2 Corintios 2:10 - Nuevo Testamento Tzeltal de Amatenango

¹⁰ Jich te machꞌa a te la apasbeyik perdone, jich ya jpasbe perdon euk. Y te tutꞌil la jpasbe perdone, teme ay tut ya skꞌan ya jpasbe perdon yuꞌune, jich a jpasbey ta akuentaik y ta stojol te Cristoe.

Bible in Tzeltal Bachajón

¹⁰ Te mach'a yac apasbeyic perdón, ha nix hichon ya jpasbe perdón. Te bin ut'il la jpasbe perdón, teme ay nix bin la jpasbe perdón yu'un, ha'ex ta acuentahic te la jpasbe perdón ta stojol Cristo,

Bible in Tzeltal de Oxchuc y Tenejapa

¹⁰ Teme ay mach'a ya apasbeyic perdón yu'un te bila amen la spase, jich ya jpasbey perdón yu'un uuc te jo'one. Yu'un te mach'a ya jpasbey perdone, teme ay nix bila ya sc'an ya jpasbey perdón yu'une, ja' ya jpasbey perdón ta awentaic ta stojol te Cristoe.

2 Corintios 2:10 ပူးပေါင်းရင်းမြစ်များ

San Mateo 18:18

“Jamal ya kalbeyex te tut ya akomik ta pasel liꞌ ba balmilale, jich kombil ya xkꞌot skꞌoplal ta chꞌulchan. Jich euk te tut ya awakꞌik ta pasel liꞌ ba balmilale, jich albilix skꞌoplal ta chꞌulchan abi.

San Juan 20:23

Te machꞌa ya achꞌaybe smule, pasbilix me perdon abi. Yan te machꞌa ma xꞌachꞌaybe te smule, jich makꞌ sta perdon abi —xchi te Jesuse.

1 Corintios 5:4

Kꞌalal ya atsob abaik te jaꞌexe, teꞌ ayon sok koꞌtan a te ba ayexe. Y jich te spoder te Kajwaltik Jesuse teꞌ ay ekꞌa te ba ayexe.

2 Corintios 4:6

Porke stukel mismo te Diose te la yakꞌ tal sakubuk kꞌinal te ba ay te ijkꞌal kꞌinale, jaꞌ nax te la yakꞌ sakubuk kꞌinal ta koꞌtantike yuꞌun ta skuenta jich ya xjuꞌ ya jnaꞌbetik sba a te stsaꞌamul Dios te ya xchiknaj ta sit-yelaw te Jesucristoe.

2 Corintios 5:20

Jich yuꞌun joꞌotik ya xkꞌopojotik yuꞌun te Cristo ta atojolik. Jich kꞌoem te tutꞌil jaꞌ ya xwokolet ta akuentaik te Diose, te tutꞌil yipalotik ta kꞌop te joꞌotike. Jich yuꞌun, ta skuenta te Cristoe, awokolikuk te junuk awoꞌtan abaik sok te Diose.

2 Corintios 6:6

Jich me ya kakꞌtik ta ilel te lekix ayotik sok te jkuxlejaltike, sok te tutꞌ jnaꞌojbetik sluwaril te tut batsꞌi jiche, sok te ay perdon ta koꞌtantike, sok te ay slekil koꞌtantike, sok te ay ta koꞌtantik te Chꞌul Espiritue, sok te batsꞌi ay xkꞌuxul koꞌtantike,

Efesios 4:32

Ya skꞌan te ayuk me slekil awoꞌtanik sok skꞌuxul awoꞌtanik ta juju-tulex. Sok aꞌbeya abaik perdon ta juju-tulex jich tutꞌil te Dios la yaꞌbeyexix perdon ta skuenta te Cristoe.