2 Corintios 11:2 - Nuevo Testamento Tzeltal de Amatenango

² Tulan akꞌoplalik ta koꞌtan, jich tutꞌil tulan akꞌoplalik ta yoꞌtan te Diose. Joꞌon a kakꞌexix ta makel kꞌoem te ya xnujpun sok te jtul nax mamlalile, jaꞌ te Cristoe. Yuꞌun jich ya kakꞌex entregal ta stojol Cristo, jich tutꞌil jtul achꞌix te maꞌyuk smule.

Bible in Tzeltal Bachajón

² como xut'et co'tan ya ca'iy ta atojolic ta scuenta Dios. Jtuhl nax mach'a la jcac' yiq'uex, ha te Cristo, scuenta yu'un ya caq'uex ta stojol hich te bin ut'il ach'ix te mayuc mulil ta scuenta.

Bible in Tzeltal de Oxchuc y Tenejapa

² Bayal sc'oplal ta co'tan te manchuc ya xyanaj awo'tanic, jich te bit'il ay yo'tan ta atojolic uuc te Diose. Melel la cac' smacatix c'oem te jtul amamlale. Jich bayal sc'oplal ta co'tan te ma'yuc amul te ya cac'at ta sc'ab te Cristoe.

2 Corintios 11:2 ပူးပေါင်းရင်းမြစ်များ

San Juan 3:29

Jich tutꞌil te jnupunele. Te machꞌa ya xnujpun sok te achꞌixe jaꞌix smamlal abi. Yan te yamigo te winik te teꞌey ae, jaꞌ ben kontento yuꞌun te ya yaꞌiybey skꞌop te machꞌa ya xnujpune. Jichon euk ora to ben jun koꞌtan ta stojol te Jesuse.

Romanos 7:4

Jich euk te jaꞌexe, kermanotak, ta skuenta te tutꞌil a cham te Cristoe, jich chamen a kꞌoex sok ekꞌa te mantaliletike, yuꞌun ayex ta skuenta jtul xan. Te ora to jaꞌix yuꞌunex te Cristoe te chaꞌkuxem tal te ba ay te animaetike. Jaꞌ sluwaril, te jkuxlejaltik ya xtuun ta stojol Dios.

1 Corintios 4:15

Yuꞌun te jaꞌexe manchuk me ay dies mil ta jtul maestro awuꞌunik te ya yaꞌbeyex anopik skꞌoplal te Cristoe, pero ma bayaluk te atatike. Atatonik kꞌoem te jaꞌexe te tutꞌil lijk achꞌuunik te Cristo Jesuse, yuꞌun joꞌon a kalbeyex te lek achꞌ kꞌop yuꞌune.

2 Corintios 4:14

Porke jnaꞌojtik te Diose, te la chaꞌkuses tal te ba ay te animaetik te Kajwaltik Jesuse, jich me ya xchaꞌkusesotik tal sok te Jesuse, y jun nax ya yikꞌotik bael ta ba aye.

Gálatas 4:11

Bayal ya xiꞌon awuꞌunik te lom nax ni ma tuunemuk awuꞌunik te aꞌtel jpasoje.

Filipenses 1:8

Yuꞌun Dios snaꞌoj te bayal kꞌuxex ta koꞌtan ta apisilik, jich tutꞌil kꞌuxotik ta yoꞌtan te Kajwaltik Jesucristoe.

Colosenses 1:28

Te joꞌotike ya kalbetik skꞌoplal te Cristoe, ya jtsitstik y ya jnojpestik ta spisilik ta spꞌejel pꞌijilil, yuꞌun jich me tojobenikix ya xlaj kꞌot ta skuenta a te Cristoe.

1 Tesalonicenses 2:11

Sok anaꞌojik te la kaꞌbetikex spuersa awoꞌtanik y la junutesbeyex awoꞌtanik ta juju-tulex te jaꞌexe, jich tutꞌil ya spas jtul tatil sok te yuntikile.

Apocalipsis 14:4

Jaꞌ to jaꞌlan te machꞌatik te maꞌ yixlan sbaik sok antstike yuꞌun maꞌyuk tutꞌi spasik sok. Jaꞌ te machꞌatik stsꞌakliyejik te Chꞌin Karnera te bayuk ya xbajte. Laj kolik lokꞌel ta yolil te genteetik jachik tutꞌil primero smajtan Dios y sok yuꞌun te Chꞌin Karnerae.