2 Corintios 11:7 - Nuevo Testamento Tzeltal de Amatenango

⁷ ¿Me ay wan tut ma lek a jpas te la kalbeyex skꞌoplal kolel te maꞌyuk a jkꞌan jtojol ae? ¿Me jaꞌ jmul a jta a te joꞌon chꞌin a kakꞌ jba, yuꞌun jich mukꞌ ya xlokꞌex te jaꞌexe?

Bible in Tzeltal Bachajón

⁷ ¿Ha bal jmul c'oht te peq'uel la jcac' jba scuenta yu'un ha'ex ya xtohy ac'oblalic, te bin ut'il ma ba la jc'an jtojol a te la jcalbeyex te lec yach'il c'op yu'un Dios?

Bible in Tzeltal de Oxchuc y Tenejapa

⁷ Ma'yuc bi la jc'anbeyex xujt'uc te c'alal la jcholbeyex te lec yach'il c'op yu'un te Diose. ¿Ja' bal jmul ta ac'opic te jich peq'uel la cac' jbae swenta yu'un jich me ya xlecubex a te ja'exe?

2 Corintios 11:7 ပူးပေါင်းရင်းမြစ်များ

Hechos 20:33

Maꞌyuk machꞌa bikꞌtaj koꞌtan yuꞌun stakꞌin, ni ayuk machꞌa kꞌupinbe skꞌuꞌ-spakꞌ.

Hechos 20:34

Te jaꞌexe anaꞌojik te aꞌtejon ta jkꞌab ta sleel te tuti tuun kuꞌun sok te joꞌtake.

Romanos 1:1

Joꞌon jPabloon, te yaj-aꞌtelon te Jesucristoe, ya jtsꞌibabeyex te karta to. Dios la yikꞌon sok spitojon te apostol ya xkꞌoon yuꞌune, yuꞌun ya kalbe skꞌoplal te kolele.

1 Corintios 9:12

Teme ay yanetik te ya awaꞌbeyike, mas to ay rason te ya awaꞌbotike. Pero maꞌyuk a jkꞌantik te jich ya kichꞌtik pasbeyel awuꞌunike, y jich kujchem tal kuꞌuntik spisil te jwokoltike, yuꞌun jich maꞌyuk tut ya smak a te ya kaltik te lek achꞌ kꞌop yuꞌun te Cristoe.

1 Corintios 9:6

¿Me yuꞌun akuyojik te joꞌon nax sok te jBernabe te ma xjuꞌ te ya kichꞌtik makꞌlinel te ba ay ya xkꞌaxotik ta aꞌtele?

2 Corintios 10:1

Joꞌon jPabloon, ya kalbeyex awokolikuk ta skuenta slekil yoꞌtan sok skꞌuxul yoꞌtan te Cristoe. Yuꞌun ya awalik te kꞌalal ayon ta awolilike lom mansoo kakꞌoj jba. Y te kꞌalal jakal ayone ya awalik: “Ya stoy sba ta kꞌop”, xchaex.

2 Corintios 10:16

Jich me ya kaltik xan bael te lek achꞌ kꞌop yuꞌun te kolel te luwaretik te kꞌaxem ba ayexe. Pero makꞌ xꞌochotikix a te ba ay aꞌtejemix te yane, yuꞌun jich makꞌ jtoy jbajtik te ba ayix spasoj yaꞌtel te yane.

2 Corintios 12:13

¿Me ay ma jichuk a kakꞌex ta jkuenta te tutꞌil a kakꞌ ta jkuenta te yan hermanoetike? ¿O jaꞌ yuꞌun te maꞌ jkꞌanbeyex te koltayel te tuun kuꞌune? Pasbikon perdon teme ay ma lekuk la jpasbeyexe.

2 Corintios 2:12

Kꞌalal kꞌoon ta mukꞌul jtejklum Troas yuꞌun ta yalel te lek achꞌ kꞌop yuꞌun te Cristoe, ben lek a jta entrada te ya xꞌaꞌtejon ta yaꞌtel te Kajwaltike.

1 Tesalonicenses 2:9

Kermanotak, te jaꞌexe naꞌaik me te tutꞌil a aꞌtejotik y la jpastik puersa yuꞌun jich la jta jkuxlejaltik a. Aꞌtejotik ta kꞌajkꞌal y ajkꞌubal, yuꞌun maꞌ jkꞌantik te la kakꞌtik awokolik te jaꞌexe te la kalbeyex skꞌoplal te Diose.

2 Tesalonicenses 3:8

Ni maꞌyuk a weꞌotik ta majtanil nax. Aꞌtejotik y la jpastik puersa ta kꞌaal y ajkꞌubal yuꞌun jich maꞌyuk a kakꞌtik awokolik a te jaꞌexe.