2 Corintios 4:10 - Nuevo Testamento Tzeltal de Amatenango

¹⁰ Bayuk nax ya xbootik, kechel ta lajel jtiꞌbalultik, jich tutꞌil laj te stiꞌbalul te Jesuse. Yuꞌun jich me ya xchiknaj ta jtiꞌbalultik te tutꞌil kuxul ay stukele.

Bible in Tzeltal Bachajón

¹⁰ Spisil ora quich'ojcotic ta jbaq'uetalcotic te lajel yu'un te Jesús, scuenta yu'un ha nix hich ya xchicnaj ta jbaq'uetalcotic te scuxlejal te Jesús.

Bible in Tzeltal de Oxchuc y Tenejapa

¹⁰ Bayuc ya xbootic, ayotic ta lajel spisil ora soc te jbaq'uetaltic jich bit'il te Jesuse, swenta yu'un jich me ya xchicnaj ta bay jbaq'uetaltic uuc te bit'il cuxul stuquele.

2 Corintios 4:10 ပူးပေါင်းရင်းမြစ်များ

San Juan 14:19

Liꞌ xanix ta jtsꞌine, te machꞌatik ayik ta skuenta balmilale makꞌ me yilbikonix jsit. Pero te jaꞌexe ya to awilikon; y ya xkuxuyinex porke kuxulon.

Romanos 6:5

Teme jun xanix ayotik sok te Cristoe jun nax chamenotikix sok, y jun nax chaꞌkuxotikix sok euk.

Romanos 6:8

Te joꞌotik teme chamenotikix sok te Cristoe, ya xchꞌuun koꞌtantik te ya xkuxuyinotik sok euke.

Romanos 8:36

Jaꞌ jich te tut ya yal te Sjun Dios: “Jaꞌat ta akaj te sil tiempo ayotik ta milele; jich kuybilotik te tutꞌil karnera te ya xꞌikꞌot bael te ba ya xmilote”, xchi me.

2 Corintios 1:5

Porke jich tutꞌil te bayal a kꞌax swokol te Cristoe jich bayal ya xkꞌax jwokoltik euk, jich ta skuenta Cristo te bayal ya sta spuersa koꞌtantik yuꞌune.

2 Corintios 1:9

Jich a kaꞌi bajtikix te ya smilelotikixe. Pero to jaꞌ a yaꞌbotik jnaꞌtik te ma joꞌukotik mismo ya xjuꞌ ya jkoltay jbajtike, si jaꞌ te Dios te ya xchaꞌkuses tal te animaetike.

2 Corintios 13:4

Jich te la yichꞌ jijpanel ta krus te maꞌyuk spuersa yilele, pero kuxulix ta spoder te Diose. Jich mismo euk te joꞌotike pajal maꞌyuk jpuersatik sok yilel. Pero te tutꞌil jun nax ayotik soke, jich kuxulotik ta spoder Dios yuꞌun te yipalotik ta aꞌtel ta atojolike.

2 Corintios 4:11

Yuꞌun te jayebuk kꞌaal kuxulotik te joꞌotike, sil tiempo ayotik ta lajel ta skaj te Jesuse, yuꞌun jich me ya xchiknaj ta jtiꞌbalultik te ya xlaje te tutꞌil ay xkuxlejal te Jesuse.

Gálatas 6:17

Te ora to y ta patil bael ma jkꞌan te ay machꞌa mas ya yaꞌbon jwokole. Yuꞌun te señaetik te kichꞌoj ta jtiꞌbalule, jaꞌ ya xchiknaj a te joꞌon jtul yaj-aꞌtelon te Jesuse.

Colosenses 1:24

Te ora to ben jun koꞌtan te ayon ta wokol ta akajike. Porke te tutꞌil jich aye jaꞌ ya jtsꞌakutes ta jtiꞌbalul te tutik xan ya skꞌan xkꞌax swokol te Cristoe, yuꞌun te machꞌatik xchꞌuunejikixe, te jich kꞌoemik tutꞌil te stiꞌbalule.

2 Timoteo 2:11

Jaꞌ to batsꞌi lom jich: Teme lajemotik sok te Cristoe, jich ya xkuxuyinotik sok.

1 Pedro 4:13

Junuk me awoꞌtanik teme pajal ay awokolik te tutꞌil a kꞌax swokol te Cristoe. Yuꞌun jich me ya ata bayal sbujtsꞌ awoꞌtanik a te kꞌalal ya xchiknaj tal te slekilale.

1 Pedro 4:14

Ben tsaꞌam alekilik teme ay machꞌa ya yixta-kꞌoptayex teme jaꞌ ta skꞌaj te Cristoe. Porke te slekilal te Espíritu yuꞌun Diose ay me ta atojolik te jaꞌexe.

Apocalipsis 1:17

Te kꞌalal la kile, tꞌuxajon koel ta yok, jachik a kꞌoon te tutꞌil machꞌa chamenixe. Pero jaꞌ la yakꞌ tal sbatsꞌil kꞌab ta jtojol, sok la yalbon: —Ma me xiꞌan. Joꞌon ayon ta slijkibal y sok ta slajibal.