2 Corintios 3:7 - Nuevo Testamento Tzeltal de Amatenango

⁷ Te mantal tsꞌibayot jilel ta jlejch ton, xlemlajan tal sok xojob. Te Israeletike ni ma spas a skꞌelube sit-yelaw te jMoisese ta skaj te xlemlun tale. Pero, te xlemet tale, teꞌ jul tupꞌuk a. Pero teme ay jich tsaꞌamul te mantal te ya xꞌakꞌawan bael ta lajele,

Bible in Tzeltal Bachajón

⁷ Te ya'tel te ley te ya yac' lajel, te ts'ihbabil ta ton, teme hich tal soc yutsilal, scuenta yu'un te israeletic ma ba hu' yu'unic yilbeyel sit yelaw te Moisés ta scaj sts'anabul, te ch'ay bahel ta hich ora,

Bible in Tzeltal de Oxchuc y Tenejapa

⁷ Te mandalil yu'un Moisés te ay lajel ta swenta, la yich' ch'ojtilayel ta ts'ibuyel ta pejch'el tonetic. Te c'alal jich yac ta c'oel ta pasele, ay bayal xojobil te yutsilale. Jich te israeletique ma ju' yu'unic yilel sit yelaw te Moisese, yu'un bayal xojobajem te site. Ja'uc me to, c'unc'un tup' te xojobile. Teme jich ay yutsilal te mandaliletic te ay lajel ta swentae,

2 Corintios 3:7 ပူးပေါင်းရင်းမြစ်များ

Hechos 6:15

Te machꞌatik aylan yaꞌtele y spisil te machꞌatik te teꞌ nakajtik ae la skꞌelubey sit te jꞌEstebane. La yilbeyik te yelawe pajal yelaw sok te jtul chꞌul ángele.

Romanos 10:4

Porke te mantaliletike kꞌo lajuk skꞌoplal ta skuenta Cristo, yuꞌun jaꞌ ya skoltay yuꞌun smul spisil te machꞌatik ay xchꞌuunel yoꞌtanike.

Romanos 4:15

Porke te mantaliletike ya me yakꞌ kastigo. Pero te ba maꞌyuk te mantalile, jich maꞌyuk tut ya xkꞌaxintayik a.

Romanos 5:20

Tal te mantaliletik yuꞌun la sbayaltes te mulile. Pero te kꞌalal bayale te mulile, Dios a yakꞌ xan ta ilel ta mas te slekil yoꞌtane.

Romanos 7:10

Jich te mantaliletike te ay yaꞌtel ta ya yaꞌbon kuxlejale, la yikꞌon bael ta lajel.

Romanos 7:22

Ta koꞌtan ben tsaꞌam ya kaꞌiy te smantal Diose.

Romanos 7:5

Porke te kꞌalal kuxulotik to jich tutꞌil winketik jmulawiletike, te mantaliletike tuun yuꞌun te ya stijbotik jtiꞌbalultik te tut ma tsaꞌamuk ya snoptalane. Y jaꞌ la yikꞌotik bael ta lajel.

1 Corintios 13:10

Teme kꞌot yorail ta slajibal te kꞌalal ya xtal te tut batsꞌi toj ta naꞌele, teꞌ ya xchꞌay skꞌoplal te tutꞌil olil to nax ya jnaꞌtike.

2 Corintios 3:3

Y jamal chikan ta ilel te jaꞌex jun karta kꞌoemex te stsꞌibaye Cristo, te joꞌotik ya stikonotik ta yakꞌele. Ma tsꞌibabiluk ta tinta; jaꞌ tsꞌibabil yuꞌun te Espíritu yuꞌun te kuxul Diose. Ma ta lecheche tonuk; sino ke yichꞌoj jtsꞌibayel ta oꞌtanil yuꞌun tiꞌbalulil.

2 Corintios 3:6

yuꞌun stukel snojpesejotik yuꞌun te ya xtuunotik yuꞌun te achꞌ tratee. Jaꞌ trate to ma tsꞌibabiluk ta letra, jaꞌ nax ta Espíritu. Te mantal tsꞌibabile ya xꞌakꞌawan bael ta lajel. Pero te Espíritu yuꞌun Diose ya yakꞌ kuxlejal.

2 Corintios 3:8

¿me ma wan jichuk xan ta mas stsaꞌamul te tut ya yal te achꞌ trate yuꞌun te Espiritue?

Gálatas 3:10

Yan te machꞌatik yaꞌtelinejik xchꞌuunel te mandaliletik yuꞌun jMoisese aylan ta skuenta chꞌayel. Porke te Sjun Dios jich ya yal: “Chꞌayel me ya xbajt machꞌauk a te ma spisiluk ya xchꞌuun spasel te tut tsꞌibabil ta sjunal yuꞌun te mantaliletike”, xchi me.

Gálatas 3:21

¿Me jaꞌ ya skꞌan xyal te mantaliletik yuꞌun jMoises te jaꞌ skontrainej te tutik sjapoj te Diose? Ma jichuk. Porke te mantaliletik te yauk yakꞌ kuxlejale, jich ya xjuꞌ te libre ay yuꞌun smul te machꞌa jich ya spas te tut ya yal te mantaliletike.

Hebreos 12:18

Te jaꞌexe maꞌ tijilajex jich tutꞌil israeletik te ya xjuꞌ ta pikel te wits te xlaplun kꞌajkꞌ aye, sok te ba ay ben ijk kꞌinal y sok xpumlajan chawuk sok tulan ikꞌ.

Hebreos 3:3

Pero te Jesuse ya skꞌan te mas ya xꞌakꞌot ta kuenta ke te jMoisese, jich tutꞌil te jpas-nae mas ya skꞌan xꞌakꞌot ta jkuenta ke te nae.

Hebreos 9:4

Ay jun altar teꞌa te puru oro yuꞌun ya xchikꞌot teꞌa te pome, y teꞌey a te xkaxaul trate te makbil ta oro ta sjoylejal te spate. Te ba kaxae ay jun xaru pasbil ta oro te nojel te manae, y teꞌey ekꞌa te snabateꞌ jꞌAaron te la yakꞌ slujpe, y sok te chaꞌpejch ton te tsꞌibabil a te tratee.