2 Corintios 3:18 - Nuevo Testamento Tzeltal de Amatenango

¹⁸ Jaꞌ yuꞌun, jpisiltik joꞌotik maꞌyukix pakꞌ te ya smakbotik jsit-kelawtike. Jachikotik xanix tutꞌil jun espejo te xlemet yuꞌun stsaꞌamul te Kajwaltike. Y yipalotik ta yanejel jich mismo tutꞌ steklejal te kichꞌojbetik mas te slekilale. Yuꞌun jich yaꞌtel te Kajwaltike, te Espíritu stukele.

Bible in Tzeltal Bachajón

¹⁸ Ha yu'un ta jpisiltic, te ma ba macbilix ta pac' te jsit quelawtic, te yacotic ta yilbeyel yutsil te Cajwaltic hich te bin ut'il ta espejo, yacotic ta yanijel te pajal quileltic soc, te behbe quich'bel cutsilaltic, ta scuenta ya'tel te Cajwaltic, te ha nix te Espíritu.

Bible in Tzeltal de Oxchuc y Tenejapa

¹⁸ Jich yu'un te jo'otique, lemen xojobil yutsilal Cajwaltic ta jsit quelawtic, jich te bit'il espejo, yu'un ma ba macalix jsitic ta pac'. Jich yanyanotic ta c'atp'ujel ta swenta te pajal quileltic ya xc'ootic soc te yutsilale. Ja' yat'el te Espíritu yu'un te Cajwaltic te ya x'at'ej ta co'tantic.

2 Corintios 3:18 ပူးပေါင်းရင်းမြစ်များ

San Juan 1:14

Te machꞌa Skꞌop Diose jicha kꞌot tutꞌ winik y kuxuyin ta koliltik, nojel tal ta yoꞌtan te slekile y te tut batsꞌi jiche. Te joꞌotike la kilbetik te slekile, jaꞌ slekil te úniko Xnichꞌan Dios te aꞌbot yuꞌun te jTatik Diose.

San Juan 12:41

Te jꞌIsaiase jich a yal to, porke yilojbe slekil te Jesuse, sok jaꞌ mismo te la yalbe skꞌoplale.

San Juan 17:22

Te joꞌone la kꞌabeyix yichꞌik te jlekilal te machꞌatik la awakꞌ xchꞌuunonixe. Yuꞌun jun nax me ya xlaj kꞌot, jich tutꞌil te jun nax ayotik te joꞌotike.

San Juan 17:24

“JTat, jaꞌat la awaꞌbon te machꞌatik xchꞌuunejonixe, y ya jkꞌan te yauk sjoyinon te ba ya xkꞌoone. Yuꞌun ya me yilik te jlekilal te awakꞌojbone, porke ben kꞌuxon ta awoꞌtan te kꞌalal ma to xchiknaj a te balmilale.

Romanos 12:2

Ma me jichuk ya xkuxuyinex jich tutꞌil te machꞌatik kuxajtik te ora to. Jaꞌ lek akꞌa me ta jelontesel te tut ya anopike, yuꞌun jich me ya xjelon te tutꞌ kuxulexe. Jich me ya anaꞌbeyik sluwar te tut ya skꞌan yoꞌtan te Diose, jaꞌ bi, jaꞌ te tut lek ta pasele, sok te tut ben tsaꞌame, sok te tut ben toje.

Romanos 13:14

Jaꞌ lek chapa abaik ta skuenta te Kajwaltik Jesucristoe jich tutꞌil jun jmakiltike. Ma me anopikix te tut ma tsaꞌamuk ya skꞌupin te atiꞌbalulike.

Romanos 8:29

Jaꞌ te machꞌatik tsabilik ta nail to yuꞌun te Diose, te la snop Dios ta slijkibal to te jich ya xkꞌotik te tutꞌil Xnichꞌane. Yuꞌun jich ya xkꞌot te Xnichꞌan te jaꞌ bankilal yuꞌun te bayal yijtsꞌinabe.

Romanos 8:4

La spas yuꞌun joꞌotik ya xjuꞌ ya jpastik te tut ya yal te mantaliletike. Yuꞌun ma jaꞌukix ya xkuxuyinotik te tut ya skꞌan te jmulawil tiꞌbalultike; jaꞌ ya skꞌan ya xkuxuyinotikix ta skuenta te Espiritue.

