2 Corintios 10:3 - Nuevo Testamento Tzeltal de Amatenango

³ Batsꞌi jich te tiꞌbal to ayotike. Pero ma jichuk ya kut jbajtik tutꞌil gente liꞌ ba balmilale.

Bible in Tzeltal Bachajón

³ Aunque ch'ich'-baq'uetotcotic, ma ba hich ya cac'cotic guerra te bin ut'il ya yich' pasel ta scuenta ch'ich'-baq'uet,

Bible in Tzeltal de Oxchuc y Tenejapa

³ Melel nix a te ch'ich'-baq'uetotic naxe, ja'uc me to, ma jichuc ya caiytic guerra jich bit'il te mach'atic ayic ta balumilale.

2 Corintios 10:3 ပူးပေါင်းရင်းမြစ်များ

Romanos 7:5

Porke te kꞌalal kuxulotik to jich tutꞌil winketik jmulawiletike, te mantaliletike tuun yuꞌun te ya stijbotik jtiꞌbalultik te tut ma tsaꞌamuk ya snoptalane. Y jaꞌ la yikꞌotik bael ta lajel.

Romanos 8:13

Porke teme jaꞌ kuxulex ta skuenta te tut ya skꞌan te atiꞌbalulike, ya me xlajex. Pero teme jaꞌ ta skuenta te Espiritue ya awakꞌik ta lajel te tut ya skꞌan te atiꞌbalulike, ya me xkuxuyinex.

Romanos 8:4

La spas yuꞌun joꞌotik ya xjuꞌ ya jpastik te tut ya yal te mantaliletike. Yuꞌun ma jaꞌukix ya xkuxuyinotik te tut ya skꞌan te jmulawil tiꞌbalultike; jaꞌ ya skꞌan ya xkuxuyinotikix ta skuenta te Espiritue.

2 Corintios 1:17

Te kꞌalal la jnop te jich ya jpase, ¿me ma wan batsꞌi jichuk a jnop? ¿Me yuꞌun akuyojik te jich ya jnop ta skuenta nax te jtiꞌbalule, sok te ya kal “Jich”, sok “Ma jichuk” te mismo tiempo ae?

2 Corintios 10:4

Te tut ya jmak jbajtik aye, ma pajaluk sok te tut skuenta balmilale. Yuꞌun jaꞌ ta spoder te Diose te ya xjuꞌ ya jimtik a te tut wokol ta jimele. Y jich ya jimtik a te leel ta mulile.

Gálatas 2:20

Sok te Cristoe pajal jojkꞌajemon sok ta krus. Y ma joꞌukon xanix ta jkuenta kuxulon, jaꞌix ta skuenta Cristo te kuxulone. Y ta ora to te tutꞌil kuxulon sok te jtiꞌbalule, jaꞌ kuxulonix ta xchꞌuunel koꞌtan ta skuenta te Xnichꞌan Diose. Jaꞌ la xkꞌuxutayon y la yakꞌ sba entregal ta milel ta joꞌon ta jkaj.

1 Timoteo 1:18

Jaꞌat jTimoteo, te jnichꞌanat ta koꞌtane, ya kaꞌbeyat ta akuenta te aꞌtel to, yuꞌun jich me ya xjuꞌ awuꞌun tsalaw ta skuenta te xchꞌuunel awoꞌtane y ta skuenta te toj awoꞌtane. Jich tutꞌil te nail yaloj te hermanoetik te la yalik te akꞌoplale ta skuenta te Diose.

2 Timoteo 4:7

Juꞌix kuꞌun te lekil tsalawe. Kꞌoonix te ba ay ya xꞌanimajon baele. Jun koꞌtan jchꞌuunej te Diose.

Hebreos 12:1

Jaꞌ yuꞌun, te joꞌotike joybilotik ta bayal gente te machꞌatik ya yakꞌix ta ilel te xchꞌuunejik Diose. A me jilestik ta xujktik spisil te tut a te ya smakotike y sok te mulil te ya sjoyotike. Y ya me jpastik puersa ta animal te ya xkꞌoj jtajtik te tut ay ta jtojoltike.