2 Corintios 3:12 - Nuevo Testamento Tzeltal de Amatenango

¹² Te tutꞌil jich ay ta koꞌtantike, jich a kaltik spisil ta jamal.

Bible in Tzeltal Bachajón

¹² Ha yu'un te bin ut'il hich ay te smuc'ul co'tancotic, soc yip co'tan ya x'a'tejotic,

Bible in Tzeltal de Oxchuc y Tenejapa

¹² Te bit'il jich yacotic ta smaliyele, jich jamal co'tantic ta yalel spisil ora.

2 Corintios 3:12 ပူးပေါင်းရင်းမြစ်များ

San Juan 10:24

Jich te juriyoetike la sjoyin y la sjojkꞌobeyik: —¿Jayeb xan kꞌaal te ya awakꞌ xꞌaꞌabiyan koꞌtantik awuꞌune? Teme jaꞌat te Cristoate, albotik ta jamal —xchiik.

San Juan 16:25

“La kalbeyex spisil to ta puru seña kꞌop, pero ya me sta yorail te makꞌ ya kalbeyexix ta seña kꞌopetike. Jamal me ya kalbeyex te tutꞌil ay skꞌoplal te Tatile.

San Juan 16:29

Jich te jnopojeletike la yalik: —Te ora to jamal la awalbotikix, ma ta seña kꞌopuk.

Hechos 14:3

Pero te apostoletike bayal kꞌaal a jalajik teꞌa. Jaꞌ yip yoꞌtanik te Kajwaltike, jicha juꞌ yuꞌunik yalel te tutꞌil ayotik ta kꞌuxutayel yuꞌun te Kajwaltike. Jaꞌ a yakꞌ ta ilel te tut batsꞌi jich te tut ya yalike yuꞌun te Kajwaltike la yaꞌbe spoderik ta spasel señaetik y sok milagroetik.

Hechos 4:13

Kꞌalal ya yil te jꞌuꞌeletik te makꞌ ya xiꞌ te jPedro sok te Juane, y la snaꞌik te maꞌyuk estudio yuꞌunike sok te maꞌyuk tut ya snaꞌike, lom yan a yaꞌiyik yuꞌun, y la snaꞌik te jaꞌ te la sjoyinik te Jesuse.

Hechos 9:27

Pero te jBernabee la yikꞌ bael y ba yakꞌ ta stojol te apostoletike. Te Bernabe la yaltalanbe te tutꞌil a yil ta be te Kajwaltike sok te tuti albot yuꞌun Kajwaltik te Sauloe, sok te tutꞌil jamal la yalix ta Damasco te Sauloe te tutꞌil ay skꞌoplal te Jesuse.

Hechos 9:29

La skꞌopon te juriyoetik te ya xkꞌopojik ta griego-kꞌope ta yaꞌbiyanel te tutꞌil ay skꞌoplal te Kajwaltike. Pero kꞌan smilik yuꞌun.

1 Corintios 14:19

Pero te ba ay te juju-tijkꞌ hermanoetike, jaꞌ lek te joꞌpꞌaluk nax ya kal te kꞌopetik te ya yaꞌiybeyik sluwarile yuꞌun ya xpꞌijub xan yuꞌune, ke te ya kal diez mil ta pꞌal kꞌopetik ta yan kꞌope.

2 Corintios 10:1

Joꞌon jPabloon, ya kalbeyex awokolikuk ta skuenta slekil yoꞌtan sok skꞌuxul yoꞌtan te Cristoe. Yuꞌun ya awalik te kꞌalal ayon ta awolilike lom mansoo kakꞌoj jba. Y te kꞌalal jakal ayone ya awalik: “Ya stoy sba ta kꞌop”, xchaex.

2 Corintios 3:11

Y teme ben tsaꞌam slekil te tut a te lajix skꞌoplale, mas lom tsaꞌam slekil te tut a te jmel nax ay sbajtel kꞌinale.

2 Corintios 4:13

Te Sjun Diose ya yal: “Jich jchꞌuunej, y jaꞌ yuꞌun ya kal”, xchi me. Jichotik me euk te joꞌotike, jich mismo xchꞌuunej koꞌtantik, jaꞌ yuꞌun jich ya kaltik.

2 Corintios 7:4

Jamal koꞌtan ya xkꞌopojon ta atojolik, sok ben jun koꞌtan awuꞌunik. Aunke bayal jwokoltik, ben kakꞌoj puersa y ben bujtsꞌan kꞌinal ya kaꞌiy.

Filipenses 1:14

Y bayal te hermanoetik te la yilik te ayon ta prexoe ayix spuersa yoꞌtanik ta yalel tutꞌil ay skꞌoplal te kolele. Ni makꞌ xiꞌik y mas ay spuersa yoꞌtanik ta skuenta te Kajwaltike.

Filipenses 1:20

Jich yuꞌun jaꞌ mukꞌ skꞌoplal ta koꞌtan te maꞌyuk tut ya jta kꞌexlal yuꞌune. Sinoke ya xjuꞌ xkꞌopojon sok spuersa koꞌtan ta sit ta spisilik. Y te ora to sok siluk tiempo ya me kakꞌ ta ichꞌel ta jkuenta te Cristoe. Chikan teme ya to xkuxuyinone o teme tey ya xlajonix aye.

Colosenses 4:4

Kꞌoponbon Dios te jamaluk ya kal te skꞌop Diose, jich tutꞌil ya skꞌan ya kale.

1 Tesalonicenses 2:2

Anaꞌojikix te nail to la jtatik utel y ilbajinel ta jtejklum Filipose. Pero Dios a skoltayotik ta yalel te ba ayex te skꞌoplal te kolel ta spisil jpuersa, aunke la kichꞌtik bayal kontrainel yuꞌun.

1 Timoteo 3:13

Porke te diakonoetike ya me xꞌakꞌot ta jkuenta teme lek ya spas te yaꞌtelike. Y jich me sok yip yoꞌtan ya xjuꞌ xkꞌopojik, yuꞌun te ay xchꞌuunel yoꞌtan sok te Cristo Jesuse.

Filemón 1:8

Jaꞌ yuꞌun, te tutꞌil ay kaꞌtel ta apostol yuꞌun te Cristoe, ya xjuꞌ ya kalbeyat mantal te tut ya skꞌan ya apase.