Romanos 8:7

Te machꞌatik jaꞌ yajtal yoꞌtanik te tut ya skꞌan te stiꞌbalulike, jaꞌ skontrainejik Dios yuꞌun, porke ni ma skꞌanik ni ma xjuꞌ yuꞌunik te ya xchꞌuunbeyik te smantale.

1 Corintios 13:12

Te ora to jich to nax ya kil tutꞌil ta jun espejo te ma to chikanuk lek ta ilele. Pero ya xtal jun kꞌaal te ya kiltik spisil te tut a te jamale. Te tut jnaꞌoj te ora to, olil to nax. Pero ya xtal jun kꞌaal te ya me kil spisil jich tutꞌil te Dios ya snaꞌbon jbae.

1 Corintios 15:49

Jich tutꞌil te pajalotik sok te winik te pasbil ta tsꞌubilume, jich pajal ya xkꞌootik sok euk te machꞌa skuenta te chꞌulchane.

2 Corintios 3:17

Porke te Kajwaltike, Espíritu stukel. Y te machꞌa ay ta skuenta te Espíritu yuꞌun te Kajwaltike, ayix ta libre yuꞌun.

2 Corintios 4:4

Yuꞌun te tutꞌil ma xchꞌuunike, jaꞌ chokuteslanbil yuꞌun te dios yuꞌun te balmilale, y jich ma snaꞌbeyik sluwar. Yuꞌun jich me ma staik ta ilel te sakilal te lus yuꞌun te lek achꞌ kꞌop yuꞌun te Cristo te ben tsaꞌame, te jaꞌ steklejal kꞌoem te Diose.

2 Corintios 4:6

Porke stukel mismo te Diose te la yakꞌ tal sakubuk kꞌinal te ba ay te ijkꞌal kꞌinale, jaꞌ nax te la yakꞌ sakubuk kꞌinal ta koꞌtantike yuꞌun ta skuenta jich ya xjuꞌ ya jnaꞌbetik sba a te stsaꞌamul Dios te ya xchiknaj ta sit-yelaw te Jesucristoe.

2 Corintios 5:17

Jich yuꞌun te machꞌa jun nax ay sok te Cristoe achꞌ genteix. Te tutꞌil ay te nail toe, kꞌaxix bael; te tutꞌ ayix te ora to, achꞌubenix.

Gálatas 6:15

Porke ta skuenta te Cristo Jesuse ma baleukix a kꞌot teme kichꞌojtik o ma kichꞌojtikuk te sirkunsisione. Te tut balee, jaꞌ te achꞌubenotiquixe.

Colosenses 3:10

Y awichꞌojikix te achꞌ kuxlejal, te yanyan ta achꞌubel jaꞌ to teme pajal a kꞌoex sok te Diose te la spasex, yuꞌun jich ya xkꞌo anaꞌbeyik sba ta lek.

1 Timoteo 1:11

Y te lekil nojpesel to, jaꞌ te tey ya jtatik a te ben tsaꞌam skꞌoplal yuꞌun te kolele, te jaꞌ a yaꞌbon kaꞌtelin te Diose te bayal slekilale.

Tito 3:5

La skoltayotik, ma yuꞌunuk lek te tut ya jpastik te joꞌotike, sino ke la yakꞌ slekil yoꞌtan ta jtojoltik. Pokbilotik kꞌootik kꞌalal la xchaꞌ yayintesotik ta achꞌe. Jaꞌ ta skuenta te Chꞌul Espiritue te la yaꞌbotik te achꞌ kuxlejale.

Santiago 1:23

Te machꞌa jaꞌ nax ya yaꞌiy te skꞌop Diose y ma jichuk ya spase, jachik kꞌoem tutꞌil jtul winik te ya yil sba ta espejoe.

1 Juan 3:2

Kermanotak te kꞌuxex ta koꞌtane, yal-xnichꞌanotikix te Diose. Aunke ma to jnaꞌtik te tut kileltik ta patile, jnaꞌojtik te kꞌalal ya xchiknaj tal te Jesucristoe, pajal ya xkꞌootik jachik tutꞌil stukele, porke ya me kiltik ta steklejal te tut yilele.