2 Corintios 10:12 - Nuevo Testamento Tzeltal de Amatenango

¹² Ma yuꞌunuk jaꞌ ya jpaj jbatik sok te machꞌatik te stukel nax ya yakꞌ sba ta akꞌel ta jkuentae. Pero te stukelike maꞌyuk spꞌijilik. Stukel nax ya spaj sbaik, y ya spaj sba sok te yan xane.

Bible in Tzeltal Bachajón

¹² Ma ba ya calcotic soc ma ba ya jpajcotic soc te mach'atic ha'ic nix ya stoy sc'oblalic; ya yaq'uic ta ilel te ma sna'ic stsahtayel, te c'alal ha'ic nix ya sp'is sbahic soc ya spajaltay sbahic.

Bible in Tzeltal de Oxchuc y Tenejapa

¹² Ta melel, ma me pajalucotic soc te bit'il yac'oj sbaic cha'oxtul te yantique te stuquel lec sc'oplal ya yal sbaique. Mero ma'yuc sp'ijilic, melel stuquel nax sleojic te bila sp'isoj sbaic ae, soc stuquelic nax te ya spaj sbaic soc te yantique.

2 Corintios 10:12 ပူးပေါင်းရင်းမြစ်များ

San Lucas 18:11

Te fariseoe tekꞌel a skꞌopon te Diose. Jich a yal ta skꞌoponel te Diose: “Dios kuꞌun, ya kalbeyat kola awal te ma pajalukon sok te yan genteetike, te kꞌayemik ta elekꞌe, sok te ma tsaꞌamuk yoꞌtanike, sok te kꞌayemik ta antsiwejele. Sok ma jichukon te tutꞌil te jkꞌan-tojemal to.

Romanos 15:18

Porke ma jaꞌuk ya jtabe ta alel yaꞌtel yan; jaꞌ nax ya kal te tut spasojbon Cristo ta jtojole, skuenta jich ya xchꞌuunik Dios te machꞌatik ma juriyouke. Aꞌtej Cristo ta skuenta te kꞌop la kal, sok ta skuenta te tut la jpase,

2 Corintios 10:11

Pero te machꞌa jich ya yale, ya me skꞌan snaꞌ euk: Jich tutꞌil te ya xkꞌopojotik ta karta te jakal ayotik ta atojolik te jaꞌexe, jich me tulan ya yaꞌiy te tut ya jpas te kꞌalal ayon ta awolilike.

2 Corintios 10:18

Porke ma jaꞌuk lek ya xꞌilot yuꞌun Dios te machꞌa stukel mismo lek skꞌoplal ya yal sbae. Yuꞌun jaꞌ lek skꞌoplal te machꞌa lek ya xꞌalbot skꞌoplal yuꞌun te Kajwaltike.

2 Corintios 3:1

Te kꞌalal ya kaltik to, ¿Me yuꞌun ya akuyik te ya xlijk kakꞌ jbajtik ta akꞌel ta jkuenta te joꞌotik mismo aye? ¿Me yuꞌun ay nesesidad te ya jkaꞌbeyex karta te ya yal te lek ya xꞌaꞌtejotik, jich tutꞌil ya spasik te yane? ¿O meꞌn ay nesesidad ya jkꞌanbeyex karta ta atojolik te jaꞌexe te ya yakꞌotik ta naꞌbeyel jbae?

2 Corintios 5:12

Ma yuꞌunuk ya xlijk kaltik xan te lek jkꞌoplaltik te joꞌotik mismoe. Jaꞌ nax ya kaꞌbetikex te tutꞌil ben bujtsꞌan kꞌinal ya awaꞌiyik ta jkuentatike, yuꞌun jich me ya xjuꞌ awuꞌunik sujtesel skꞌopik te machꞌatik ya stoy sbaik yuꞌun te tut yilel yutsilal ta kꞌinale, te ni maꞌyuk skꞌoplal yuꞌunik te tut yilel te yoꞌtanike.