2 Corintios 10:4 - Nuevo Testamento Tzeltal de Amatenango

⁴ Te tut ya jmak jbajtik aye, ma pajaluk sok te tut skuenta balmilale. Yuꞌun jaꞌ ta spoder te Diose te ya xjuꞌ ya jimtik a te tut wokol ta jimele. Y jich ya jimtik a te leel ta mulile.

Bible in Tzeltal Bachajón

⁴ como te a'tejibaletic cu'untic yu'un yaq'uel guerra ma scuentahuc ch'ich'-baq'uet, ha a'tejibaletic te yich'beyej yu'el Dios yu'un sjinel te bintic ay yip;

Bible in Tzeltal de Oxchuc y Tenejapa

⁴ Yu'un te cat'ejibtic ta guerra ma swentauc ch'ich'-baq'uet. Te cat'ejibtic te jo'otique, ja' te yip yu'el te Diose te ya xju' ya jwuytic a te tulan ts'ajq'ue.

2 Corintios 10:4 ပူးပေါင်းရင်းမြစ်များ

Hechos 7:22

Te tutꞌil jicha kꞌote, te jMoisese pꞌijutesot jich tutꞌil spꞌijil te Egiptoetike, y ay yip ta winikil ta skꞌop sok ta yaꞌtel.

Romanos 13:12

Te ajkꞌubale lom kꞌaxemix bael y tijilix ay tal te kꞌajkꞌaltike. Jaꞌ yuꞌun ya skꞌan ya jilestikix te tutik ay ta pasel ta ijkꞌal kꞌinale. Ya skꞌan ya jchap jbajtik yuꞌun te sakil kꞌinale jich tutꞌil jtul soltaro te lek xchapoj sba sok te smajkile sok yaꞌtajibe.

Romanos 6:13

Maꞌ awakꞌik entregal te atiꞌbalulik yuꞌun te mulile yuꞌun ta spasel te tut ma lekuke. Jaꞌ lek akꞌa abaik entregal ta stojol Dios, jich tutꞌil jtul gente te chame y te chaꞌkuxe. Sok akꞌaik entregal te atiꞌbalulik te ya xtuun yuꞌun ta spasel te tut leke.

1 Corintios 2:5

Jaꞌ yuꞌun te tutꞌil ay xchꞌuunel awoꞌtanike jaꞌ ta skuenta spoder te Diose y ma jaꞌuk ta skuenta spꞌijil te genteetike.

1 Corintios 9:7

Jich tutꞌil te machꞌa ay ta soltaroile, ¿me yuꞌun stukel ya sman te tut ya xtuun yuꞌune? Sok te machꞌa ya stsꞌun yubae, ¿meꞌn ma teyuk ya sta sweꞌel a? Sok te machꞌa ya smakꞌlin te skarneraetike, ¿me ma jaꞌuk ya xtuun yuꞌun te xlech ya yakꞌe?

2 Corintios 10:8

Y aunke ya jtoy jba ta kꞌop chꞌinuk yuꞌun te tutꞌil ay kꞌatele, maꞌyuk tut ya xkꞌexawon yuꞌun. Yuꞌun jaꞌ a yaꞌbotik kaꞌteltik te Kajwaltike yuꞌun jich ya jpastik te ya xmukꞌubex ta stojol Dios y ma yuꞌunuk ya jimtikex.

2 Corintios 13:10

La jtsꞌibabeyex te karta to antes te ya xtal kilexe, yuꞌun te kꞌalal ya xtalone ma puersauk te tulan ya jkꞌoponex te tutꞌil ay kaꞌtel te yakꞌojbon te Kajwaltike. Ma yuꞌunuk ya jimex a, jaꞌ ya kaꞌbeyex spuersa awoꞌtanik.

2 Corintios 3:5

Ma yuꞌunuk joꞌotik mismo ya xjuꞌ ya kaltik te ay tut ya xjuꞌ kuꞌuntik spasel ta jtukeltik naxe. Spisil te tut ya xjuꞌ kuꞌuntik spasele ya xtal ta stojol Dios

2 Corintios 4:7

Pero te kꞌulejalil to kichꞌojtik ta jtiꞌbalultik, jachꞌik kꞌoemotik tutꞌ jpꞌej pꞌin te pasbil ta lume, yuꞌun jich me ya xchiknaj te ta skuenta te bayal spoder te Diose te ay tut ya xjuꞌ kuꞌuntike.

2 Corintios 6:7

sok te lekuk ya xkꞌopojotik te tut batsꞌi jiche, y sok te ay spoder Dios ta jtojoltike. Aꞌ tuunuk kuꞌuntik te tut ya jkoltay jbajtik ae, jaꞌ te toj ayotike, te jaꞌ ya xtuun kuꞌuntik te ya kaꞌiytik tsalaw a sok te ya jmak jbatik a.

1 Tesalonicenses 5:8

Pero te joꞌotik te ayotik ta kꞌajkꞌaltike, ya skꞌan te siluk tiempo pꞌij ayotike. Ya skꞌan te jaꞌ ya jkoltay jbatik a ta skuenta te xchꞌuunel koꞌtantik y sok te skꞌuxul koꞌtantike. Y ya skꞌan ya jmak jbajtik jich tutꞌil jun kasko, jaꞌ te ay smukꞌul koꞌtanik yuꞌun te kolele.

1 Timoteo 1:18

Jaꞌat jTimoteo, te jnichꞌanat ta koꞌtane, ya kaꞌbeyat ta akuenta te aꞌtel to, yuꞌun jich me ya xjuꞌ awuꞌun tsalaw ta skuenta te xchꞌuunel awoꞌtane y ta skuenta te toj awoꞌtane. Jich tutꞌil te nail yaloj te hermanoetik te la yalik te akꞌoplale ta skuenta te Diose.

2 Timoteo 2:3

Te jaꞌate tsꞌika me te wokoletik jich tutꞌil lekil soltaro yuꞌun te Jesucristoe.

Hebreos 11:30

Ta skuenta xchꞌuunel yoꞌtanik te israeletike, jim te smuroal te mukꞌul jtejklum Jericoe, te kꞌalal la sjoyilanik jukeb kꞌaal.