2 Corintios 11:4 - Nuevo Testamento Tzeltal de Amatenango

⁴ Porke teme ay machꞌa tal jtuluk te ya yalbey skꞌoplal yan Jesus te ma jichuk te tutꞌil la kalbetikex skꞌoplale, jun awoꞌtanik ya awaꞌiyik te skꞌope. O teme ya awikꞌik sok sbujtsꞌ awoꞌtanik te jun espíritu te ma pajaluk sok te Espíritu te awikꞌojikixe, y sok ya achꞌuunik jun skꞌoplal kolel te ma pajaluk sok te tutꞌil achꞌuunejikixe.

Bible in Tzeltal Bachajón

⁴ Como teme ay mach'a ya xtal yalbe sc'oblal yan Jesús, te ma ha'uc te Jesús la jcalbeyexcotic sc'oblale, o teme yan espíritu yac awich'ic, te ma ha'uc te Espíritu te awich'ojic, o teme ay yan yach'il c'op te bin ut'il awich'ojic, ora nax yac awich'ic.

Bible in Tzeltal de Oxchuc y Tenejapa

⁴ Melel ma wocoluc ya awac' achiquinic ta yaiybel stojol sc'opic te mach'atic ya xtal yalbeyic sc'oplal yan Jesús te ma ja'uc te Jesús te la jcholbeyex sc'oplal awaiyique. Soc ma wocoluc ya ach'uunic yan espíritu te ma ja'uc te Espíritu awic'ojiquixe, soc ma wocoluc ya ach'uunic yan c'op te ma ja'uc te lec yach'il c'op swenta jcoleltic te awaiyojiquix stojole.

2 Corintios 11:4 ပူးပေါင်းရင်းမြစ်များ

San Marcos 7:9

Sok la yalbe xan: —Te jaꞌexe ya ajiles ta apatik te smantal Diose, skuenta yuꞌun jich ya xjuꞌ ta pasel a te kostumbreetik awuꞌunike.

Hechos 4:12

Maꞌyuk yan machꞌa ay kolel ta skuenta, porke maꞌyuk yan machꞌa ya xkolotik yuꞌun. Maꞌyuk yan biilil ta balumilal te ya xjuꞌ xkolotik yuꞌune —xchi te jPedroe.

Romanos 8:15

Yuꞌun te jaꞌexe ma jaꞌuk awikꞌojik te Espíritu yuꞌun mosoil te ya yaꞌbeyex xan xiꞌele. Jaꞌix te Espíritu te ya yakꞌex ta yal-xnichꞌan Diose. Jaꞌ te Espíritu te ya yalbotik te ya xjuꞌ ya kaltik ta stojol Dios: “jTat”, xchootik.

1 Corintios 3:11

Yuꞌun maꞌyuk yan machꞌa yiptajib kꞌoem, jaꞌ úniko te Jesucristoe.

2 Corintios 11:1

Ayuk me tutꞌil ya xkujch awuꞌunik te ay jowil nax ya xkꞌopojone. Te tutꞌiluk ya awaꞌiyike, tsꞌikbikon me.

2 Corintios 2:12

Kꞌalal kꞌoon ta mukꞌul jtejklum Troas yuꞌun ta yalel te lek achꞌ kꞌop yuꞌun te Cristoe, ben lek a jta entrada te ya xꞌaꞌtejon ta yaꞌtel te Kajwaltike.

Gálatas 3:2

Jaꞌ nax ya jkꞌan ya awalbikon te tut ya jojkꞌoye: ¿Me la awikꞌik te Espíritu yuꞌun Dios te la achꞌuunik te mantaliletik yuꞌun te jMoisese, o jaꞌ te la achꞌuunik te skꞌop Dios te la awaꞌiyike?

1 Timoteo 1:3

La kalbeyatix te kꞌalal boon ta estado yuꞌun Macedoniae te jaꞌ lek ya xjilat ta Efeso, yuꞌun ya me akom te machꞌa ya snojpeswan te tut ma jichuke,

1 Timoteo 2:5

Jtul nax te Diose, y jtul nax te winik te ya xjuꞌ ya yikꞌ bael spisil te winketik te jun nax ya xkꞌot sok te Diose, jaꞌ bi jaꞌ te winik Jesucristoe.