2 Corintios 13:3 - Nuevo Testamento Tzeltal de Amatenango

³ Yuꞌun te jaꞌexe yipalex ta skꞌanel seña ya awilik teme jaꞌ Cristo te ya xkꞌopoj ta jkuentae. Y te Cristoe ma yuꞌunuk maꞌyuk spuersa te tut ya xchap ta akuentaike. Ya me yakꞌ awilik te bayal spoder ta atojolike.

Bible in Tzeltal Bachajón

³ Hich yac awilic a teme melel ha nix te Cristo te yac ta c'op ta jcuenta, soc te ma ba peq'uel te yip ta atojolic, ay bayel yu'el ta atojolic.

Bible in Tzeltal de Oxchuc y Tenejapa

³ Tey me ya awilic a te ja' Cristo te yac ta c'op ta jwentae. Ma peq'ueluc yip ya xc'opoj ta atojolic te Cristoe, melel ya me yac'beyex awilic te bit'il bayal yu'el ta atojolique.

2 Corintios 13:3 ပူးပေါင်းရင်းမြစ်များ

San Mateo 10:20

Jich te tut ya awale ma jaꞌukat akꞌop, jaꞌ ya xkꞌopoj ta awoꞌtanik te Espíritu yuꞌun te jTatike.

San Lucas 21:15

Porke joꞌon me ya kaꞌbeyex spꞌijil awoꞌtanik ta kꞌop. Te ni jtuluk ya xjuꞌ sujtesel te akontraike, sok te ma xjuꞌ ya skontra-kꞌoptayat yuꞌunike.

1 Corintios 7:40

Pero te ya kale, jaꞌ ben jun yoꞌtan te jichuk te makꞌ xnujpunixe. Jaꞌ ito joꞌon te jich ya kale, y jchꞌuunej te ay ta koꞌtan te Espíritu yuꞌun te Diose.

2 Corintios 10:1

Joꞌon jPabloon, ya kalbeyex awokolikuk ta skuenta slekil yoꞌtan sok skꞌuxul yoꞌtan te Cristoe. Yuꞌun ya awalik te kꞌalal ayon ta awolilike lom mansoo kakꞌoj jba. Y te kꞌalal jakal ayone ya awalik: “Ya stoy sba ta kꞌop”, xchaex.

2 Corintios 10:4

Te tut ya jmak jbajtik aye, ma pajaluk sok te tut skuenta balmilale. Yuꞌun jaꞌ ta spoder te Diose te ya xjuꞌ ya jimtik a te tut wokol ta jimele. Y jich ya jimtik a te leel ta mulile.

2 Corintios 12:12

Ta skuenta spisil te señailetik sok te milagroetik sok seña spoder Dios te la jpasulan ta atojolike, teꞌ chikan a te batsꞌi jich te apostolone.

2 Corintios 2:10

Jich te machꞌa a te la apasbeyik perdone, jich ya jpasbe perdon euk. Y te tutꞌil la jpasbe perdone, teme ay tut ya skꞌan ya jpasbe perdon yuꞌune, jich a jpasbey ta akuentaik y ta stojol te Cristoe.

2 Corintios 2:6

Teyix a te la akomik ta kastigo te machꞌa la achapbeyik te smule.

2 Corintios 9:8

Te Diose ya xjuꞌ yuꞌun ya yaꞌbeyex bayal ta jkaj te bendisionetike, yuꞌun jich me ay awuꞌunik sil tiempo spisil te tut ya akꞌanike. Jich me ay sobra awuꞌunik a te ya xtuun awuꞌunik ta spasel bayal ta jkaj te lekil aꞌtele.