2 Corintios 2:14 - Nuevo Testamento Tzeltal de Amatenango

¹⁴ Kola yal Dios te sil tiempo xcholetotik ta spat te Cristo Jesus te tsalawanemix stukele, y ta jkuentatik joꞌotik te ya yakꞌ chiknajuk ta bayuk te skꞌope, te pajal sok te ya xchiknaj ta bayuk nax te ben tsꞌaam yikꞌe.

Bible in Tzeltal Bachajón

¹⁴ Pero wocol yal Dios, te ha spisil ora ya yac' ca'iytic tsalaw ta scuenta Cristo, soc te ha ta jcuentatic ya yac' ta ilel ta bayuc te sumet yic' yu'un sna'beyel sba.

Bible in Tzeltal de Oxchuc y Tenejapa

¹⁴ Ja'uc me to, wocol la yalbotic te Diose te spisil ora ya scoltayotic ta tsalaw ta swenta te Cristoe. Dios ya yac' ta puquel ta bayuc ta jwentatic te sc'oplal te Cristoe, jich bit'il te bila mero bujts'an nax yic' ya xbeen ta bayuque.

2 Corintios 2:14 ပူးပေါင်းရင်းမြစ်များ

San Juan 16:33

Ya kalbeyex pisil to, yuꞌun jich me bujtsꞌan kꞌinal ya awaꞌiyik ta jtojol. Yan te liꞌ ba balmilale, te jaꞌexe ya me xkꞌax awokolik. Pero ayuk me spuersa awoꞌtanik, yuꞌun joꞌon jtsalojix te balmilale —xchi te Jesuse.

Romanos 1:8

Te primeroe, ta skuenta te Jesucristoe, ya kalbe kolayal te Dios kuꞌune ta juju-tul te jaꞌexe, porke ta bayuk ya xꞌalot te achꞌuunejikixe.

Romanos 15:19

sok ta spoder te seña milagroetik, y sok ta spoder te Espíritu yuꞌun te Diose. Jich ta bayuk nax ta spamal te balmilale la kalix te lek achꞌ kꞌop yuꞌun kolel ta skuenta te Cristoe, kꞌalal ta Jerusalen y ta bayuk nax asta ta Estado yuꞌun Iliria.

Romanos 6:17

Pero kola yal Dios, te jaꞌex te nail to moso ayex yuꞌun te mulile, achꞌuunejikix ta awoꞌtanik jich tutꞌil te nojpesel te la awichꞌike.

Romanos 8:37

Pero ta spisil to ya me jtsaltik jilel ta skuenta te machꞌa kꞌuxotik ta yoꞌtane.

1 Corintios 12:8

Ta skuenta te Espiritue, ay chaꞌoxtul te jaꞌ aꞌbil te ay spꞌijil ya xkꞌopoje. Y jaꞌ nax ta skuenta te Espíritu te ay yanetik te akꞌtalanbil te ya snaꞌik yalel te bayal tut yiloje.

1 Corintios 15:37

Te tut ya yichꞌ awele ma jaꞌuk te yaꞌnimal te ya xtꞌom tal lokꞌele. Jaꞌ nax ya yichꞌ tsꞌunel te sbakꞌe, me triwu o tutikuk a.

1 Corintios 15:57

Pero kola yal Dios yuꞌun te la yaꞌbotik jtsaltik ta skuenta te Kajwaltik Jesucristoe.

2 Corintios 1:11

teme jaꞌex ya akoltayotik ta skꞌoponel Dios. Teme bayalik te machꞌatik ya skꞌoponbotik Dios ta jtojoltike, jich me bayalik ya yalbeyik kola yal Dios yuꞌun te bendisionetik te ya kichꞌtike.

2 Corintios 8:16

Pero kola yal Dios te la yaꞌbe ta yoꞌtan te jTitoe mismo te tutꞌ yajtal koꞌtanex te jaꞌexe.

2 Corintios 9:15

Kola yal te Diose, porke la yaꞌbotik jun majtanil te lom mukꞌe, te ma jnaꞌtik yalel te tutꞌil aye.

