2 Corintios 3:5 - Nuevo Testamento Tzeltal de Amatenango

⁵ Ma yuꞌunuk joꞌotik mismo ya xjuꞌ ya kaltik te ay tut ya xjuꞌ kuꞌuntik spasel ta jtukeltik naxe. Spisil te tut ya xjuꞌ kuꞌuntik spasele ya xtal ta stojol Dios

Bible in Tzeltal Bachajón

⁵ Ma yu'unuc ya calcotic te jtuquel-o'tancotic ya xhu' cu'uncotic; ha nix Dios ya yac' te ay bin ya xhu' cu'uncotic spasel.

Bible in Tzeltal de Oxchuc y Tenejapa

⁵ Ma yu'unuc ya xju' ya caltic te ay bila ya xju' cu'untic ta jtuqueltic naxe. Spisil te bila ya xju' cu'untique, ja' ya yac' c'otuc ta pasel stuquel te Diose.

2 Corintios 3:5 ပူးပေါင်းရင်းမြစ်များ

San Lucas 21:15

Porke joꞌon me ya kaꞌbeyex spꞌijil awoꞌtanik ta kꞌop. Te ni jtuluk ya xjuꞌ sujtesel te akontraike, sok te ma xjuꞌ ya skontra-kꞌoptayat yuꞌunike.

San Lucas 24:49

Joꞌon ya jtikonbeyex tal te tut yaloj te Jtate. Pero te jaꞌexe liꞌ nax anex to liꞌ ba Jerusalene jaꞌ to teme jul ta atojolik te spoder Dios te ya xtal ta chꞌulchane —xchi te Jesuse.

San Juan 15:5

“Te joꞌone jaꞌ smukꞌul yakꞌilon; yan te jaꞌexe jaꞌ jkꞌab-kꞌabex. Te machꞌa jmel nax ya yakꞌ sba ta jtojole y te joꞌone jun nax ayon sok, jich me ya sitin ta lek. Ni maꞌyuk tut xjuꞌ awuꞌunik teme parte ya awakꞌ abaike.

Romanos 15:18

Porke ma jaꞌuk ya jtabe ta alel yaꞌtel yan; jaꞌ nax ya kal te tut spasojbon Cristo ta jtojole, skuenta jich ya xchꞌuunik Dios te machꞌatik ma juriyouke. Aꞌtej Cristo ta skuenta te kꞌop la kal, sok ta skuenta te tut la jpase,

1 Corintios 15:10

Pero ta slekil yoꞌtan Dios te jich ayon te tutꞌil ayone, y te slekil yoꞌtan kuꞌune ma lomuk nax, yuꞌun atꞌejemonix bayal ke ta spisil te yanetike. Aunke ma joꞌukon kaꞌtel jtukel, yuꞌun jaꞌ aꞌtej ta jkuenta te Diose ta skuenta slekil yoꞌtan te la skoltayone.

1 Corintios 3:10

Te joꞌone jich kꞌoemon yuꞌun Dios tutꞌil statal alwanil te la yaꞌbon ta jkuenta te ya jlijkes te yiptajib nae, y yan machꞌa ya stsꞌak moel. Pero ta juju-tul a me yil tut yilel ya stsꞌak moel.

1 Corintios 3:6

Te joꞌone la kaw, y te Apolose la yaꞌbe yaꞌlel. Pero Dios jaꞌ a yakꞌ chꞌiuk tal te tutiꞌ yichꞌ tsꞌunele.

2 Corintios 12:9

Pero te Kajwaltike la yalbon: “Teyatix a te slekil koꞌtan awuꞌune, porke te jpodere jich ya xchiknaj ta lek a te maꞌyuk tut ya xjuꞌ awuꞌun ta atukele”, xyuton. Jich yuꞌun ben jun koꞌtan te maꞌyuk tut ya xjuꞌ kuꞌune, yuꞌun jich me ya xchiknaj ta jkuenta a te spoder Cristoe.

2 Corintios 2:16

Yuꞌun te machꞌatik ya xbajtik ta chꞌayele, jachik kꞌoem yuꞌunik te tutꞌil yikꞌ lajele. Pero te machꞌatik ya xkolike jich pajal sok te ben tsaꞌam yikꞌ te ya xkuxuyinik yuꞌune. Te tutꞌil jich ay to, ¿machꞌa kꞌan juꞌuk yuꞌun?

2 Corintios 4:7

Pero te kꞌulejalil to kichꞌojtik ta jtiꞌbalultik, jachꞌik kꞌoemotik tutꞌ jpꞌej pꞌin te pasbil ta lume, yuꞌun jich me ya xchiknaj te ta skuenta te bayal spoder te Diose te ay tut ya xjuꞌ kuꞌuntike.

Filipenses 2:13

Yuꞌun te Diose stukel me ya yaꞌbeyex te tutik lek ya anopike, y stukel ya skoltayex bael ta spasel te tut ya skꞌan yoꞌtane.

Filipenses 4:13

Ta spisil ya xjuꞌ kuꞌun ta skuenta Cristo te jaꞌ ya skoltayone.

2 Timoteo 2:2

Te tut kalojbeyat awaꞌiy ta sit te bayal testigoetike, jaꞌ me xꞌawaꞌbe snop te winketik te ay spuersa yoꞌtanik sok te ay spꞌijilik yuꞌun ta snojpesel ekꞌa te yanetike.

Santiago 1:17

Spisil te tut lek y toje te ya yaꞌbelotike, jaꞌ ya xtal ta ajkꞌol. Jaꞌ ya yaꞌbotik te Diose, te la spas te tutik ya xtil ta chꞌulchane. Stalel ay te Diose y maꞌyuk tut ora ya yakꞌ te tut ma lekuke.