2 Corintios 12:2 - Nuevo Testamento Tzeltal de Amatenango

² Ya jnaꞌbe sba jtul winik te ay ta skuenta Cristoe te ayix katorse jaꞌbil te ikꞌot moel ta yoxkajal te chꞌulchane. Ma jnaꞌ me ikꞌot bael sok stiꞌbalul o xchꞌulel nax. Jaꞌ nax snaꞌoj te Diose.

Bible in Tzeltal Bachajón

² Ya jna'be sba jtuhl winic te jun ay soc Cristo te ayix schanlajunebal (14) ha'bil te ic'ot mohel c'alal ta yoxcajal ch'ulchan, (ma jna' teme ta sbaq'uetal o teme ma ba ta sbaq'uetal, ha nax ya sna' te Diose).

Bible in Tzeltal de Oxchuc y Tenejapa

² Ay jtul winic te xch'uunej Cristo te jna'ojbey sba ta leque, ayix ta xchanlajunebal ja'wil te ic'ot moel c'alal ta yoxcajal te ch'ulchane. (Ma jna' teme soc sbaq'uetal ic'ot moele o teme ma socuc sbaq'uetale. Ja' nax sna'oj te Diose.)

2 Corintios 12:2 ပူးပေါင်းရင်းမြစ်များ

San Lucas 24:51

Yipal to ta yaꞌbeyel bendision a la sjileslan. Ikꞌot moel ta chꞌulchan.

San Juan 6:56

Te machꞌa ya sweꞌ te jtiꞌbalule y te ya yuchꞌ te jchꞌichꞌele kuxulix ta jtojol, y te joꞌone jun nax ya xkuxuyinon sok.

Hechos 14:6

Pero te jPablo sok te jBernabee la yaꞌibeyik sluwar te tut snopojike. Jicha laj bajt ta anel ta jtejklum Listra sok ta Derbe te ay ta estado Licaonia. Jich a yokliyik spisil te estadoe,

Hechos 22:17

Kꞌalal sujton tal liꞌ ba Jerusalene, boon ba jkꞌopon Dios ta templo, y ay tuti kil ta stekꞌlejal yilel.

Romanos 16:10

Albikon xkoltanuk euk te Apelese te bayal prewaetik kꞌaxem sok te xchꞌuunel yoꞌtan ta skuenta te Cristoe, y jich euk te machꞌatik ay yuꞌun te Aristobuloe.

Romanos 16:3

Albeyaik xkoltanuk te sPrisilae y sok te Aquilae, jaꞌ joꞌtak ta aꞌtel te ayotik ta abatinel yuꞌun te Cristo Jesuse.

Romanos 16:7

Albikon xkoltanuk euk te Andronicoe y sok te Junias te jun jlumal soke, te jaꞌ a joyinlan ta prexoe. Ben aktalanbil ta jkuenta, jich tutꞌil te apostoletike. Jaꞌ nail xchꞌuunejik Cristo, patil a jchꞌuun te joꞌone.

Romanos 16:9

Albikon xkoltanuk euk te jꞌUrbanoe te joyba sok ta aꞌtel ta skuenta te Cristoe. Y sok euk te Estaquis te ben kꞌux ta koꞌtane.

Romanos 8:1

Jaꞌ yuꞌun, ni maꞌyuk tut kastigoil ay ta skuenta te machꞌatik jun nax ay sok te Cristo Jesuse. Jaꞌ bi, jaꞌ te machꞌatik ma ta skuentaukix stiꞌbalul kuxulike; jaꞌikix te kuxulik ta skuenta te Espiritue.

1 Corintios 1:30

Pero mismo te Diose jun nax a stsobex sok te Cristo Jesuse. Y jich a spas te jaꞌ jpꞌijiltik a yaꞌbotik te Cristoe. Y ta skuenta te Cristoe jich kolemotikix yuꞌun te jmultike. Uꞌuninbilotikix yuꞌun Dios y jaꞌ la skoltayotikix.

