2 Corintios 4:5 - Nuevo Testamento Tzeltal de Amatenango

⁵ Ma joꞌukotik mismo ya kaltik jkꞌoplaltik. Jaꞌ ya kaltik skꞌoplal te Jesucristo, te jaꞌ Kajwaltik stukele. Te joꞌotike jaꞌ nax jꞌaꞌtelotik awuꞌunik ta slekil nax yoꞌtan te Jesuse.

Bible in Tzeltal Bachajón

⁵ Como ma ba ya jpucbe jc'oblalcotic, ha ya jpucbecotic sc'oblal te ha Ajwalil te Jesucristo, soc te ho'otcotic a'batotcotic awu'unic ta scuenta sc'uxul yo'tan Jesús.

Bible in Tzeltal de Oxchuc y Tenejapa

⁵ Melel te jo'otique, ma ja'uc ya jchol jc'oplaltic, ja' ya jcholbeytic sc'oplal te Cajwaltic Jesucristoe. Te jo'otique, abat nax ayotic ta atojolic ta swenta xc'uxul yo'tan te Jesuse.

2 Corintios 4:5 ပူးပေါင်းရင်းမြစ်များ

San Mateo 23:8

“Yan te jaꞌexe ma me akꞌanik te “maestro” ya yalbeyex te genteetike, yuꞌun awermano abaik ta apisilik sok jun nax maestro ay awuꞌunik ta apisilik, jaꞌ bi joꞌon te Cristoone.

San Mateo 3:11

Spisil te teꞌetik te ma bujtsꞌanuk te site ya me yichꞌ tsꞌetel sok ya me yichꞌ chikꞌel. Te joꞌone ya kaꞌbeyex awichꞌik jaꞌ yuꞌun te sujtemix awoꞌtanik ta stojol Dios. Pero te machꞌa patil ya xtal kuꞌune, jaꞌ me ya yaꞌbeyex awikꞌik te Chꞌul Espíritu sok kꞌakꞌ. Jaꞌ mas tulan stukel; yan te joꞌone mas pekꞌ ayon. Ni ya kujan jba ta slikel bael te swawe.

San Juan 7:18

Te machꞌa stukel nax ya snop te tut ya yale, jich ya spas yuꞌun ya skꞌan akꞌel ta jkuenta yuꞌun te gentee. Yan teme jaꞌ ya skꞌan ya yakꞌ ta akꞌel ta jkuenta te machꞌa tikonbil tal yuꞌune, batsꞌi jich te tut ya yale sok maꞌyuk loꞌlawanej ta yoꞌtan.

Hechos 10:36

Dios a stikon ta alel ta stojol te stsꞌumbal israeletik te jaꞌ ay bujtsꞌan kꞌinal ta skuenta te Jesucristoe te jaꞌ Ajwalil yuꞌun spisil te genteetike.

Hechos 2:36

Naꞌaik me te jaꞌexe jtejklum israel te tut batsꞌi jiche, te jaꞌ mismo ya kalbeyex skꞌoplal te Jesuse te la ajojkꞌanik ta kruse. Te Diose la yakꞌix ta ilel te jaꞌ te Cristoe sok te jaꞌ Kajwaltik stukele —xchi te jPedroe.

Hechos 5:31

Dios a yakꞌ ta akꞌel ta jkuenta, y la yakꞌix ta sbatsꞌil kꞌab, y la yakꞌix ta ajwalil sok ta jkoltawanej, yuꞌun jich me ya sujtes yoꞌtanik yuꞌun smulik ta stojol Dios te nasion israele, y jich me ya staik perdon yuꞌun te smulike.

1 Corintios 1:23

Pero te joꞌotike jaꞌ ya kaltik te tutꞌil a milot ta krus te Cristoe. Jaꞌ to jaꞌ nax xcheꞌbantesel yoꞌtanik yuꞌun te juriyoetike, y te machꞌatik ma juriyouke, jowil nax kꞌoem ta yoꞌtanik.

1 Corintios 10:33

Te tut ya jpas te joꞌone, jaꞌ te tut lek yoꞌtanik yuꞌun ta spisilik. Ma jaꞌuk ya jle te joꞌon nax jlekilal aye. Jaꞌ ya jlebey slekilalik euk te yane yuꞌun jich me ya staik skolelik ekꞌa.

