2 Corintios 4:12 - Nuevo Testamento Tzeltal de Amatenango

¹² Jich te lajele ya xkꞌax ta jtojoltik, y te jaꞌexe ya ataik akuxlejalik.

Bible in Tzeltal Bachajón

¹² Ha yu'un yac ta a'tel ta jtojolcotic te lajele, yan te ha'exe yac ta a'tel ta atojolic te cuxlejale.

Bible in Tzeltal de Oxchuc y Tenejapa

¹² Jich te jo'otique, ya xlajotic soc te jbaq'uetaltique. Yan te ja'exe, ya ataic cuxinel atuquelic.

2 Corintios 4:12 ပူးပေါင်းရင်းမြစ်များ

Hechos 20:24

Pero makꞌ yakꞌ yajtal koꞌtan yuꞌun. Ma kocheluk te tutꞌ ay te jkuxlejale. Jaꞌ nax tulan skꞌoplal ta koꞌtan te ben jun koꞌtan ya jlokꞌes te jayeb kꞌaal ay ta jkuentae, jaꞌ to te ya xkꞌot koraile. Sok te ya juꞌutes kaꞌtel te yakꞌojbon te Kajwaltik Jesuse te jamal ya kal te tutꞌil ay te lekil achꞌ kꞌop yuꞌun te slekil yoꞌtan te Diose.

1 Corintios 4:10

Te joꞌotike jaꞌ ta skaj te Cristo te kuybilotik ta ma pꞌijukotike. Yan te jaꞌexe, ben pꞌijex ta skuenta Cristo ta akꞌopik. Te joꞌotike maꞌyuk jpuersatik. Yan te jaꞌexe bayal apuersaik ta akꞌopik. Te joꞌotike pꞌajbilotikix. Yan te jaꞌexe aꞌbilex ta jkuenta.

2 Corintios 12:15

Y te joꞌone lom gano ya jlajin spisil te tutik ay kuꞌune. Y asta joꞌon mismo ya kakꞌ jba ta lajel ta akuentaik yuꞌun akoltayelik. Aunke jich ya kilex te bayal to jkꞌanojex te joꞌone, pero te jaꞌexe mas maꞌ akꞌanojikukon.

2 Corintios 13:9

Jaꞌ yuꞌun ben jun koꞌtantik te kꞌalal maꞌyuk jpuersatike, teme tulanex te jaꞌexe. Y sigue ya jkꞌopontik Dios yuꞌun te yauk xtojobex ta leke.

2 Corintios 4:11

Yuꞌun te jayebuk kꞌaal kuxulotik te joꞌotike, sil tiempo ayotik ta lajel ta skaj te Jesuse, yuꞌun jich me ya xchiknaj ta jtiꞌbalultik te ya xlaje te tutꞌil ay xkuxlejal te Jesuse.

2 Corintios 4:13

Te Sjun Diose ya yal: “Jich jchꞌuunej, y jaꞌ yuꞌun ya kal”, xchi me. Jichotik me euk te joꞌotike, jich mismo xchꞌuunej koꞌtantik, jaꞌ yuꞌun jich ya kaltik.

Filipenses 2:17

Y manchuk me ya jmal jchꞌichꞌel yuꞌun jich me ya stsꞌakay a te smajtan Dios ya awakꞌike, jaꞌ bi jaꞌ te xchꞌuunel awoꞌtanike, ya xjunub koꞌtan yuꞌun y ya xjunub awoꞌtanik yuꞌun euk ta apisilik te jaꞌexe.

Filipenses 2:30

Yuꞌun chꞌin kꞌan chamuk te yakꞌoj sba ta abatinel yuꞌun te Cristoe. Ma xkꞌuxutay te xkuxlejal stukele te la yakꞌ sba ta mantaltesel kuꞌune. Jaꞌ ajelolik te jaꞌex te ma juꞌ awuꞌunik te la awakꞌ abaik ta mantaltesel kuꞌune.

1 Juan 3:16

Jnaꞌojtik tut a te slekil-oꞌtanile, porke te Jesucristoe la yakꞌ xkuxlejal ta jkuentatik. Jich euk te joꞌotike, ya skꞌan ya kakꞌ jkuxlejaltik yuꞌun te kermanotaktike.