2 Corintios 12:9 - Nuevo Testamento Tzeltal de Amatenango

⁹ Pero te Kajwaltike la yalbon: “Teyatix a te slekil koꞌtan awuꞌune, porke te jpodere jich ya xchiknaj ta lek a te maꞌyuk tut ya xjuꞌ awuꞌun ta atukele”, xyuton. Jich yuꞌun ben jun koꞌtan te maꞌyuk tut ya xjuꞌ kuꞌune, yuꞌun jich me ya xchiknaj ta jkuenta a te spoder Cristoe.

Bible in Tzeltal Bachajón

⁹ Pero la yalbon: Tic'at a yu'un te cu'ele, como tey ya xchicnaj xan a te cu'el te banti mayuc awip, xchi. Ha yu'un tse'el co'tan ya jtoy jba yu'un te mayuc quip, scuenta yu'un ya xchicnaj te yu'el Cristo ta jcuenta.

Bible in Tzeltal de Oxchuc y Tenejapa

⁹ Ja'uc me to, jich la yalbon: “Tic'at a te yutsil co'tan awu'une. Melel te cu'ele ja' ya xchicnaj ta lec a te c'alal ma'yuc awipe”, la yuton. Jich yu'un, bin nax co'tan yu'un te bit'il ma'yuc quipe, swenta yu'un jich ya me xchicnaj ta jwenta te yu'el te Cristoe.

2 Corintios 12:9 ပူးပေါင်းရင်းမြစ်များ

San Mateo 28:18

Te Jesuse tijilaj tal te ba ayike. Jicha yal: —Dios a yaꞌbonix ta jkuenta spisil te chꞌulchan sok te balmilale.

San Mateo 28:20

Sok aꞌbeyaik snopik xchꞌuunel spisil te jmantal te kalojbeyexe. Ma me xchꞌay ta awoꞌtanik te sil tiempo joyinejex ta jujun kꞌaale jaꞌto teme laj te balmilale —xchi te Jesuse. Jichuk.

San Lucas 21:15

Porke joꞌon me ya kaꞌbeyex spꞌijil awoꞌtanik ta kꞌop. Te ni jtuluk ya xjuꞌ sujtesel te akontraike, sok te ma xjuꞌ ya skontra-kꞌoptayat yuꞌunike.

1 Corintios 10:13

Te jaꞌexe maꞌyuk kꞌaxem awuꞌunik te ilel-awoꞌtanik te ma ba yaꞌiyojik te yanetike. Y te jaꞌexe ya xjuꞌ te ay smukꞌul awoꞌtanik ta stojol Dios te ma xyakꞌ kꞌaxuk awokolik ta ilel awoꞌtanik te lom tulan te ma xkujch awuꞌunike. Pero ma jichuk, te kꞌalal ya xtal te ilel-awoꞌtanike, te Diose ya sle tutꞌ ya skoltayex lokꞌel a, yuꞌun jich ya xjuꞌ awuꞌunik a.

1 Corintios 15:10

Pero ta slekil yoꞌtan Dios te jich ayon te tutꞌil ayone, y te slekil yoꞌtan kuꞌune ma lomuk nax, yuꞌun atꞌejemonix bayal ke ta spisil te yanetike. Aunke ma joꞌukon kaꞌtel jtukel, yuꞌun jaꞌ aꞌtej ta jkuenta te Diose ta skuenta slekil yoꞌtan te la skoltayone.

1 Corintios 2:3

Te kꞌalal ayon ta awolilike, maꞌyuk puersa a kaꞌiy y ben yaꞌbon sik yuꞌun xiꞌel.

1 Corintios 2:5

Jaꞌ yuꞌun te tutꞌil ay xchꞌuunel awoꞌtanike jaꞌ ta skuenta spoder te Diose y ma jaꞌuk ta skuenta spꞌijil te genteetike.

2 Corintios 11:30

Teme ay tut ya jtoy jba yuꞌune, ja ya jtoy jba yuꞌun te tutik ya xchiknaj te maꞌyuk tut ya xjuꞌ kuꞌune.

2 Corintios 12:1

Ma jkꞌan te ya jtoy jba ta mismo jtukel naxe. Pero jaꞌ me ya jta ta alel te tutik a kil y la yaꞌbon jnaꞌ te Kajwaltike.

2 Corintios 12:10

Jaꞌ yuꞌun ben jun koꞌtan te maꞌyuk tut ya xjuꞌ kuꞌune, sok te ma xyakꞌelon ta jkuentae, sok te maꞌyuk tut ya xtuun kuꞌune, sok te ayon ta tenele y sok te ay jwokol ta skuenta te Cristoe. Porke te kꞌalal maꞌyuk jpuersa ya kaꞌiye, jaꞌ mas tulanon ya kaꞌiy a.

2 Corintios 12:15

Y te joꞌone lom gano ya jlajin spisil te tutik ay kuꞌune. Y asta joꞌon mismo ya kakꞌ jba ta lajel ta akuentaik yuꞌun akoltayelik. Aunke jich ya kilex te bayal to jkꞌanojex te joꞌone, pero te jaꞌexe mas maꞌ akꞌanojikukon.

2 Corintios 12:5

Pero ma joꞌukon mismo ya jtoy jba jtukel. Jaꞌ ya jtoy jba yuꞌun te maꞌyuk jpuersae.

Efesios 3:16

Ya jkꞌanbe te ya yaꞌbeyex ta awoꞌtanik te slekilal stsaꞌamule sok apuersaik sok apoderik ta skuenta te Espíritu yuꞌune.

Filipenses 4:13

Ta spisil ya xjuꞌ kuꞌun ta skuenta Cristo te jaꞌ ya skoltayone.

Colosenses 1:11

Ya jkꞌanbetik stukel te jaꞌ ya yaꞌbeyex apuersaike ta skuenta te stsaꞌamul spodere. Jich ya xjuꞌ awuꞌunik te ya xkujch awuꞌunik ta spisil yuꞌun te spuersa awoꞌtanike sok yuꞌun te apasensiae.

1 Timoteo 1:14

Jich te Kajwaltike la yaꞌbon bayal te slekil yoꞌtan ta jtojol, y la yaꞌbon xchꞌuunel-oꞌtanil y sok te skꞌuxul-oꞌtanil te kichꞌojtik ta skuenta te jun nax ayotik sok te Cristo Jesuse.

Hebreos 11:34

la stupꞌik te tulan kꞌajkꞌetik, sok juꞌ yuꞌunik te maꞌyuk a lajik ta puñale. Aꞌbot spuersaik te machꞌatik maꞌyuk spuersaike, ay tulan a laj kꞌot yuꞌun te guerrae, la stsalik te soltaroetik yuꞌun te skontraike.

Hebreos 4:16

Jaꞌ yuꞌun junuk koꞌtantik tijilajukotik bael te ba ay snaktajib te Dios kuꞌuntik te lek skꞌanojotike, yuꞌun ya me yakꞌ xkꞌuxul yoꞌtan ta jtojoltik. Ta slekil yoꞌtan ya me skoltayotik te tut ora ya jkꞌantik koltayele.