2 Corintios 5:7 - Nuevo Testamento Tzeltal de Amatenango

⁷ Te ora to ma to ya kiltik, pero jun koꞌtantik jchꞌuunejtik.

Bible in Tzeltal Bachajón

⁷ (como ya xbehenotic ta scuenta sch'uhunel co'tantic, ma ha'uc ta scuenta te bin chican ta ilel ta jsitic).

Bible in Tzeltal de Oxchuc y Tenejapa

⁷ Melel ta swenta xch'uunjel co'tantic te yacotic ta beele, ma yu'unuc te chican ta ilel ta jsitique.

2 Corintios 5:7 ပူးပေါင်းရင်းမြစ်များ

1 Corintios 13:12

Te ora to jich to nax ya kil tutꞌil ta jun espejo te ma to chikanuk lek ta ilele. Pero ya xtal jun kꞌaal te ya kiltik spisil te tut a te jamale. Te tut jnaꞌoj te ora to, olil to nax. Pero ya xtal jun kꞌaal te ya me kil spisil jich tutꞌil te Dios ya snaꞌbon jbae.

2 Corintios 1:24

Ma yuꞌunuk jaꞌ ya jkꞌantik te ya sujtikex ta xchꞌuunele, yuꞌun ben jun awoꞌtanik sok ayix xchꞌuunel awoꞌtanike. Te tut ya jkꞌantike jaꞌ te ya xꞌaꞌtejotik ta akuentaik, yuꞌun jich me ben jun awoꞌtanik a.

2 Corintios 4:18

Porke ma jaꞌuk ya jtojlitik ta kꞌeluyel te tut chikan ta ilele; jaꞌ ya kiltik te tut ma chikanuk ta ilele. Yuꞌun te tutik chikan ta ilele ma xjalaj, pero te tutik ma chikanuk ta ilele sbajtel kꞌinal stukel.

Gálatas 2:20

Sok te Cristoe pajal jojkꞌajemon sok ta krus. Y ma joꞌukon xanix ta jkuenta kuxulon, jaꞌix ta skuenta Cristo te kuxulone. Y ta ora to te tutꞌil kuxulon sok te jtiꞌbalule, jaꞌ kuxulonix ta xchꞌuunel koꞌtan ta skuenta te Xnichꞌan Diose. Jaꞌ la xkꞌuxutayon y la yakꞌ sba entregal ta milel ta joꞌon ta jkaj.

Hebreos 10:38

Y te machꞌa toj ya xꞌilot yuꞌun te xchꞌuunel yoꞌtane, ya me xkuxuyin. Pero teme sujtex ta apatike, ma kontentoukon yuꞌun”, te xchie.

1 Pedro 1:8

Te jaꞌexe kꞌux ya awaꞌiyik ta awoꞌtanik te Jesucristoe aunke ma to awilojikuk; y te ora to, achꞌuunejik te Jesucristoe aunke ma to awilojikuk. Lom kontento ayex sok sbujtsꞌ awoꞌtanik te lom mukꞌe, y te ben tsaꞌam slekil te ma xjuꞌ xlaj ta alel skꞌoplale,

1 Pedro 5:9

Ma me wakꞌ abaik ta tsalel yuꞌun. Jaꞌ me a yipin awoꞌtanik te Dios achꞌuunejike. Naꞌaik me te jich mismo ay swokolik te awermanoik ta bayuk nax ta balmilal.