2 Corintios 2:11 - Nuevo Testamento Tzeltal de Amatenango

¹¹ Jich te pukuje makꞌ stsalotik yuꞌun a, yuꞌun kilojtik lek tutꞌ ay te smañoe.

Bible in Tzeltal Bachajón

¹¹ scuenta yu'un ma ba ya stsalotic a te Satanás, como jna'ojtic te bin ya spas ta lo'loywanej stuquel.

Bible in Tzeltal de Oxchuc y Tenejapa

¹¹ Swenta yu'un jich ma ba ya stsalotic tey a te Satanase, melel quilojtic te bayal smaña stuquele.

2 Corintios 2:11 ပူးပေါင်းရင်းမြစ်များ

San Mateo 4:10

La yal te Jesuse: —Baan, kꞌeja aba Satanas. Jich tsꞌibabil: “Jaꞌ nax me ya akejan aba ta stojol te Kajwaltik Dios awuꞌune sok jaꞌ nax me ya awakꞌ aba ta abatinel ta skuenta stukel”, xchi me —xchi.

San Lucas 22:31

La yal xan te Kajwaltike: —Simon, Simon, aꞌiya awaꞌi. Te pukuje la skꞌanix permiso te ya yikꞌayex jich tutꞌil te ya xꞌikꞌayot te triwue.

San Juan 13:2

Te pukuje ochemix ta yoꞌtan a te Judas, te xnichꞌan te Simon Iscariote, te snopoj ya yakꞌ entregal te Jesuse. Te Jesuse snaꞌoj te talem ta stojol Dios sok te ya sujtix bael ta stojol Diose, y snaꞌoj ta yoꞌtan te aꞌbilix tulan yaꞌtel yuꞌun te sTate. Jaꞌ yuꞌun te yipalik to ta weꞌel ta mexae, tejkꞌa jajchel, la slokꞌes te xkamixe y la xchuk ta xchꞌujt te jun toayae.

Hechos 1:25

yuꞌun jaꞌ ya yichꞌ yaꞌtel ta apostolil. Yuꞌun te Judase chꞌay yuꞌun te smule, te kꞌalal bajt te ba luwar te ba la skꞌan a bajte —xchiik ta skꞌoponel te Diose.

1 Corintios 7:5

Jaꞌ yuꞌun ma me talel-baeluk te maꞌ ba ya akꞌopon abaike. Jaꞌ nax teme ya achap akꞌopik te makꞌ ata abaik ipal kꞌaal, yuꞌun te ya akꞌoponik Diose. Ta patil ya xjuꞌ ya sujt ata abaik. Yuꞌun ma me teyuk ya sloꞌlayelex yuꞌun a te pukuje te ya yaꞌbelex ale amul yuꞌune.

2 Corintios 11:14

¿Tuꞌun wan ma jichuk ya spasike?, yuꞌun te pukuje ya skuy sba te jaꞌ ángel yuꞌun te sakil kꞌinale.

2 Corintios 11:3

Pero ya xiꞌon yuꞌun, te jich tutꞌil te chan te ben maño la sloꞌlay te xꞌEvae, teme jich ya sloꞌlayex ekꞌa te jaꞌexe. Y teme te ya xchꞌay ta apensarik te tut lek anopojik ta stojol te Cristoe.

2 Corintios 4:4

Yuꞌun te tutꞌil ma xchꞌuunike, jaꞌ chokuteslanbil yuꞌun te dios yuꞌun te balmilale, y jich ma snaꞌbeyik sluwar. Yuꞌun jich me ma staik ta ilel te sakilal te lus yuꞌun te lek achꞌ kꞌop yuꞌun te Cristo te ben tsaꞌame, te jaꞌ steklejal kꞌoem te Diose.

2 Timoteo 2:25

Sok ya skꞌan te chꞌunuluk yoꞌtan ya stojutes te machꞌatik ya xkontrainwanike. Ya smaliy teme Dios ya sujtesbe yoꞌtanik y teme ya snaꞌik te tut a te batsꞌi jiche.

1 Pedro 5:8

Pꞌij me xꞌawakꞌ abaik y kuxuluk me awoꞌtanik. Porke te akontraike, jaꞌ te pukuje, jachik ay tut choj te ya xkꞌuxuxan ye, sok te yipal ta sleel te machꞌa ya sweꞌe.

Apocalipsis 13:8

Te chanbalam to te xiꞌbentik sbae ichꞌot ta jkuenta yuꞌun spisil te machꞌatik ayik ta balmilale. Jaꞌ te machꞌatik ma tsꞌibabiluk sbiilik ta sjunal kuxlejal yuꞌun te Chꞌin Karnera te la yichꞌ milele. Te sjunal kuxlejale, jaꞌ te jun te la yichꞌ tsꞌibayel desde pas te balmilale.

Apocalipsis 2:24

“Pero te jaꞌex te aylan ta Tiatirae te ma xꞌanaꞌik te tut ya yakꞌ ta nopele, sok te ma jaꞌuk bajt ta awoꞌtanik snopel te tutik mukul nax ya yalik te jaꞌ yuꞌun te pukuje, ya kalbeyex te maꞌyuk yan mantal ya kaꞌbeyex achꞌuunike.