2 Corintios 4:7 - Nuevo Testamento Tzeltal de Amatenango

⁷ Pero te kꞌulejalil to kichꞌojtik ta jtiꞌbalultik, jachꞌik kꞌoemotik tutꞌ jpꞌej pꞌin te pasbil ta lume, yuꞌun jich me ya xchiknaj te ta skuenta te bayal spoder te Diose te ay tut ya xjuꞌ kuꞌuntike.

Bible in Tzeltal Bachajón

⁷ Pero quich'ojcotic te c'uhlejalil ini ta vaso pasbil ta ahch'al, scuenta yu'un ya xchicnaj te ha nix yu'un Dios te yutsil yu'el, te ma cu'uncoticuc.

Bible in Tzeltal de Oxchuc y Tenejapa

⁷ Ayix ta jwentatic te c'ulejalil te nojel ta pac'bil oxom te pasbil ta ajch'ale. Swenta yu'un jich ya xchicnaj te ja' nax ta swenta smuc'ul yu'el Dios te ay bila ya xju' cu'untique, ma ja'uc ta swenta te quiptique.

2 Corintios 4:7 ပူးပေါင်းရင်းမြစ်များ

San Mateo 13:44

“Te tutꞌil ya xkꞌot ta ajwalinel te Diose, jich kꞌoem te tutꞌil bayal oro te mukul ta jlom chꞌin luware. Ay jtul winik te la stae sok la xchaꞌmuk xan jilel teꞌa. Ben jun yoꞌtan a sujt bael yuꞌun. Jicha ba xchon spisil te tut ay yuꞌune y ba sman a te luwar te ba ay mukul te oroe.

San Mateo 13:52

La yal te Jesuse: —Te maestroetik yuꞌun te mantaliletike te snaꞌojbe sluwaril te tutꞌil ay ta ajwalinel te Diose jaꞌ pajal kꞌoem sok te tutꞌil ay te jtul yajwal nae. Te tutik skꞌejoje ya snaꞌ slokꞌesel tal te achꞌ toe sok te tuuntesbilixe —xchi.

San Juan 16:33

Ya kalbeyex pisil to, yuꞌun jich me bujtsꞌan kꞌinal ya awaꞌiyik ta jtojol. Yan te liꞌ ba balmilale, te jaꞌexe ya me xkꞌax awokolik. Pero ayuk me spuersa awoꞌtanik, yuꞌun joꞌon jtsalojix te balmilale —xchi te Jesuse.

1 Corintios 1:28

Te Diose jaꞌ a stꞌuj te gente te lom pꞌajbile sok te machꞌatik maꞌyukik tut aye te ma aꞌbiluk ta jkuenta liꞌ ba balmilale, yuꞌun jich me ya slajinmbe skꞌoplal te machꞌatik aꞌbil ta jkuentae.

2 Corintios 10:10

Ay ya yalik: “Te skartaetike lom kꞌux y lom tulan, pero teme jul tal stukele, maꞌyuk ta jkuenta sok maꞌyuk ta jkuenta te tut ya xjul yale”, xchi.

2 Corintios 13:4

Jich te la yichꞌ jijpanel ta krus te maꞌyuk spuersa yilele, pero kuxulix ta spoder te Diose. Jich mismo euk te joꞌotike pajal maꞌyuk jpuersatik sok yilel. Pero te tutꞌil jun nax ayotik soke, jich kuxulotik ta spoder Dios yuꞌun te yipalotik ta aꞌtel ta atojolike.

2 Corintios 4:1

Jaꞌ yuꞌun ma xchebaj koꞌtantik, porke ta slekil yoꞌtan te Diose la yaꞌbotik te aꞌtel to.

2 Corintios 5:1

Te tiꞌbalultik jachik tutꞌil jun naul-pakꞌ te ma xjalaje. Pero jnaꞌojtik teme ya xlaj te naul-pakꞌ to, Dios spasojbotik ta chꞌulchan jun na skuenta sbajtel kꞌinal te ma jaꞌuk pasbil ta skꞌab genteetike.

2 Corintios 6:10

Ay lom tristeotik, pero sil tiempo kontento ayotik. Ay lom meꞌbaotik, pero ay bayal kꞌulejiben kuꞌuntik. Jich yilel te maꞌyuk tut ay kuꞌuntike, pero ay kuꞌuntik spisil.

Efesios 2:5

La yaꞌbotik jkuxlejaltik jun nax sok te Cristoe te kꞌalal jich to chamenotik ta skaj te jmultike. Ta skuenta nax slekil yoꞌtan Dios te la yaꞌbeyex te kolele.

Efesios 3:8

Te joꞌone chꞌin ayon ke te machꞌa mas chꞌin ta spisil te machꞌatik yuꞌun te Diose. Pero stukel a yaꞌbon te ya xjuꞌ kuꞌun yalel te ba ay te machꞌatik ma juriyouke te lek achꞌ kꞌop te ma pꞌisbiluk nax skꞌulejal te Cristoe.

Colosenses 1:27

Te Diose jaꞌ la yaꞌbotik jnaꞌtik te tutꞌil mukul nax ay yuꞌune, jaꞌ te kꞌop te bayal slekil ta aꞌiyel yuꞌun spisil te machꞌatik maꞌ juriyouke. Jaꞌ te tutꞌil ya xꞌanin ta awoꞌtanik te Cristoe, te jaꞌ ya amaliyik te slekil te ya xba awichꞌike.

Colosenses 2:12

Yuꞌun la awichꞌik mukel sok Cristo te la awichꞌik jaꞌe. Y la awichꞌik chaꞌkusesel sok, porke la achꞌuunik te tutꞌil Dios la xchaꞌkuses ta skuenta spoder.

Colosenses 2:3

Yuꞌun stukel smakoj ta spisil te slekil skꞌulejal te pꞌijilile y te tut ya yakꞌ ta naꞌele.

1 Tesalonicenses 1:5

Yuꞌun te kꞌalal la kalbetikex te skꞌoplal kolele, ma tojol kꞌopetikuk nax te kꞌo kaltike, sino ke sok ta spoder te Chꞌul Espiritue, yuꞌun la jnaꞌtik te batsꞌi jich te tut la kalbeyex awaꞌiyike. Anaꞌojik lek te tutꞌil a atꞌejotik ta akuentaik skuenta alekuteselik.

1 Tesalonicenses 4:4

Y ta juju-tulex toj ya skꞌan xꞌanex sok te batsꞌi awinamike, sok ay me ta akꞌel ta jkuenta awuꞌun.

2 Timoteo 2:20

Te ba ay jun mukꞌul nae, ma jaꞌuk nax ay teꞌa te tutik pasbil ta oroe sok ta platae. Ay pasbil ekꞌa ta teꞌe sok ta lume. Ay te tutik lek ta tuunel, y ay yanetik te makꞌ ya xtuun leke.