2 Corintios 13:4 - Nuevo Testamento Tzeltal de Amatenango

⁴ Jich te la yichꞌ jijpanel ta krus te maꞌyuk spuersa yilele, pero kuxulix ta spoder te Diose. Jich mismo euk te joꞌotike pajal maꞌyuk jpuersatik sok yilel. Pero te tutꞌil jun nax ayotik soke, jich kuxulotik ta spoder Dios yuꞌun te yipalotik ta aꞌtel ta atojolike.

Bible in Tzeltal Bachajón

⁴ Aunque mayuc yip a te la yich' jihpanel ta cruz, cuxulix ta scuenta yu'el te Diose. Ha nix hichotcotic, mayuc quipcotic ta scuenta, pero pajal cuxulotcotic soc ta scuenta yu'el Dios scuenta yu'un ya cac' jbahcotic ta a'batinel ta atojolic.

Bible in Tzeltal de Oxchuc y Tenejapa

⁴ Jich c'oem te bit'il mero ma'yuc yipe, jich la yich' jijp'anel ta cruz. Ja'uc me to, cuxulix ta swenta yu'el te Diose. Ja' nanix jich te jo'otique, ma'yuc quiptic uuc. Ja'uc me to, pajal cuxulotic soc ta swenta yu'el te Diose swenta yu'un ya cac' jbajtic ta abatinel ta atojolic.

2 Corintios 13:4 ပူးပေါင်းရင်းမြစ်များ

San Juan 10:18

Maꞌyuk machꞌa ya spojbon te jkuxlejale yuꞌun joꞌon mismo ya kakꞌ jba ta milel. Ya xjuꞌ ya kakꞌ jba ta milel sok ya xjuꞌ ya jchaꞌichꞌon xan te jkuxlejale. Jich spasojon tal ta mantal te jTate —xchi te Jesuse.

Hechos 2:36

Naꞌaik me te jaꞌexe jtejklum israel te tut batsꞌi jiche, te jaꞌ mismo ya kalbeyex skꞌoplal te Jesuse te la ajojkꞌanik ta kruse. Te Diose la yakꞌix ta ilel te jaꞌ te Cristoe sok te jaꞌ Kajwaltik stukele —xchi te jPedroe.

Hechos 3:16

Te tutꞌil ayix spuersa yok te winik to te ya awilik te ya anaꞌbeyik sbae, jaꞌ ta xchꞌuunel-oꞌtanil ta skuenta te Jesuse. Te xchꞌuunel-oꞌtanil ta skuenta te Jesuse jaꞌ te batsꞌi la slekutesix te winike te tutꞌil tekꞌelix ta asitike.

Romanos 1:4

Pero te kꞌalal chaꞌkux tal te ba animaetike ta skuenta te Chꞌul Espíritu, jamal a akꞌot ta ilel te jaꞌ Xnichꞌan Dios te aꞌbot bayal spodere.

Romanos 14:9

Jaꞌ yuꞌun ito cham te Cristoe y chaꞌkux tal. Jaꞌ ajwalil yuꞌun te machꞌatik chamenike y sok te machꞌatik kuxajtike.

Romanos 6:4

Yuꞌun ta skuenta te ichꞌjaꞌe jun nax a mujkotik sok Cristo y jchamotik. Sok jich tutꞌil chaꞌkux te Cristoe ta skuenta te slekil spoder te Jtatik Diose, jich ya xchaꞌkuxotik, sok ya kichꞌtik achꞌ kuxlejal.

1 Corintios 1:25

Yuꞌun te tutꞌil snopoj Dios te kuybil ta jowil naxe, jaꞌ mas ben pꞌij ke te spꞌijil gente naxe. Y te tutꞌil lom pekꞌ ya spas te Diose, jaꞌ mas tulan ke te spisil spuersa gentee.

1 Corintios 15:43

Te tut ya xmujke maꞌyuk ta jkuenta; te tut ya xchaꞌkuxe ben tsaꞌamix a. Te tut ya xmujke maꞌyuk spuersa; te tut ya xchꞌakuxe ayix spuersa a.

1 Corintios 2:3

Te kꞌalal ayon ta awolilike, maꞌyuk puersa a kaꞌiy y ben yaꞌbon sik yuꞌun xiꞌel.

1 Corintios 6:14

Y jich tutꞌil te Diose te la xchaꞌkuses tal te Kajwaltike, jich ya xba xchꞌakusesotik tal ta spoder ekꞌa te joꞌotike.

2 Corintios 10:10

Ay ya yalik: “Te skartaetike lom kꞌux y lom tulan, pero teme jul tal stukele, maꞌyuk ta jkuenta sok maꞌyuk ta jkuenta te tut ya xjul yale”, xchi.

2 Corintios 12:10

Jaꞌ yuꞌun ben jun koꞌtan te maꞌyuk tut ya xjuꞌ kuꞌune, sok te ma xyakꞌelon ta jkuentae, sok te maꞌyuk tut ya xtuun kuꞌune, sok te ayon ta tenele y sok te ay jwokol ta skuenta te Cristoe. Porke te kꞌalal maꞌyuk jpuersa ya kaꞌiye, jaꞌ mas tulanon ya kaꞌiy a.

2 Corintios 13:9

Jaꞌ yuꞌun ben jun koꞌtantik te kꞌalal maꞌyuk jpuersatike, teme tulanex te jaꞌexe. Y sigue ya jkꞌopontik Dios yuꞌun te yauk xtojobex ta leke.

Filipenses 3:10

Te tut ya jkꞌane, jaꞌ te yauk jnaꞌbey sba te Cristoe, sok te yauk kaꞌiy tutꞌil ay te spoder te la yichꞌ chaꞌkusesel yuꞌune, sok te pajaluk ya xkꞌax jwokol soke, y asta jich ya xkꞌoon ekꞌa te tutꞌil a laje.

Hebreos 5:7

Te kꞌalal ay to ta balmilal a te Cristoe, tulan a kꞌopoj y bayal a okꞌ ta skꞌoponel y ta yalulanbeyel te Diose, te yauk xjuꞌ ya xkoltayot ta spoder yuꞌun te lajele. Y te tutꞌil xchꞌuunej mantale, Dios a aibot yuꞌun.

1 Pedro 3:18

Porke te Cristoe kꞌax swokol ta milel yuꞌun te jmultik te jun nax buelta ta sbajtel kꞌinale. Lek yoꞌtan stukel, pero kꞌax swokol yuꞌun te machꞌatik ma lekuke, yuꞌun ya yikꞌex bael ta stojol Dios te jaꞌexe. Jich tutꞌil winik cham te stiꞌbalule; pero chaꞌkux sok te xchꞌulele.

1 Pedro 3:22

Jaꞌ te machꞌa mo bael ta chꞌulchane, y te ayix ta sbatsꞌil te Diose, sok te jaꞌ ya xchꞌuunbot smantal yuꞌun te angeletike y sok te yanetik te ay yaꞌtelik y ay spoderike.