2 Corintios 4:14 - Nuevo Testamento Tzeltal de Amatenango

¹⁴ Porke jnaꞌojtik te Diose, te la chaꞌkuses tal te ba ay te animaetik te Kajwaltik Jesuse, jich me ya xchaꞌkusesotik tal sok te Jesuse, y jun nax ya yikꞌotik bael ta ba aye.

Bible in Tzeltal Bachajón

¹⁴ Jna'ojcotic te mach'a la scha'cuxajtes tal te Cajwaltic Jesús, ha nix hich ya me scha'cuxajtesotcotic tal soc Jesús, soc pajalotic ya me stehc'anotic ta stojol.

Bible in Tzeltal de Oxchuc y Tenejapa

¹⁴ Yu'un jna'ojtic stojol te bit'il Dios la xcha'cuxes ta bay animaetic te Cajwaltic Jesuse. Ja' nanix jich ya xcha'cuxesotic tel soc te Jesuse, swenta yu'un jun nax ya yic'otic bael tey a te banti aye.

2 Corintios 4:14 ပူးပေါင်းရင်းမြစ်များ

San Lucas 21:36

Chapalukex me te jaꞌexe. Kꞌoponaik me Dios ta sil tiempo. Yuꞌun jich me ya xkolex lokꞌel a ta spisil te tutik ya xkꞌot ta pasele, y yuꞌun jich me ya xjuꞌ ya atejkꞌan abaik ta sit te Nichꞌanile —xchi te Jesuse.

Hechos 2:24

Pero Dios la xchaꞌkuses tal, la skolta tal lokꞌel te ba ay spoder te lajele. Porke te lajele ma juꞌ yuꞌun te jmel nax a yuꞌunine.

Hechos 2:32

Yuꞌun jaꞌix te Jesuse te Dios a chaꞌkusesot tal yuꞌune. Y te joꞌotike testigootik yuꞌun te jich a pasbote.

Romanos 8:11

Y te Espiritue, te jaꞌ te la xchaꞌkuses tal te Jesuse, kuxulix ta akuentaik. Jaꞌ mismo te la xchaꞌkuses tal te Cristo, ya yaꞌbeyex achꞌ kuxlejal ta atiꞌbalulik te ya xlaje ta skuenta te Espíritu yuꞌun Dios te ayix ta atojolike.

1 Corintios 6:14

Y jich tutꞌil te Diose te la xchaꞌkuses tal te Kajwaltike, jich ya xba xchꞌakusesotik tal ta spoder ekꞌa te joꞌotike.

2 Corintios 11:2

Tulan akꞌoplalik ta koꞌtan, jich tutꞌil tulan akꞌoplalik ta yoꞌtan te Diose. Joꞌon a kakꞌexix ta makel kꞌoem te ya xnujpun sok te jtul nax mamlalile, jaꞌ te Cristoe. Yuꞌun jich ya kakꞌex entregal ta stojol Cristo, jich tutꞌil jtul achꞌix te maꞌyuk smule.

Efesios 5:27

Yuꞌun jich me ya xkꞌaxik ta stojol jich tutꞌil jtijkꞌ hermanoetik te ben tsaꞌam slekilike. Te maꞌyukix yijkꞌal sok maꞌyuk ixtaꞌajem sok maꞌyuk tut chikan, yuꞌun yichꞌojix lekutesel y tojobenix.

Colosenses 1:22

Pero te ora to Dios la yakꞌ te ya xjunaj awoꞌtanik soke ta skuenta Cristo, jaꞌ te tutꞌil kꞌax swokol ta milel sok te stiꞌbalule. Jich a spas, yuꞌun jich me ya ataik tutꞌil lek ya xkꞌoex ta skuentae, te chꞌultesbilex, sok te maꞌyuk awijkꞌalik ta skuenta, sok te maꞌyuk amulike.

Colosenses 1:28

Te joꞌotike ya kalbetik skꞌoplal te Cristoe, ya jtsitstik y ya jnojpestik ta spisilik ta spꞌejel pꞌijilil, yuꞌun jich me tojobenikix ya xlaj kꞌot ta skuenta a te Cristoe.

1 Tesalonicenses 4:14

Jich tutꞌil te jchꞌuunejtik te cham te Jesuse y chaꞌkux tale, jich jchꞌuunejtik te Dios ya xchꞌakuses tal sok Jesus te machꞌatik xchꞌuunej Dios a chamike.

Santiago 5:15

Y te kꞌalal ya skꞌoponik Dios sok te xchꞌuunel yoꞌtanike, te jchamele ya me xlekub y ya me xjajchesot yuꞌun te Kajwaltike. Y teme ay mulawene, ya me xꞌaꞌbot perdon.

Judas 1:24

Te úniko Dios te jKoltawanej kuꞌuntike ta skuenta te Kajwaltik Jesucristoe, ay spoder yuꞌun te ya skꞌanantayex te jaꞌexe, makꞌ yakꞌ xyalex ta mulil ae, yuꞌun jich me ya yikꞌex ochel te ba aye. Ben jun awoꞌtanik te maꞌyuk amulik te ya xkꞌoex ta stojol te ba ay te slekilale. Te stukele ay slekilal, sok ben mukꞌ, sok ay spoder, sok yichꞌoj yaꞌtel, jaꞌ to ta slijkibal to, y te ora to, y ta sbajtel kꞌinal. Jichuk.