2 Corintios 3:1 - Nuevo Testamento Tzeltal de Amatenango

¹ Te kꞌalal ya kaltik to, ¿Me yuꞌun ya akuyik te ya xlijk kakꞌ jbajtik ta akꞌel ta jkuenta te joꞌotik mismo aye? ¿Me yuꞌun ay nesesidad te ya jkaꞌbeyex karta te ya yal te lek ya xꞌaꞌtejotik, jich tutꞌil ya spasik te yane? ¿O meꞌn ay nesesidad ya jkꞌanbeyex karta ta atojolik te jaꞌexe te ya yakꞌotik ta naꞌbeyel jbae?

Bible in Tzeltal Bachajón

¹ ¿Ya bal xhahch calcotic lec jc'oblalcotic yan buelta? O ¿ya bal sc'an te hich te bin ut'il yantic, te ha ta carta ya xhalot lec jc'oblalcotic ta atojolic, o ha'ex yac awalbotic te lec jc'oblalcotique?

Bible in Tzeltal de Oxchuc y Tenejapa

¹ ¿Yu'un bal ya acuyic te tey ya xjajch' cac' jbajtic xan ta ich'el ta muc' a? ¿Soc yu'un bal ya sc'an te ay carta ya cac'beyex awilic te banti ya yalbotic te bit'il lec cat'eltic, jich te bit'il ay ya spasic te yantique? ¿Soc ya bal sc'an te ya jc'anbeyex carta ta atojolic uuc te ja'exe?

2 Corintios 3:1 ပူးပေါင်းရင်းမြစ်များ

Hechos 18:27

Te kꞌalal la snop te ya xkꞌax bael ta estado yuꞌun Acaya te jꞌApolose, te hermanoetike la yaꞌbeyik bael spuersa yoꞌtan. Y la stsꞌibabeyik bael jun karta te hermanoetik te ay ta estado Acayae, te yauk yikꞌik y yauk xkꞌuxutayike. Te kꞌalal kꞌot ta estado Acaya te jꞌApolose, bayal a skoltay te machꞌatik xchꞌuunejix ta skuenta slekil yoꞌtan te Diose.

Romanos 16:1

Ya kalbeyex ta skuenta te kermanatik xFebee te yipal ta aꞌtel ta diakonail te ba ay te hermanoetik te ayik ta jtejklum Cencreae,

1 Corintios 10:33

Te tut ya jpas te joꞌone, jaꞌ te tut lek yoꞌtanik yuꞌun ta spisilik. Ma jaꞌuk ya jle te joꞌon nax jlekilal aye. Jaꞌ ya jlebey slekilalik euk te yane yuꞌun jich me ya staik skolelik ekꞌa.

1 Corintios 16:3

Y te kꞌalal ya xkꞌoone, ya me jtikon bael ta Jerusalen te machꞌatik atꞌujojike. Ya me jpasbe bael skartaik yuꞌun ya yichꞌbeyik bael te hermanoetik te majtanil la awakꞌik bael ta Jerusalene.

1 Corintios 3:10

Te joꞌone jich kꞌoemon yuꞌun Dios tutꞌil statal alwanil te la yaꞌbon ta jkuenta te ya jlijkes te yiptajib nae, y yan machꞌa ya stsꞌak moel. Pero ta juju-tul a me yil tut yilel ya stsꞌak moel.

1 Corintios 4:15

Yuꞌun te jaꞌexe manchuk me ay dies mil ta jtul maestro awuꞌunik te ya yaꞌbeyex anopik skꞌoplal te Cristoe, pero ma bayaluk te atatike. Atatonik kꞌoem te jaꞌexe te tutꞌil lijk achꞌuunik te Cristo Jesuse, yuꞌun joꞌon a kalbeyex te lek achꞌ kꞌop yuꞌune.

2 Corintios 10:12

Ma yuꞌunuk jaꞌ ya jpaj jbatik sok te machꞌatik te stukel nax ya yakꞌ sba ta akꞌel ta jkuentae. Pero te stukelike maꞌyuk spꞌijilik. Stukel nax ya spaj sbaik, y ya spaj sba sok te yan xane.

2 Corintios 10:18

Porke ma jaꞌuk lek ya xꞌilot yuꞌun Dios te machꞌa stukel mismo lek skꞌoplal ya yal sbae. Yuꞌun jaꞌ lek skꞌoplal te machꞌa lek ya xꞌalbot skꞌoplal yuꞌun te Kajwaltike.

2 Corintios 10:8

Y aunke ya jtoy jba ta kꞌop chꞌinuk yuꞌun te tutꞌil ay kꞌatele, maꞌyuk tut ya xkꞌexawon yuꞌun. Yuꞌun jaꞌ a yaꞌbotik kaꞌteltik te Kajwaltike yuꞌun jich ya jpastik te ya xmukꞌubex ta stojol Dios y ma yuꞌunuk ya jimtikex.

2 Corintios 12:11

Jicha jpasix jich tutꞌil jtul jowiyel. Pero jaꞌex la asujikon ta spasel. Porke jaꞌex ya skꞌan la awalbikon lek jkꞌoplal. Aunke ma tuton a te joꞌone, maꞌyuk machꞌa pekꞌ ayon yuꞌun ke te mukꞌul apostoletik awuꞌunik te jaꞌ atsꞌakliyejike.

2 Corintios 12:19

¿Meꞌn jich akuyotik te ya nax jmak jbajtik ta kꞌop ta atojolike? Pero ma jichuk. Ta stojol Dios ya xkꞌopojotik, sok jich tutꞌil te machꞌatik ay ta skuenta te Cristoe. Y spisil to, kermanotak te ben kꞌuxex ta koꞌtane, yuꞌun jich te jaꞌexe ya me xmukꞌubex ta stojol Dios.

2 Corintios 2:17

Te joꞌotike ma jachikukotik tutꞌil yanetik te jaꞌ xchonbajelik te skꞌop Diose. Ma jichuk. Te joꞌotik tikonbilotik yuꞌun te Diose, jaꞌ yuꞌun jamal koꞌtantik ya xkꞌopojotik ta skuenta Dios, yuꞌun jun nax ayotik sok te Cristoe.

2 Corintios 5:12

Ma yuꞌunuk ya xlijk kaltik xan te lek jkꞌoplaltik te joꞌotik mismoe. Jaꞌ nax ya kaꞌbetikex te tutꞌil ben bujtsꞌan kꞌinal ya awaꞌiyik ta jkuentatike, yuꞌun jich me ya xjuꞌ awuꞌunik sujtesel skꞌopik te machꞌatik ya stoy sbaik yuꞌun te tut yilel yutsilal ta kꞌinale, te ni maꞌyuk skꞌoplal yuꞌunik te tut yilel te yoꞌtanike.