2 Corintios 11:11

¿Tuꞌun te jich ya kale? ¿Me yuꞌun ma jkꞌanojukex te jaꞌexe? Dios snaꞌoj te bayal jkꞌanojexe.

2 Corintios 13:5

Aꞌiya me abaik jaꞌex mismo, yuꞌun jich me ya xchiknaj a teme batsꞌi ay te xchꞌuunel awoꞌtanike. Pasa abaik ta prewa. ¿Me ma anaꞌojikuk te ayix ta awoꞌtanik te Jesucristoe?, teme ma lomuk nax awaloj te achꞌuunejike.

2 Corintios 5:17

Jich yuꞌun te machꞌa jun nax ay sok te Cristoe achꞌ genteix. Te tutꞌil ay te nail toe, kꞌaxix bael; te tutꞌ ayix te ora to, achꞌubenix.

2 Corintios 5:21

Te Cristoe maꞌyuk a sle smul stukel. Pero joꞌotik ta jkajtik, te Diose la yaꞌbe skuch te jmultike, yuꞌun jich ta skuenta Cristo ya xkolotik yuꞌun te jmultike.

Gálatas 1:22

Y maꞌ snaꞌbikon jba ta sitik te hermanoetik ta skuenta Cristo te aylan ta Judea.

Gálatas 5:6

Porke jun nax ayotik sok te Cristo Jesuse, jich ma baleukix ya xkꞌot a teme kichꞌojtik sirkunsisione o teme ma kichꞌojtikuke. Te tut lom balee jaꞌ te ay xchꞌuunel koꞌtantike. Y te xchꞌuunel-oꞌtanile ya yakꞌ kuxuyinukotik sok te skꞌuxul koꞌtantike.

Efesios 4:10

Y te machꞌa koj tale jaꞌ mismo te machꞌa mo bael te ba mas toyol te chꞌulchane. Yuꞌun ba skuentain spisil te tutik aye.

1 Tesalonicenses 4:17

Ta patil te joꞌotik te kuxulotike ya me yikꞌotik bael euk jun nax sok te yanetik ta tokal, yuꞌun ya xkꞌo jta jbajtik sok te Kajwaltik teꞌ ta yolil chꞌulchane. Y jich me ya joyintik te Kajwaltik ta sbajtel kꞌinale.

Hebreos 4:14

Te Jesuse, te Xnichꞌan Diose, jaꞌ mukꞌul saserdote kuꞌuntik te ochemix bael ta chꞌulchane. Jaꞌ yuꞌun ya skꞌan sigue jun koꞌtantik ya jchꞌuuntik te tut ya kal ta jtiꞌtike.

Hebreos 9:24

Porke te Cristoe ma och bael te ba templo te pasbil nax yuꞌun te genteetike, te jaꞌ nax slokꞌol te batsꞌi temploe, sino ke mismo ta chꞌulchan a och bael. Te ora to teꞌ ba yakꞌ sba ta ilel ta stojol Dios yuꞌun ya skꞌanbotik tal koltayel te joꞌotike.

Apocalipsis 1:10

Y kꞌot ta pasel jun kꞌaal yuꞌun te Kajwaltike la sjapuyon ta spoder te Espiritue, y la kaꞌiy a kꞌopoj tal ta jpat jun tulan kꞌop, jachik tutꞌil ya xꞌokꞌ korneta,

Apocalipsis 12:5

Te antse pajt yoꞌtan, kerem te xchꞌin yale, jaꞌ te ya sjapuy ta spisil te nasionetik sok te sbaston takꞌine. Pero te xchꞌin yale ikꞌot bael ta stojol Dios te ba ay te smukꞌul naktajibale.

Apocalipsis 4:2

Mismo tiempo a la sjapuyon ta spoder te Espiritue, y la kil mukꞌul naktajibal te chapbil ta chꞌulchane y ay Machꞌa te nakal a te ba ay te mukꞌul naktajibale.