2 Corintios 10:18 - Nuevo Testamento Tzeltal de Amatenango

¹⁸ Porke ma jaꞌuk lek ya xꞌilot yuꞌun Dios te machꞌa stukel mismo lek skꞌoplal ya yal sbae. Yuꞌun jaꞌ lek skꞌoplal te machꞌa lek ya xꞌalbot skꞌoplal yuꞌun te Kajwaltike.

Bible in Tzeltal Bachajón

¹⁸ Como ma ha'uc lec sc'oblal c'ohem te mach'a ha nix ya yal te lec sc'oblale, ha lec sc'oblal stuquel te mach'a ya xhalbot lec sc'oblal yu'un te Diose.

Bible in Tzeltal de Oxchuc y Tenejapa

¹⁸ Melel ma ja'uc lec ya x'ilot yu'un Dios te mach'a stuquel ya yal te lec sc'oplale. Ja' lec stuquel te mach'a ja' ya x'albot lec sc'oplal yu'un te Cajwaltique.

2 Corintios 10:18 ပူးပေါင်းရင်းမြစ်များ

San Lucas 16:15

Te Jesuse la yaltalanbe: —Te jaꞌexe jaꞌ nax ya aleik te tut lek ya skuyex a te genteetik. Pero te Diose ya snaꞌ tut ay te awoꞌtanike. Te tut lek ya yaꞌiyik ta yoꞌtan te genteetike, ta sit te Diose pꞌajbilix yuꞌun.

San Juan 12:43

Yuꞌun jaꞌ bayal skꞌoplal ta yoꞌtanik te jaꞌuk lek ya xꞌilot yuꞌun te genteetike, ma jaꞌuk tulan skꞌoplal ta yoꞌtanik teme lek ya xꞌilot yuꞌun te Diose.

Hechos 2:22

“Aꞌiyaik me cheꞌe, israeletik, te tut ya xlijk kalbeyexe: Yuꞌun te jaꞌexe anaꞌojik lek te Jesus ta Nazarete ben tsaꞌam slekil a ilot yuꞌun te Diose. Yuꞌun jaꞌ ta skuenta stukel te Diose te la spas mukꞌul señaetik, y milagroetik, sok te tut ben yan ta ilele.

Romanos 14:18

Te machꞌa jich ya yakꞌ sba ta abatinel yuꞌun te Cristoe, jaꞌ lek ya xꞌilot yuꞌun te Diose y sok te genteetike.

Romanos 16:10

Albikon xkoltanuk euk te Apelese te bayal prewaetik kꞌaxem sok te xchꞌuunel yoꞌtan ta skuenta te Cristoe, y jich euk te machꞌatik ay yuꞌun te Aristobuloe.

Romanos 2:29

Te machꞌa batsꞌi juriyoe jich ay ta yoꞌtane sok te yichꞌoj sirkunsision ta yoꞌtane. Ma jaꞌuk ya xꞌaꞌtej te tut ya yal te tsꞌibabile. Jaꞌ ya xꞌaꞌtej stukel te Chꞌul Espiritue. Te machꞌa jich aye, lek ay skꞌoplal stukel. Ma jaꞌuk lek skꞌoplal yuꞌun te winketike, jaꞌ lek skꞌoplal yuꞌun te Diose.

1 Corintios 11:19

Yuꞌun ya kaꞌiy te jaꞌexe puersa ya xba apit abaik ta juju-tijkꞌ; yuꞌun te ya xchiknaj a te machꞌa batsꞌi xchꞌuunej te Diose.

1 Corintios 4:5

Jich yuꞌun, ma me awichꞌbe abaik jkuenta te jaꞌexe, te tutꞌil ma to sta skꞌaalele. Maliyaik te Kajwaltik te ya xtale. Jaꞌ me ya yakꞌ ta ilel ta sakil kꞌinal stukel te tut ay ta ijkꞌal kꞌinal te ora to, y jaꞌ me ya yakꞌ ta naꞌel te tut snopoj te oꞌtanil ta juju-tule. Jich te Diose lek me ya yalbotik jkꞌoplaltik te tutꞌil ya xꞌaꞌtejotik ta juju-tule.

2 Corintios 10:12

Ma yuꞌunuk jaꞌ ya jpaj jbatik sok te machꞌatik te stukel nax ya yakꞌ sba ta akꞌel ta jkuentae. Pero te stukelike maꞌyuk spꞌijilik. Stukel nax ya spaj sbaik, y ya spaj sba sok te yan xane.

2 Corintios 13:7

Y ya jkꞌopontik Dios yuꞌun te jaꞌexe te manchuk ya apasik te tut ma tsaꞌamuke. Ma yuꞌunuk ya jkꞌan kakꞌtik ta ilel te joꞌotik te lek jkꞌoplaltike. Yuꞌun jaꞌ ya jkꞌantik a te lek tut ya apasik te jaꞌexe, aunke jich yilel te lom nax jchꞌuunejtik te joꞌotike.

2 Corintios 3:1

Te kꞌalal ya kaltik to, ¿Me yuꞌun ya akuyik te ya xlijk kakꞌ jbajtik ta akꞌel ta jkuenta te joꞌotik mismo aye? ¿Me yuꞌun ay nesesidad te ya jkaꞌbeyex karta te ya yal te lek ya xꞌaꞌtejotik, jich tutꞌil ya spasik te yane? ¿O meꞌn ay nesesidad ya jkꞌanbeyex karta ta atojolik te jaꞌexe te ya yakꞌotik ta naꞌbeyel jbae?

2 Corintios 5:12

Ma yuꞌunuk ya xlijk kaltik xan te lek jkꞌoplaltik te joꞌotik mismoe. Jaꞌ nax ya kaꞌbetikex te tutꞌil ben bujtsꞌan kꞌinal ya awaꞌiyik ta jkuentatike, yuꞌun jich me ya xjuꞌ awuꞌunik sujtesel skꞌopik te machꞌatik ya stoy sbaik yuꞌun te tut yilel yutsilal ta kꞌinale, te ni maꞌyuk skꞌoplal yuꞌunik te tut yilel te yoꞌtanike.

2 Corintios 6:4

Yuꞌun ta skuenta spisil ya jpastike, ya kaꞌbetik yilik te joꞌotik yaj-aꞌtelotik te Diose. Jich jun koꞌtantik ya me xkujch kuꞌuntik te ilbajinele, sok te tutik ay maꞌyuk kuꞌuntike, sok spisil te jwokoltike,

2 Timoteo 2:15

Oꞌtanina me spisil te tutꞌil ya xjuꞌ ya xkꞌoat ta stojol Dios yuꞌune, jich tutꞌil jtul jꞌaꞌtel te lek skꞌoplale te maꞌyuk tut ya xkꞌexaw yuꞌune, te lek ya yakꞌ ta nopel te kꞌop te batsꞌi jiche.

1 Pedro 1:7

Porke te xchꞌuunel awoꞌtanik te jaꞌexe jachik kꞌoem tutꞌil oro, puersa ya yichꞌ ilel ta kꞌajkꞌ te tutꞌil aye. Te xchꞌuunel-oꞌtanil te ya xkꞌax yuꞌun te prewae, mas vale ke te oroe te ya xjuꞌ ya xlaje. Te tutꞌil ay te xchꞌuunel awoꞌtanik te jaꞌexe, teme jich a pasot prewae, jich me lek ya xlokꞌotik y ben me tsaꞌam jlekiltik yuꞌun a, sok ayotik me ta jkuenta te kꞌalal ya xchiknaj tal te Jesucristoe.