2 Corintios 13:5 - Nuevo Testamento Tzeltal de Amatenango

⁵ Aꞌiya me abaik jaꞌex mismo, yuꞌun jich me ya xchiknaj a teme batsꞌi ay te xchꞌuunel awoꞌtanike. Pasa abaik ta prewa. ¿Me ma anaꞌojikuk te ayix ta awoꞌtanik te Jesucristoe?, teme ma lomuk nax awaloj te achꞌuunejike.

Bible in Tzeltal Bachajón

⁵ Ha'ex nix xatsahtay awilic teme ay sch'uhunel awo'tanic; ha'ex nix xatsahtay awilic. ¿Ma bal ana'ojic te ay ta awo'tanic te Jesucristo? ¡O ha wan ma ba c'ax awu'unic te tsajele!

Bible in Tzeltal de Oxchuc y Tenejapa

⁵ Te ja'exe aiya me awaiyic ta awo'tanic teme ay xch'uunjel awo'tanique. Tsajtaya me awaiy abaic ta lec. ¿Ma bal yacuc ana'ic te ay ta awo'tanic te Jesucristoe?, teme ma tojoluc awalojic te ach'uunejique.

2 Corintios 13:5 ပူးပေါင်းရင်းမြစ်များ

San Juan 14:23

Te Jesuse la sjakꞌbe: —Te machꞌa kꞌuxon ta yoꞌtane, ya yakꞌ ta jkuenta te jkꞌope, y kꞌux ya xꞌaꞌiyot yuꞌun te jTate. Y te jTate sok te joꞌone yax tal joyintik.

San Juan 15:4

Sigue me xꞌawakꞌ abaik ta jtojol; jich tutꞌil te joꞌone sigue me ayon ta atojolik. Te jejk skꞌabe ma spas ya yakꞌ sit ta stukel nax, teme ma teyuk lokꞌem tal te ba smukꞌul yakꞌile. Jaꞌ nax jich euk te jaꞌexe, ma xjuꞌ ya sitinex teme ma jmeluk nax ya awakꞌ abaik ta jtojole.

San Juan 17:23

Te joꞌone ayon ta yoꞌtanik, y te jaꞌate ayat me ta koꞌtan euk, yuꞌun jich me jun nax ya xkꞌotik. Jich te machꞌatik ayik ta skuenta te balmilale te me ya snaꞌbeyik sluwar a te jaꞌat la atikonon tale, sok te ben kꞌux ta awoꞌtan te machꞌatik xchꞌuunejonixe, jich tutꞌil te kꞌuxon ta awoꞌtane.

San Juan 17:26

La kakꞌix snaꞌbeyat aba y ya to me kakꞌ xan snaꞌbeyat aba. Jich tutꞌil te kꞌuxon ta awoꞌtane, jichuk me kꞌux ta awoꞌtan euk. Sok ya me xꞌanon ta yoꞌtanik —xchi ta skꞌoponel Dios te Jesuse.

San Juan 6:56

Te machꞌa ya sweꞌ te jtiꞌbalule y te ya yuchꞌ te jchꞌichꞌele kuxulix ta jtojol, y te joꞌone jun nax ya xkuxuyinon sok.

San Juan 6:6

Te tutꞌil jich a yal te Jesuse, yuꞌun ya yaꞌi tut xchi te jFelipee, porke te Jesuse snaꞌoj lek te tut ya xba spase.

Romanos 1:28

Yuꞌun ma skꞌan snaꞌbeyik sba te Diose, jich a jileslanot yuꞌun te Diose, jaꞌ te puru chꞌayel te tut snopojike, yuꞌun aꞌ spas te tut ma lekuk ta pasele.

Romanos 8:10

Pero teme ay ta awoꞌtanik te Cristoe, aunke chamen te atiꞌbalulik ta skaj te mulile, kuxul me achꞌulelik ta skuenta te libreix ayex ta stojol te Diose.

1 Corintios 11:28

Pero ta juju-tul a me yaꞌi sba tutꞌ ay teme jun yoꞌtan te ya sweꞌ te waje y ya yuchꞌ te tut ay ta basoe.

1 Corintios 11:31

Yan teme la kaꞌiy jbatik ta lek te joꞌotik mismoe, te Kajwaltike ma lomuk nax ya yaꞌbotik kastigo.

1 Corintios 3:16

¿Tuꞌun me yuꞌun maꞌ anaꞌojikuk te jaꞌex stemploex te Diose, y te Espíritu yuꞌun te Diose teꞌey ba ayexe?

