞌ yuꞌun, kuidado me xꞌanex, ma me apꞌajik te machꞌa ya xkꞌopoj ta jtojoltike. Yuꞌun ma ba kolik te machꞌatik la spꞌajik te Dios te kꞌalal a yikꞌtalan ta kꞌop liꞌ ba balmilale. ¿Y tutꞌil kꞌan kolukotik euk te joꞌotike, teme ya kakꞌtik ta jpatik te machꞌa ya yikꞌotik ta kꞌop kꞌalal ta chꞌulchane?

Hebreos 4:1

Jaꞌ yuꞌun, kuidado me ya skꞌan xꞌanotik te tutꞌil ay to ta jkuentatik te sjapoj Dios te ya xjuꞌ xꞌochotik te ba luwar te kuxo-oꞌtane. Jaꞌ me ma lek teme ay jtuluk te jaꞌex te ma xkꞌo ataike.

1 Pedro 4:10

Talel baeluk me xꞌamantaltes abaik chikan te amajtanik aꞌbilex yuꞌun te Diose. Lekil jꞌaꞌtelukex me te tutꞌil bayal aꞌbilex te bendisionetik yuꞌun te Diose.