2 Corintios 5:4 - Nuevo Testamento Tzeltal de Amatenango

⁴ Te tutꞌil jayeb kꞌaal te jnainejtik te jtiꞌbalultik to, ayotik ta ajkan sok ay jwokoltik, yuꞌun ma jkꞌantik teme tꞌaxalotike. Jaꞌ ya jkꞌantik te yauk jlaptikix te tut yachꞌile, yuꞌun te tut ya xlaje jich me ya xlaj jil, yuꞌun ya kichꞌtikix te achꞌ kuxlejale.

Bible in Tzeltal Bachajón

⁴ Como te c'alal jc'u'inejtic to te nahilpac' ini, ayotic ta ahcan yu'un wocol, como ma jc'antic te watalotic, ha ya jc'antic te ay jc'u'tic, scuenta yu'un te bin ay ta scuenta lajel ya xlajimbot sc'oblal yu'un te cuxlejale.

Bible in Tzeltal de Oxchuc y Tenejapa

⁴ Te jayeb c'aal ya jnaintic in jbaq'uetaltic to, yacotic ta ajc'an, yu'un ay bayal jwocoltic ya caiytic. Ma yu'unuc ya jc'antic te ya jloq'uestic te pocol jbaq'uetaltique. Ja' ya jc'antic te yacuc jlaptiquix ta ora te yach'ile swenta yu'un te bila ya xlaje, ya me xc'atp'uj ta swenta cuxinel.

2 Corintios 5:4 ပူးပေါင်းရင်းမြစ်များ

Romanos 8:23

Y ma jaꞌuk nax ay swokol te tut spasoj te Diose; jich euk te joꞌotike ayotik ta wokol, aunke kikꞌojtikix te Espiritue te ja seña te jayeb to ya yaꞌbotik te Diose. Lom ayotik ta wokol ta smaliyel te tut ora yal-xnichꞌanotik Dios ya xkꞌootike. Jich me ya xkolotik sok a te jtiꞌbalultike.

1 Corintios 15:51

Pero ya jkꞌan ya kalbeyex sluwaril te tut ma awaꞌiyejikuke: Ma jpisiltikuk ya xchamotik. Pero jpisiltik ya xyanejotik.

2 Corintios 5:2

Jaꞌ yuꞌun yipalotik ta ajkan te jayeb kꞌaal jnainejtik te jtiꞌbalultik to. Yuꞌun koꞌtantikukix te ya xjelonotik te ya kichꞌtikix te tut ya jnaintik ta chꞌulchane.

2 Corintios 5:3

Te jich me ya jlaptik te tutꞌil jun kꞌuꞌul-pakꞌal, yuꞌun jich me ma tꞌaxalukotik ya xjilotik a.

2 Pedro 1:13

Ya ke te kuxulon toe, ay ta jkuenta te ya kaꞌbeyex anaꞌik sok te ya kaꞌbeyex te tsitsulanel to.