2 Corintios 11:9 - Nuevo Testamento Tzeltal de Amatenango

⁹ Y te kꞌalal ayon ta awolilik, teme ay nesesidad a kaꞌiye, ni maꞌyuk machꞌa kaꞌbe swokol yuꞌun. Yuꞌun te hermanoetik te talemik ta Macedoniae la yaꞌbikon te tut ya xtuun kuꞌune. Jich a jpas yuꞌun ma me ayuk awijkatsik ya kaꞌbeyex, y jich sigue ya jpas bael.

Bible in Tzeltal Bachajón

⁹ Soc te c'alal ayon ta awohlilic te ay bin tuhun cu'un, mayuc mach'a la jca'be yihcats, como te bintic tuhun cu'un ha la ya'bon te quermanotactic talemic ta Macedonia. Ta spisil jtsahtayej jba te mayuc mach'a la jca'be yihcats soc hich ya jpas xan bahel.

Bible in Tzeltal de Oxchuc y Tenejapa

⁹ Jich te c'alal ayon ta awolilique, ma'yuc mach'a la cac'bey swocol jtuluc te c'alal ay bila ma'yuc cu'une. Melel te quermanotactic macedoniaetic te xc'otuquique, la yac'bonic ta jc'ab te bila ma'yuc cu'une. Jich la jwentain jba swenta yu'un ma me ayuc jtuluquex te ya cac'beyex awocolique, soc jich me ya jpas xan bael.

2 Corintios 11:9 ပူးပေါင်းရင်းမြစ်များ

Hechos 18:3

Pajal ya snaꞌ spasel nail pakꞌ sok te jꞌAquilae, jaꞌ yuꞌun la sjoyin sbaik y jun nax a aꞌtej sok.

Hechos 18:5

Kꞌalal lijkik tal ta Macedonia te Silas sok te jTimoteoe, te jPabloe jaꞌ nax a yaꞌtelin yalel te skꞌop Diose, y jamal a yaltalanbe te juriyoetik te jaꞌix Cristo te Jesuse.

Hechos 20:33

Maꞌyuk machꞌa bikꞌtaj koꞌtan yuꞌun stakꞌin, ni ayuk machꞌa kꞌupinbe skꞌuꞌ-spakꞌ.

Romanos 15:26

Porke te machꞌatik ayik ta Macedoniae y sok te ayik ta Acayae la snopik te gusto a stsob stakꞌinik te ya stikonbeyik te hermanoetik te ayik ta Jerusalen te ay swokolike.

1 Corintios 16:17

Ben jun koꞌtan yuꞌun te talem te Estéfanase sok te Fortunatoe y sok te Acaicoe. Yuꞌun jaꞌ ajelolik te tutꞌil jakal ayex te jaꞌexe.

2 Corintios 6:4

Yuꞌun ta skuenta spisil ya jpastike, ya kaꞌbetik yilik te joꞌotik yaj-aꞌtelotik te Diose. Jich jun koꞌtantik ya me xkujch kuꞌuntik te ilbajinele, sok te tutik ay maꞌyuk kuꞌuntike, sok spisil te jwokoltike,

2 Corintios 9:12

Porke te kꞌalal ya kichꞌtik bael te skoltayel hermanoetike, ma jaꞌuk nax a kichꞌbetik bael te tut maꞌyuk ay yuꞌune. Yuꞌun jich ekꞌa ya me kꞌabeytik yalik bayal kola yal Dios yuꞌun a,

Filipenses 2:25

Sok la jnop te puersa ya jtikonbeyex tal te hermano Epafrodito, te joy ta aꞌtel sok ta tsalaw, te jaꞌex mismo la atikonbikon tal yuꞌun te ya kabatine.

1 Tesalonicenses 2:6

Sok ma jaꞌuk a jletik te ay machꞌa ya yakꞌotik ta jkuentae, ni te jaꞌexe ni te yanetike. Aunke me ya xjuꞌ te ya awakꞌotik ta jkuenta te tutꞌil ay kaꞌteltik ta apostolil yuꞌun te Cristoe.

1 Tesalonicenses 2:9

Kermanotak, te jaꞌexe naꞌaik me te tutꞌil a aꞌtejotik y la jpastik puersa yuꞌun jich la jta jkuxlejaltik a. Aꞌtejotik ta kꞌajkꞌal y ajkꞌubal, yuꞌun maꞌ jkꞌantik te la kakꞌtik awokolik te jaꞌexe te la kalbeyex skꞌoplal te Diose.

Hebreos 11:37

Y ay yan te laj chamik ta chꞌojel ta ton, ta tuyel ta olil ta seruch, sok ay a lajik ta puñal. Bayuk nax a bajtik, smakoj sbaik ta snujkulel karnera y ta snujkulel chibo. Ayik ta meꞌbaal, wokolajik, y ilbajinlanot.