2 Corintios 2:12 - Nuevo Testamento Tzeltal de Amatenango

¹² Kꞌalal kꞌoon ta mukꞌul jtejklum Troas yuꞌun ta yalel te lek achꞌ kꞌop yuꞌun te Cristoe, ben lek a jta entrada te ya xꞌaꞌtejon ta yaꞌtel te Kajwaltike.

Bible in Tzeltal Bachajón

¹² Te c'alal c'ohon ta Troas ta yalel te lec yach'il c'op yu'un Cristo, aunque la jquil te la sjambon ti'nahil te Cajwaltic,

Bible in Tzeltal de Oxchuc y Tenejapa

¹² C'alal c'oon ta bay lum Troas ta xcholel te lec yach'il c'op yu'un te Cristoe, te Cajwaltic la sjambon te jbe swenta ya xju' ya x'at'ejon tey a.

2 Corintios 2:12 ပူးပေါင်းရင်းမြစ်များ

Hechos 14:27

Te kꞌalal laj kꞌot ta Antioquiae, la stsobik tal te hermanotike, y la yaltalanbe spisil te tutik a spas Dios ta skuentaike, sok te tutꞌil te Kajwaltik la yaꞌbe xchꞌuunik euk te machꞌatik ma juriyouke.

Hechos 16:11

Jich a mootik bael ta barko teꞌa te ba jtejklum Troase, y toj a bootik ta slum Samotracia te joybil ta mare. Ta xchebal kꞌaal kꞌootik ta jtejklum Neapolis.

Hechos 16:8

Toj nax a kꞌaxik bael ta estado Misia. Jich koel a laj bajt ta jtejklum Troas te ay ta tiꞌmare.

Hechos 20:8

Te ba jtsꞌoboj bajtik ta jun kuarto te toyol aye ay bayal kantil tsuntalanbil teꞌa.

Romanos 1:1

Joꞌon jPabloon, te yaj-aꞌtelon te Jesucristoe, ya jtsꞌibabeyex te karta to. Dios la yikꞌon sok spitojon te apostol ya xkꞌoon yuꞌune, yuꞌun ya kalbe skꞌoplal te kolele.

1 Corintios 16:9

Porke jtaoj to lek entrada ta aꞌtel ta yaꞌtel te Kajwaltike. Y ben lek yipal ta kꞌoel, aunke ben bayal te skontrainejon yuꞌune.

1 Corintios 9:12

Teme ay yanetik te ya awaꞌbeyike, mas to ay rason te ya awaꞌbotike. Pero maꞌyuk a jkꞌantik te jich ya kichꞌtik pasbeyel awuꞌunike, y jich kujchem tal kuꞌuntik spisil te jwokoltike, yuꞌun jich maꞌyuk tut ya smak a te ya kaltik te lek achꞌ kꞌop yuꞌun te Cristoe.

1 Corintios 9:14

Jaꞌ nax jich euk te Kajwaltike la yal mantal te machꞌatik ya yalik te lek yachꞌil kꞌop yuꞌun te kolele, teꞌ me ya sta a te tut ya xtuun yuꞌunike.

1 Corintios 9:16

Te joꞌone ma sluwaruk te mukꞌ ya kakꞌ jba te ayon ta yalel te lek achꞌ kꞌop yuꞌun te kolele, porke jaꞌ nax yipalon ta spasel te tut albilon ta spasele. ¡Oꞌol me jba teme makꞌ ya kal te lek achꞌ kꞌope!

2 Corintios 10:14

Jaꞌ yuꞌun ma yauk xlokꞌotik ta mas te ba kꞌalal jmakojtike. Y te jaꞌexe, ayex nax ta jkuentatik, yuꞌun joꞌotik nail kꞌoemotik te kichꞌojbetikex kaꞌel te lek achꞌ kꞌop yuꞌun te Cristoe.

2 Corintios 11:4

Porke teme ay machꞌa tal jtuluk te ya yalbey skꞌoplal yan Jesus te ma jichuk te tutꞌil la kalbetikex skꞌoplale, jun awoꞌtanik ya awaꞌiyik te skꞌope. O teme ya awikꞌik sok sbujtsꞌ awoꞌtanik te jun espíritu te ma pajaluk sok te Espíritu te awikꞌojikixe, y sok ya achꞌuunik jun skꞌoplal kolel te ma pajaluk sok te tutꞌil achꞌuunejikixe.

2 Corintios 11:7

¿Me ay wan tut ma lek a jpas te la kalbeyex skꞌoplal kolel te maꞌyuk a jkꞌan jtojol ae? ¿Me jaꞌ jmul a jta a te joꞌon chꞌin a kakꞌ jba, yuꞌun jich mukꞌ ya xlokꞌex te jaꞌexe?

2 Corintios 4:3

Y te skꞌoplal kolel te ya kaltike, jaꞌ nax ijkꞌal kꞌinal yuꞌun te machꞌatik ya xlaj bajt ta chꞌayele.

2 Corintios 4:4

Yuꞌun te tutꞌil ma xchꞌuunike, jaꞌ chokuteslanbil yuꞌun te dios yuꞌun te balmilale, y jich ma snaꞌbeyik sluwar. Yuꞌun jich me ma staik ta ilel te sakilal te lus yuꞌun te lek achꞌ kꞌop yuꞌun te Cristo te ben tsaꞌame, te jaꞌ steklejal kꞌoem te Diose.

2 Corintios 8:18

Pajal ya jtikontik sok jTito te jtul hermano te ben lek skꞌoplal yuꞌun spisil te juju-tijkꞌ hermanoetike, te tutꞌil lek aꞌtejemix ta spukel skꞌoplal te lek achꞌ kꞌop yuꞌun kolele.

2 Corintios 9:13

y ya me yalbeyik slekilal a te Diose yuꞌun te koltayel te la awaꞌbeyik ya yakꞌ ta ilel te jaꞌex achꞌuunejik te lek achꞌ kꞌop yuꞌun te Cristoe. Jich me ya yalbeyik slekilal a te Diose yuꞌun te bayal tut la awakꞌik te jaꞌexe te ya xtuun yuꞌunik sok ta spisil te hermanoetike.

Colosenses 4:3

Kꞌoponbotik Dios euk te joꞌotike te yakuk sjambotik puerta te Kajwaltike ta yalel te skꞌope, sok ta yalel te tut mukul ay yuꞌun te Cristoe, te jaꞌ ayon ta prexo yuꞌun.

1 Tesalonicenses 3:2

y jaꞌ a jtikon te kermanotik jTimoteo, te jaꞌ jtul jꞌaꞌtel yuꞌun Dios te ay ta yalel te lek achꞌ kꞌop yuꞌun te Cristoe. La jtikon tal yuꞌun ya xtal yilex, y ya xtal yalbeyex xan lek te skꞌop Diose, y ya yaꞌbeyex spuersa te xchꞌuunel awoꞌtanike.