1 Corintios 6:15

¿Me yuꞌun ma anaꞌojikuk te jaꞌexe te atiꞌbalulik te jaꞌ yok skꞌabinej te Cristoe? ¿Y me ya spas te ya kichꞌbey te yok skꞌabinej Cristo, y ya xba kaꞌbe sta te stiꞌbalul jtul jmulawil antse? Ma lekuk.

1 Corintios 6:19

¿Meꞌn ma xꞌanaꞌik te jaꞌexe te jaꞌ templo yuꞌun te Chꞌul Espíritu te atiꞌbalulike? Te Chꞌul Espiritue ay ta atojolik, yuꞌun te Dios a yaꞌbeyexe. Te jaꞌexe maꞌ awuꞌuninej abaikuk,

1 Corintios 6:2

¿Me yuꞌun maꞌ anaꞌojikuk te jaꞌex yuꞌunex te Diose te ya to xchapawanex ta patil ta balmilale? Te jaꞌexe ya me smeltsaanwanex ta balmilal ta patil, ¿me yuꞌun ma xjuꞌ awuꞌunik xchapel te tut ma tulanuk skꞌoplal ta ora to?

1 Corintios 9:24

Te jaꞌexe anaꞌojik teme ay jun jꞌalawe spisilik ya xꞌanimajik. Pero úniko jtul nax te ya yichꞌ smajtan yuꞌun ya yaꞌiy tsalawe. Lek ay, animajanik me ta apisilik, jich me ya xkꞌo ata te amajtanike.

1 Corintios 9:27

Ma jichuk, ya kaꞌbe swokol te jtiꞌbalule y ya jsuj te ya xchꞌuunbone. Yuꞌun ma me joꞌukon mismo ya xchꞌayon jilel ta patil te tutꞌil la jnojpeslan te yane.

2 Corintios 6:16

Ma spas teme komon ay te templo yuꞌun Dios sok te lotil diosetike. Porke joꞌotik templootik yuꞌun te kuxul Diose, jich tutꞌil a yal jilel stukele: “Ya me xnainon ta yolilik, teꞌ ya me xbeenon a. Joꞌon Dioson yuꞌunik y jaꞌ jtejklum kuꞌunlan”, xchi me.

Gálatas 2:20

Sok te Cristoe pajal jojkꞌajemon sok ta krus. Y ma joꞌukon xanix ta jkuenta kuxulon, jaꞌix ta skuenta Cristo te kuxulone. Y ta ora to te tutꞌil kuxulon sok te jtiꞌbalule, jaꞌ kuxulonix ta xchꞌuunel koꞌtan ta skuenta te Xnichꞌan Diose. Jaꞌ la xkꞌuxutayon y la yakꞌ sba entregal ta milel ta joꞌon ta jkaj.

Gálatas 4:19

Kuntikilex te ben kꞌuxex ta koꞌtane, ayonix ta wokol nax tak yuꞌun te jaꞌexe, jich tutꞌil jtul meꞌil te ya xlijk swokole. Y sigue ayon bael ta wokol jaꞌ to teme Cristo ya stojutesexe.

Gálatas 6:4

Te juju jtul ya skꞌan ya yichꞌ sba jkuenta te tut ya spase, y teme jun yoꞌtan ya yaꞌiy sbae, jichuk me ay ta stukel nax y ma me jaꞌuk ya yil tutꞌ ay te yane.

Efesios 3:17

Y te ya xꞌanin ta awoꞌtanik te Cristo ta skuenta te xchꞌuunel awoꞌtanike. Jich te jaꞌexe junuk awoꞌtanik y toyoluk tsunulex ta skuenta te skꞌuxul awoꞌtanike.

Colosenses 1:23

Pero yuꞌun te jich aye ya skꞌan te jmel nax jun awoꞌtanik sok te xchꞌuunel awoꞌtanike. Ma me xtal xbajtukex ta smaliyel te tut ya awichꞌik yuꞌun te skꞌoplal kolel te la awaꞌiyike. Jaꞌ to jaꞌ skꞌoplal te la yichꞌix alel ta bayuk nax ta balmilale, jaꞌ te ay kaꞌtel ta yalel ekꞌae, joꞌon te jPabloone.