1 Corintios 12:3

Jaꞌ yuꞌun, te ora to ya jkꞌan ya anaꞌik te maꞌyuk machꞌa xjuꞌ ya yal te ma tsaꞌamuk te Jesuse teme jaꞌ ya xkꞌopoj ta spoder te Espíritu yuꞌun te Diose. Y sok maꞌyuk machꞌa ya xjuꞌ ya yal: Te Jesuse ja Kajwal”, teme ma jaꞌuk ya xkꞌopoj ta spoder te Chꞌul Espiritue.

1 Corintios 15:47

Te primero winike pasot ta tsꞌubilum y tsꞌubilum nax. Y te xchebal winike jaꞌ ta skuenta chꞌulchan stukel.

1 Corintios 2:2

Te kꞌalal la joyinexe, la jnop ta koꞌtan te jaꞌ nax ya kalbeyex skꞌoplal te Jesucristoe, sok te tutꞌil a cham ta kruse.

1 Corintios 4:15

Yuꞌun te jaꞌexe manchuk me ay dies mil ta jtul maestro awuꞌunik te ya yaꞌbeyex anopik skꞌoplal te Cristoe, pero ma bayaluk te atatike. Atatonik kꞌoem te jaꞌexe te tutꞌil lijk achꞌuunik te Cristo Jesuse, yuꞌun joꞌon a kalbeyex te lek achꞌ kꞌop yuꞌune.

1 Corintios 8:6

Yan te joꞌotike, jtul nax te Diose kuꞌuntike, jaꞌ te jTatike. Jaꞌ te spasoj spisil te tutik aye y jaꞌ stukel te ya yakꞌ xkuxuyinotike. Y ay jtul nax te Kajwaltike, jaꞌ te Jesucristoe. Stukel ta skuenta spisil te tutik kuxajtike, jich euk te joꞌotike jaꞌ kuxulotik ta skuenta.

2 Corintios 1:19

Porke te Cristo Jesuse makꞌ yal “Jich” sok “Ma jichuk” te mismo tiempo ae. Jaꞌ nax te Xnichꞌan Diose te jaꞌ ya kalbeytikex skꞌoplale, joꞌon sok te Silvanoe sok te jTimoteoe. Te Cristoe stukel batsꞌi jich ta stojol Dios,

2 Corintios 1:24

Ma yuꞌunuk jaꞌ ya jkꞌantik te ya sujtikex ta xchꞌuunele, yuꞌun ben jun awoꞌtanik sok ayix xchꞌuunel awoꞌtanike. Te tut ya jkꞌantike jaꞌ te ya xꞌaꞌtejotik ta akuentaik, yuꞌun jich me ben jun awoꞌtanik a.

Gálatas 5:13

Te jaꞌexe, kermanotak, Dios la yikꞌex yuꞌun te libre ya xkꞌoexe. Pero ma me jaꞌuk libre ayex yuꞌun te ya aleik xan amulike. Jaꞌ lek abatin abaik ta juju-tul sok slekil awoꞌtanik.

Filipenses 1:15

Batsꞌi jich te ay machꞌatik ya yalbe skꞌoplal Cristo sok il-oꞌtan y sok tsalaw. Pero ay yanetik sok slekil yoꞌtan ya yalbeyik skꞌoplal te Cristoe.

Filipenses 2:11

Y ta spisil ya me yalik te jaꞌ ajwalil stukel ta Jesucristo. Yuꞌun jich me ay slekilal ya xkꞌot a te Dios Tatile.

2 Timoteo 2:10

Jaꞌ yuꞌun ya xkujch kuꞌun spisil, yuꞌun jich ya staik slekilik te machꞌatik tꞌujbilik yuꞌun te Diose. Yuꞌun jich me ya staik skolelik ekꞌa te ben tsaꞌam sok te sbajtel kꞌinal ay ta skuenta te Cristo Jesuse.

Tito 1:11

Te machꞌatik jich ya yalike, ya skꞌan kombeyel te stiꞌike. Yuꞌun ya yixlanbe yoꞌtanik spꞌejel te machꞌatik jun nax ay snaike. Ya snojpeswanik te tut ma jichuk ya skꞌane, skuenta jich ya staik sloꞌlayel takꞌine.

2 Pedro 2:3

Ay sbikꞌtal yoꞌtanik yuꞌun te takꞌine, jich ay tut ya slokꞌesbeyex sok te tut palso ya yakꞌik ta nopele. Pero namey chapal skꞌoplalik te ya xbajtik ta chꞌayel. Ni ma xjuꞌ ya skoltay sbaikix teꞌae.