2 Corintios 13:7 - Nuevo Testamento Tzeltal de Amatenango

⁷ Y ya jkꞌopontik Dios yuꞌun te jaꞌexe te manchuk ya apasik te tut ma tsaꞌamuke. Ma yuꞌunuk ya jkꞌan kakꞌtik ta ilel te joꞌotik te lek jkꞌoplaltike. Yuꞌun jaꞌ ya jkꞌantik a te lek tut ya apasik te jaꞌexe, aunke jich yilel te lom nax jchꞌuunejtik te joꞌotike.

Bible in Tzeltal Bachajón

⁷ Ya jc'oponcotic Dios yu'un te manchuc ayuc bin chopol yac apasic; ma yu'unuc tey ya xchicnaj a te c'axem cu'untic te tsajele, pero yu'un yac apasic te bin lec, aunque hich ya'iyel te ma ba c'axem cu'uncotic te tsajele,

Bible in Tzeltal de Oxchuc y Tenejapa

⁷ Soc ya jc'opontic Dios ta atojolic te manchuc ya apasic te bila amene. Ma yu'unuc ya cac'tic ta ilel te lec jc'oplaltic jtuqueltique. Ja' nax ay sc'oplal ta co'tantic te ya apasic te bila leque, manchuc teme ma ba lec jc'oplaltique.

2 Corintios 13:7 ပူးပေါင်းရင်းမြစ်များ

San Mateo 6:13

Y ma me xaꞌwakꞌ mulawukotik. Koltayaotik me te ba tut ma tsaꞌamuke. Yuꞌun jaꞌat me ya xmantalajat, sok ay bayal apoder, sok ay alekilal ta sbajtel kꞌinal. Jichuk”, xaꞌex ta skꞌoponel te Diose.

San Juan 17:15

Ma jaꞌuk ya jkꞌambeyat te ya alokꞌesbon ta balmilale. Jaꞌ ya jkꞌambeyat te ma xꞌawakꞌ ta tsalel yuꞌun te pukuje.

Romanos 1:28

Yuꞌun ma skꞌan snaꞌbeyik sba te Diose, jich a jileslanot yuꞌun te Diose, jaꞌ te puru chꞌayel te tut snopojike, yuꞌun aꞌ spas te tut ma lekuk ta pasele.

Romanos 12:17

Ma me apakbe sjelol teme ay machꞌa ma tsaꞌamuk ay tut ya spasbeyate. Akꞌaik ta ilel ta spasel te tut lek ta sitil-komone.

Romanos 13:13

Lek me skꞌan xꞌanotik te tutꞌil ayotikix ta kꞌajkꞌaltike. Ma me jaꞌukix ya jtamtik te yakubele sok te pas-kꞌin te xchꞌeet naxe. Makꞌ me jpastikix te tut ya skꞌupin te jtiꞌbalultik te kꞌayem aye, jaꞌ te antsiwejele, sok te pletoe, sok te il-oꞌtantawaneje.

Romanos 16:10

Albikon xkoltanuk euk te Apelese te bayal prewaetik kꞌaxem sok te xchꞌuunel yoꞌtan ta skuenta te Cristoe, y jich euk te machꞌatik ay yuꞌun te Aristobuloe.

1 Corintios 11:19

Yuꞌun ya kaꞌiy te jaꞌexe puersa ya xba apit abaik ta juju-tijkꞌ; yuꞌun te ya xchiknaj a te machꞌa batsꞌi xchꞌuunej te Diose.

2 Corintios 10:10

Ay ya yalik: “Te skartaetike lom kꞌux y lom tulan, pero teme jul tal stukele, maꞌyuk ta jkuenta sok maꞌyuk ta jkuenta te tut ya xjul yale”, xchi.

2 Corintios 10:18

Porke ma jaꞌuk lek ya xꞌilot yuꞌun Dios te machꞌa stukel mismo lek skꞌoplal ya yal sbae. Yuꞌun jaꞌ lek skꞌoplal te machꞌa lek ya xꞌalbot skꞌoplal yuꞌun te Kajwaltike.