Colosenses 1:27

Te Diose jaꞌ la yaꞌbotik jnaꞌtik te tutꞌil mukul nax ay yuꞌune, jaꞌ te kꞌop te bayal slekil ta aꞌiyel yuꞌun spisil te machꞌatik maꞌ juriyouke. Jaꞌ te tutꞌil ya xꞌanin ta awoꞌtanik te Cristoe, te jaꞌ ya amaliyik te slekil te ya xba awichꞌike.

Colosenses 2:19

Te stukelike ma junuk nax ayik sok te Cristo, te jolol kuꞌuntike, te jaꞌ ya yakꞌ mukꞌubuk spisil te stiꞌbalul te ya smakꞌline, y jun nax ya yakꞌ ta juju-chꞌam, jich tutꞌil snopoj te Diose.

Colosenses 2:7

Tsꞌunulukex me lek ta skuenta stukel, jmel nax junuk awoꞌtanik yuꞌun ta skuenta te xchꞌuunel awoꞌtanik, jich tutꞌil te la awichꞌik nojpesele. Y sil tiempo albeyaik kola yal Dios.

1 Timoteo 2:15

Pero te antse ya xkol teme ya xchꞌuun te ya stsꞌites te yuntikile sok teme ma xchꞌay yoꞌtan ta xchꞌuunel te Diose, sok te ay skꞌuxul yoꞌtane, y sok teme jun yoꞌtane.

2 Timoteo 3:8

Y jich tutꞌil te Janes y Jambres te la spaj sba sok te jMoisese, jich ekꞌa te genteetik abi skontrainejik te tut batsꞌi jiche. Jaꞌ te winketik te ma tsaꞌamuk spensarike te ma snaꞌik tutꞌil ay ta chꞌuunel te Diose.

Tito 1:13

Y la yal te tut batsꞌi jiche. Jaꞌ yuꞌun tulan me xꞌakom, yuꞌun jich me lek ya xkꞌotik a sok te xchꞌuunel yoꞌtanike.

Tito 1:16

Ya yalik te snaꞌojbe sba te Diose. Pero ta skuenta te tut ya spasike, ya xchiknaj te ma snaꞌbe sbae. Jpꞌajawetik sok jkꞌaxintawanejetik. Ni ma xjuꞌ yuꞌun spasel te tut lek ta pasele.

Tito 2:2

Te ansianoetike ya skꞌan te kuidado ayike, y te lek te skuxlejalike, sok te ya snaꞌik stsael te tut leke. Ya skꞌan te ayuk lek te xchꞌuunel yoꞌtanike, y sok te xkꞌuxul yoꞌtanike, sok te ay yip yoꞌtanik yuꞌun ya xkujch te wokole.

Hebreos 12:15

Oꞌtaninaik te ma me machꞌa ma staik te lekilal yuꞌun te Diose. Ma me ayuk machꞌa jich kꞌoem te tutꞌil jwol wamal te ay yisim te ma lekuk te ya yixlan te gentee.

Hebreos 4:1

Jaꞌ yuꞌun, kuidado me ya skꞌan xꞌanotik te tutꞌil ay to ta jkuentatik te sjapoj Dios te ya xjuꞌ xꞌochotik te ba luwar te kuxo-oꞌtane. Jaꞌ me ma lek teme ay jtuluk te jaꞌex te ma xkꞌo ataike.

Hebreos 6:8

Pero teme chꞌix a yakꞌ o wamale, ni ma baleuk te lume. Jich ma lekuk skꞌoplal yuꞌun te Diose, y ta slajibal ya yichꞌ chikꞌel.

Santiago 4:4

¡Jaꞌex genteetik te ma junuk awoꞌtanike! ¿Meꞌn ma anaꞌojikuk te machꞌatik jun yoꞌtan sba sok te balmilale, jaꞌ skontrainejik te Diose? Machꞌauk a te ya skꞌan te jun yoꞌtan sba sok te balmilale, jaꞌ ya skontrain te Diose.

1 Pedro 5:9

Ma me wakꞌ abaik ta tsalel yuꞌun. Jaꞌ me a yipin awoꞌtanik te Dios achꞌuunejike. Naꞌaik me te jich mismo ay swokolik te awermanoik ta bayuk nax ta balmilal.

Apocalipsis 2:5

Jaꞌ yuꞌun, naꞌame te ba ay te chꞌayemate. Sujtesa awoꞌtan ta stojol Dios, y pasa me xan jich tutꞌil te la apas ta nail toe. Teme maꞌuke, ya xtalon ta ora ta atojol y ya jpojbeyat te yawil akꞌajkꞌ te ba ay awuꞌune, teme max asujtes awoꞌtan ta stojol Diose.