2 Corintios 10:8 - Nuevo Testamento Tzeltal de Amatenango

⁸ Y aunke ya jtoy jba ta kꞌop chꞌinuk yuꞌun te tutꞌil ay kꞌatele, maꞌyuk tut ya xkꞌexawon yuꞌun. Yuꞌun jaꞌ a yaꞌbotik kaꞌteltik te Kajwaltike yuꞌun jich ya jpastik te ya xmukꞌubex ta stojol Dios y ma yuꞌunuk ya jimtikex.

Bible in Tzeltal Bachajón

⁸ Aunque ya jtoy xan jc'oblal, ma ba ya xq'uexawon yu'un te bin ut'il ay yip ca'telcotic, te a'botcotic yu'un te Cajwaltic scuenta yu'un yac ata xan yip awo'tanic a, ma ha'uc yu'un te ya xjihnex yu'une.

Bible in Tzeltal de Oxchuc y Tenejapa

⁸ Manchuc teme ya jtoy jba ta c'op jtebuc yu'un te bit'il ay te cat'ele, ma yu'unuc te ay bila ya xju' ya xq'uexawon yu'un tey a. Melel ja' la yac'botic cat'eltic te Cajwaltique, swenta yu'un jich me ya cac'tic sta yip awo'tanic ta stojol te Diose. Ma ja'uc cat'eltic te ya jintiquexe.

2 Corintios 10:8 ပူးပေါင်းရင်းမြစ်များ

2 Corintios 1:24

Ma yuꞌunuk jaꞌ ya jkꞌantik te ya sujtikex ta xchꞌuunele, yuꞌun ben jun awoꞌtanik sok ayix xchꞌuunel awoꞌtanike. Te tut ya jkꞌantike jaꞌ te ya xꞌaꞌtejotik ta akuentaik, yuꞌun jich me ben jun awoꞌtanik a.

2 Corintios 10:4

Te tut ya jmak jbajtik aye, ma pajaluk sok te tut skuenta balmilale. Yuꞌun jaꞌ ta spoder te Diose te ya xjuꞌ ya jimtik a te tut wokol ta jimele. Y jich ya jimtik a te leel ta mulile.

2 Corintios 10:9

Ma jkꞌan te ya akuyik te jich ya sitꞌesex yuꞌun te jkartaetike.

2 Corintios 12:19

¿Meꞌn jich akuyotik te ya nax jmak jbajtik ta kꞌop ta atojolike? Pero ma jichuk. Ta stojol Dios ya xkꞌopojotik, sok jich tutꞌil te machꞌatik ay ta skuenta te Cristoe. Y spisil to, kermanotak te ben kꞌuxex ta koꞌtane, yuꞌun jich te jaꞌexe ya me xmukꞌubex ta stojol Dios.

2 Corintios 12:6

Pero yauk jkꞌan ya jtoy jbae, ma jowiluk nax, porke jaꞌ yipalon ta yalel te tut batsꞌi jiche. Pero ma jichuk ya jpas, skuenta yuꞌun maꞌyuk machꞌa kꞌax jich ya stoybon jkꞌoplal te tut yilel te kaꞌtele sok te tut yaꞌiyel te jkꞌope.

2 Corintios 13:10

La jtsꞌibabeyex te karta to antes te ya xtal kilexe, yuꞌun te kꞌalal ya xtalone ma puersauk te tulan ya jkꞌoponex te tutꞌil ay kaꞌtel te yakꞌojbon te Kajwaltike. Ma yuꞌunuk ya jimex a, jaꞌ ya kaꞌbeyex spuersa awoꞌtanik.

2 Corintios 13:8

Porke ma spas ya jkontraintik chꞌinuk te tut batsꞌi jiche. Yuꞌun jaꞌ nax ya skꞌan ya jpastik te tut batsꞌi jiche.

2 Corintios 7:14

Joꞌon a kalbeyix te jTito te ben jun koꞌtan awuꞌunik te jaꞌexe. Ma jta kꞌexlal yuꞌun te tut kalojbeyexe. Yuꞌun batsꞌi jich spisil te tutiꞌ kalbetikexe sok batsꞌi jich euk te tutiꞌ kalbeytik te jTitoe te ben jun koꞌtantik awuꞌunik te jaꞌexe.

2 Corintios 7:4

Jamal koꞌtan ya xkꞌopojon ta atojolik, sok ben jun koꞌtan awuꞌunik. Aunke bayal jwokoltik, ben kakꞌoj puersa y ben bujtsꞌan kꞌinal ya kaꞌiy.

Gálatas 1:1

Joꞌon jPabloon, te apostolon. Ma jaꞌuk tikonbilon yuꞌun te winketike sok ma jaꞌuk la yaꞌbonik kaꞌtel. Jaꞌ la yaꞌbon kaꞌtel te Jesucristoe y sok te Dios Tatile te jaꞌ a xchaꞌkuses tal te Jesuse te ba ay te animaetike.

2 Timoteo 1:12

Jaꞌ yuꞌun te ay jwokol ta ora to. Pero makꞌ me xkꞌexawon yuꞌun, porke te joꞌone jnaꞌoj machꞌa a te smukꞌulinej koꞌtane, y seguro ayon te stukel ay spoder yuꞌun ya skꞌejbon te tutꞌil yakꞌojbone, jaꞌ to te tut kꞌaalil te ya xchaꞌtal xane.