Efesios 5:2

Sokuk me xkꞌuxul awoꞌtanik xꞌanex, jich mismo tutꞌil Cristo la xkꞌuxutayotike y te la yakꞌ sba ta lajel ta jkajtik te joꞌotike, jich tutꞌil smajtan Dios y te majtanil te lom tsaꞌam yikꞌ ta stojol te Diose.

Efesios 5:20

Y albeyaik sil tiempo kola yal Dios te Tatil yuꞌun spisil te tutik ay ta skuenta te Kajwaltik Jesucristoe.

Filipenses 4:18

Te tut la atikonbikon tale, la kichꞌix ta spisil, y asta ay sobra kuꞌun. Te tut la atikonbikon ta skuenta te Epafroditoe ben bayal to xan kichꞌoj. Jich a kꞌot tutꞌil jun majtanil te ben tsaꞌam yikꞌ te chikbil majtanil te ben smuyet ya yaꞌiy te Diose.

Colosenses 1:23

Pero yuꞌun te jich aye ya skꞌan te jmel nax jun awoꞌtanik sok te xchꞌuunel awoꞌtanike. Ma me xtal xbajtukex ta smaliyel te tut ya awichꞌik yuꞌun te skꞌoplal kolel te la awaꞌiyike. Jaꞌ to jaꞌ skꞌoplal te la yichꞌix alel ta bayuk nax ta balmilale, jaꞌ te ay kaꞌtel ta yalel ekꞌae, joꞌon te jPabloone.

Colosenses 1:6

Jaꞌ te kꞌop to te la awaꞌiyikixe, yipalix ta mukꞌubel y yipal ta sitinel ta bayuk ta spisil balmilal. Jaꞌ pajal sok te kꞌotix ta pasel ta akuentaik te kꞌalal la awaꞌiyik te ya xꞌalot te skꞌuxul yoꞌtan Dios, y la anaꞌikix te batsꞌi jich te skꞌuxul yoꞌtane.

Colosenses 2:15

Kꞌalal cham ta krus te Cristoe, Dios la stsal jilel te tutik ay spoder y ay yaꞌtelike, y akꞌot at ilel ta sitil komon te tutꞌil ochemik ta kꞌabal kꞌalal la yaꞌi tsalaw te Cristoe.

1 Tesalonicenses 1:8

Jaꞌex ta akuentaik a pujk te skꞌoplal yuꞌun Kajwaltik ma jaꞌuk nax ta Macedonia sok ta Acaya, sino ke ta spisil ta bayuk nax. Jich la snaꞌik te tutꞌil ay xchꞌuunel awoꞌtanik ta stojol Diose. Jaꞌ yuꞌun ma puersaukix te ay tut ya kaltik te joꞌotike,

1 Tesalonicenses 3:9

Ta ora to ya skꞌan ya kalbetik bayal kola yal te Diose yuꞌun te jaꞌexe. Ben jun koꞌtantik awuꞌunik ta skuenta te Kajwaltik Diose.

1 Timoteo 2:8

Jich yuꞌun, ya jkꞌan te ya skꞌoponik Dios ta spisil te winketik ta bayuk naxe, y te ya stoy skꞌabik ta stojol Dios te maꞌyuk tut ay ta yoꞌtanik y ma me ayuk iliꞌba ni pleto yuꞌunik.

2 Timoteo 2:2

Te tut kalojbeyat awaꞌiy ta sit te bayal testigoetike, jaꞌ me xꞌawaꞌbe snop te winketik te ay spuersa yoꞌtanik sok te ay spꞌijilik yuꞌun ta snojpesel ekꞌa te yanetike.

Apocalipsis 7:12

La yalik: “Jichuk. A me yichꞌ alel te slekilale. Ay te stsaꞌamule, sok ay te spꞌijile. Ya me yichꞌ alel kola yal ta stojol. Ay ta akꞌel ta jkuentae, ay spoder, sok ay spuersa te Dios kuꞌuntike skuenta sbajtel kꞌinal. Jichuk”, xchiik.