2 Corintios 13:6

Koꞌtanuk yauk anaꞌik te joꞌotike ma lomuk nax te jchꞌuunejtike.

2 Corintios 13:8

Porke ma spas ya jkontraintik chꞌinuk te tut batsꞌi jiche. Yuꞌun jaꞌ nax ya skꞌan ya jpastik te tut batsꞌi jiche.

2 Corintios 13:9

Jaꞌ yuꞌun ben jun koꞌtantik te kꞌalal maꞌyuk jpuersatike, teme tulanex te jaꞌexe. Y sigue ya jkꞌopontik Dios yuꞌun te yauk xtojobex ta leke.

2 Corintios 6:4

Yuꞌun ta skuenta spisil ya jpastike, ya kaꞌbetik yilik te joꞌotik yaj-aꞌtelotik te Diose. Jich jun koꞌtantik ya me xkujch kuꞌuntik te ilbajinele, sok te tutik ay maꞌyuk kuꞌuntike, sok spisil te jwokoltike,

2 Corintios 8:21

Jaꞌ me ya skꞌan ya jpastik te tut leke ta stojol te Kajwaltik sok ta stojol ekꞌa te winketike.

Filipenses 4:8

Ta slajibal kermanotak, jaꞌ xꞌanopik spisil te tut batsꞌi jiche, sok ta spisil te tut tsaꞌam ta alele: jaꞌ bi jaꞌ spisil te tut toje, ta spisil te tut leke, ta spisil te tut lek skꞌoplale, sok ta spisil te tut lek ta nopele. Nopaik ta spisil te tut ben leke y sok te tut ben tsaꞌame.

1 Tesalonicenses 5:23

Jaꞌ mismo te Dios yuꞌun te bujtsꞌan kꞌinale, jaꞌ me ya stojutesex te lek ya xꞌoex yuꞌune, y ya me skanantayex ta steklejal sok achꞌulelik sok awoꞌtanik sok atiꞌbalulik, skuenta ma me ayuk amulik a kꞌalal ya xtal te Kajwaltik Jesucristoe.

1 Timoteo 2:2

Ya skꞌan kꞌoponbeyel Dios te machꞌatik ay ta gobiernoile y sok spisil te machꞌatik ay yaꞌtelike, yuꞌun jich me bujtsꞌan kꞌinal ya kaꞌitik te ben jun koꞌtanike, sok jich me maꞌyuk kꞌop ya xjajch. Jich me ya xjuꞌ kuꞌuntik xchꞌuunel te Diose y jich me toj ya xꞌanotik.

2 Timoteo 2:15

Oꞌtanina me spisil te tutꞌil ya xjuꞌ ya xkꞌoat ta stojol Dios yuꞌune, jich tutꞌil jtul jꞌaꞌtel te lek skꞌoplale te maꞌyuk tut ya xkꞌexaw yuꞌune, te lek ya yakꞌ ta nopel te kꞌop te batsꞌi jiche.

2 Timoteo 4:18

Y jaꞌ ya skoltayon ta spisil te tut ma lekuke y ya me skanantayon jaꞌ to teme ya yikꞌon te ba ay ta ajwalinel ta chꞌulchane. Ay slekilal stukel sbajtel kꞌinal. Jichuk.

Santiago 1:12

Ben tsaꞌam slekil te machꞌa jun yoꞌtan ya xkujch yuꞌun te prewae, porke teme juꞌ yuꞌune, ya me yichꞌ smajtan korona, jaꞌ te kuxlejale te Dios yaloj te ya yaꞌbe te machꞌatik kꞌux ta yoꞌtanik te Diose.

1 Pedro 2:12

Lekuk me ayex sok te akuxlejalik te ba ay te machꞌatik ma snaꞌbeyik sba te Diose. Aunke ma tsaꞌamuk akꞌoplalik ya yalbeyex te ora to, sok aunke jachik kꞌoeme ta yoꞌtanik te ma tsaꞌamuk awaꞌtelike, ya me yilik te lek te tut ya apasik te jaꞌexe, y ya me yalbeyik lek skꞌoplal te Dios te tut kꞌaalil ya yichꞌ kuenta ta spisile.