2 Corintios 12:7 - Nuevo Testamento Tzeltal de Amatenango

⁷ Para ke makꞌ jtoy jba a yuꞌun te tut lom mukꞌ a yaꞌbelon jnaꞌe, la yaꞌbelon jun wokole, pajal sok jun chꞌix te tsꞌapal ta jtiꞌbalule, te jachik tutꞌil jun yaꞌtajib pukuj te tal yilbajinone.

Bible in Tzeltal Bachajón

⁷ Soc scuenta yu'un ma ba jc'axel ya jtoy jba yu'un te bintic muc' a'bibilon quilticlan, a'boton c'uxul wocol ta jbaq'uetal, ha ya'bat Satanás te ya yuts'inone.

Bible in Tzeltal de Oxchuc y Tenejapa

⁷ Te bila ac'boton jna' stojole jelawen nax yutsilal stuquel. Ja'uc me to, swenta yu'un ma me jtoy jba yu'un, jich ac'boton te bila c'ux ta jbaq'uetal te pajal soc muc'ul ch'ix te ts'apal ta jbaq'uetal ya caiye. Ja' yat'ejib Satanás te la yejch'entesone.

2 Corintios 12:7 ပူးပေါင်းရင်းမြစ်များ

Gálatas 4:13

Yuꞌun ya anaꞌik te kꞌalal nail la kalbeyex te skꞌoplal kolele, ta skaj jchamel te juꞌ kuꞌune.

1 Corintios 5:5

Jich te winik me to ya me awakꞌik entregal ta skꞌab pukuj, yuꞌun te stiꞌbalule ya me xlaj y te xchꞌulele ya me xkol te kꞌalal ya xtal te Kajwaltik Jesuse.

1 Timoteo 3:6

Jaꞌ yuꞌun, te machꞌa ya yichꞌ yaꞌtel ta ansianoile, ma me jaꞌuk te laj to nax xchꞌuun te Diose. Ma me teyuk ya xlijk stoy sba a, y jich ya sta kastigo jich tutꞌil la sta te pukuje.

2 Corintios 11:20

sok kujchem awuꞌunik te machꞌatik ya sujex ta mantaltesele, sok te machꞌa ya slajinbeyex te tut ay awuꞌunike, sok te ya sloꞌlayexe, sok te machꞌa mukꞌ ya yakꞌ sba ta atojolike, o sok te machꞌa ya smajbeyex awelawike.

1 Corintios 4:11

Asta te ora to ma jilemuk te jwokoltik ta wiꞌnale y sok te takin tiꞌile y te maꞌyuk lek jkꞌuꞌ-jpakꞌtike. Te gentee ya smajotik, sok maꞌyuk ba ay jnajtik.

2 Corintios 10:5

Y spisil toybajel ya smak te tutꞌil ya xnaꞌbot sba a te Diose. Spisil te tut ya snop te skuenta nax tiꞌbale ya kakꞌtik ta skuenta Cristo, yuꞌun jich me ya xchꞌuunik a.

San Lucas 13:16

Yuꞌun te ants to, te jaꞌ stsꞌumbal te jꞌAbrahame, ayix diesiocho jaꞌbil te chukbil ta chamel yuꞌun te pukuje. ¿Meꞌn ma wan lekuk te la yichꞌ koltayel te skꞌaal kuxo-oꞌtane? —xyut.

San Mateo 26:67

Jich lijk stubutayik ta sit y lijk smajik. Te yanetik la smakbeyik sit

San Mateo 4:10

La yal te Jesuse: —Baan, kꞌeja aba Satanas. Jich tsꞌibabil: “Jaꞌ nax me ya akejan aba ta stojol te Kajwaltik Dios awuꞌune sok jaꞌ nax me ya awakꞌ aba ta abatinel ta skuenta stukel”, xchi me —xchi.

2 Corintios 10:10

Ay ya yalik: “Te skartaetike lom kꞌux y lom tulan, pero teme jul tal stukele, maꞌyuk ta jkuenta sok maꞌyuk ta jkuenta te tut ya xjul yale”, xchi.

2 Corintios 12:1

Ma jkꞌan te ya jtoy jba ta mismo jtukel naxe. Pero jaꞌ me ya jta ta alel te tutik a kil y la yaꞌbon jnaꞌ te Kajwaltike.