2 Corintios 12:1 - Nuevo Testamento Tzeltal de Amatenango

¹ Ma jkꞌan te ya jtoy jba ta mismo jtukel naxe. Pero jaꞌ me ya jta ta alel te tutik a kil y la yaꞌbon jnaꞌ te Kajwaltike.

Bible in Tzeltal Bachajón

¹ Ya sc'an te ya jtoy jba xan, aunque mayuc bin ya jta yu'un; pero ya calbe sc'oblal nahalsitiletic soc te bintic la yac' ta na'el te Cajwaltique.

Bible in Tzeltal de Oxchuc y Tenejapa

¹ Ma snujp'in te toyol q'uinal ya caiy yu'un te bit'il ayon ta q'uinale. Pero ya xtal ta co'tan te bila ac'boton quil ta jtelemal yilel yu'un te Cajwaltique, soc te bila ac'boton jna' yu'une.

2 Corintios 12:1 ပူးပေါင်းရင်းမြစ်များ

San Juan 16:7

Pero ya me kalbeyex ta jamal te jaꞌ lek ta atojolik te ya xboone, porke teme makꞌ xboone, makꞌ xtal ta atojolik te Joyinwanej awuꞌunike. Pero teme boone, ya me jtikonbeyex tal.

San Juan 18:14

Te jCaifas to jaꞌ mismo te la yalbe yaꞌi te statal juriyoetik te jaꞌ lek te jtul nax winik ya xlaj bael ta skuenta te jtejklume.

Hechos 18:9

Ay jun ajkꞌubal a wayuchej te jPabloe, albot yuꞌun te Kajwaltike: —Ma me xiꞌan. Akꞌa me puersa yalel te jkꞌope. Ma me akom aba.

Hechos 23:11

Kꞌalal och te ajkꞌubale, te Kajwaltike la yakꞌ sba ta ilel ta stojol te jPabloe, y la yalbe: —Pasa me puersa, Pablo, porke jich tutꞌil te la awalbonix jkꞌoplal liꞌ ba Jerusalene, jich mismo ya xkꞌo awalbon jkꞌoplal ta Roma —xꞌutot yuꞌun.

1 Corintios 10:23

Ay ya yalik: “Ayotik ta libre yuꞌun spasel te tutꞌ ya jkꞌantike”, xchiik. Jich. Pero ma spisilik ya xlokꞌ jkuenta kuꞌuntik a. Ayotik ta libre yuꞌun spasel te tut ya jkꞌan jpastike, pero ma spisiluk te ya skoltayotik ta skuenta Diose.

1 Corintios 14:6

Jaꞌ yuꞌun, kermanotak, makꞌ ya xtuun awuꞌunik teme tal kilex y te ya jkꞌoponex ta yan kꞌopetike. Jaꞌ to ya xtuun awuꞌunik teme ya kalbeyex te tut yachꞌil yalojbon te Diose, sok teme jaꞌ ya kaꞌbeyex anopik te tut apꞌijuteselike, sok teme ya kalbeyex te skꞌop Diose.

1 Corintios 6:12

Ya awalik: “jTe joꞌone libreix ayon ta spasel te tutik ya jkꞌan jpase”, xchiat. Batsꞌi jich. Pero ma spisiluk ya xlokꞌ jkuenta a. Jich, libre ayon ta spasel te tut ya jkꞌan jpase. Pero ma xjuꞌ te ay tut ya stsalone.

2 Corintios 12:11

Jicha jpasix jich tutꞌil jtul jowiyel. Pero jaꞌex la asujikon ta spasel. Porke jaꞌex ya skꞌan la awalbikon lek jkꞌoplal. Aunke ma tuton a te joꞌone, maꞌyuk machꞌa pekꞌ ayon yuꞌun ke te mukꞌul apostoletik awuꞌunik te jaꞌ atsꞌakliyejike.

2 Corintios 12:5

Pero ma joꞌukon mismo ya jtoy jba jtukel. Jaꞌ ya jtoy jba yuꞌun te maꞌyuk jpuersae.

2 Corintios 12:7

Para ke makꞌ jtoy jba a yuꞌun te tut lom mukꞌ a yaꞌbelon jnaꞌe, la yaꞌbelon jun wokole, pajal sok jun chꞌix te tsꞌapal ta jtiꞌbalule, te jachik tutꞌil jun yaꞌtajib pukuj te tal yilbajinone.

2 Corintios 12:9

Pero te Kajwaltike la yalbon: “Teyatix a te slekil koꞌtan awuꞌune, porke te jpodere jich ya xchiknaj ta lek a te maꞌyuk tut ya xjuꞌ awuꞌun ta atukele”, xyuton. Jich yuꞌun ben jun koꞌtan te maꞌyuk tut ya xjuꞌ kuꞌune, yuꞌun jich me ya xchiknaj ta jkuenta a te spoder Cristoe.

2 Corintios 8:10

Te tutꞌil jich aye ya kalbeyex tutꞌ ya yal te koꞌtan yuꞌune. Te tutꞌil la apasik te jaꞌbil a kꞌaxe, ma jaꞌuk nax te la alijkesik spasele, te ben jun awoꞌtanik la apasike.

Gálatas 1:12

Ma teyuk a jta a ni ma teyuk jnopoj a te ta skuenta nax jtul winike, yuꞌun jaꞌ ta skuenta te Jesucristoe stukel mismo a yaꞌbon jnaꞌ.

Gálatas 2:2

Boon porke Dios la yaꞌbonix jnaꞌ te puersa ya xboone. Y teyix ta Jerusalen ay jun junta te ba kalbe yaꞌiyik te stataletik te ayik ta jkuentae. La kaltalanbe te skꞌoplal kolel te la kal te ba ay te machꞌatik ma juriyouke. Te tutꞌil jich a jpase, yuꞌun ma jkꞌan teme maꞌyuk sluwaril ya xjil te tut jpasojixe sok te ya to jpas xane.

Efesios 3:3

Dios la yaꞌbon kil te tut mukul ta yoꞌtane, y la yaꞌbonix jnaꞌ jich tutꞌil la jtsꞌibabeyex chaꞌoxpꞌaluke.

1 Tesalonicenses 4:15

Jaꞌ yuꞌun la kalbetikex te jaꞌexe jich tutꞌil la yakꞌ ta nopel te Kajwaltike: Te joꞌotik, te machꞌatik kuxulotik to jilele jaꞌ to teme tal te Kajwaltike, ma joꞌukotik ya xnalajotik yuꞌun te machꞌatik chamenike.

1 Juan 5:20

Jnaꞌojtik euk te Xnichꞌan Dios tal ta balmilal, y la yaꞌbotik jnaꞌbetik sba te Dios te batsꞌi jiche. Jun nax kuxulotik sok te batsꞌi Diose, jaꞌ bi jaꞌ te Xnichꞌane, te Jesucristoe. Jaꞌ to jaꞌ batsꞌi Dios stukel y jaꞌ kuxlejal sbajtel kꞌinal.