2 Corintios 10:10 - Nuevo Testamento Tzeltal de Amatenango

¹⁰ Ay ya yalik: “Te skartaetike lom kꞌux y lom tulan, pero teme jul tal stukele, maꞌyuk ta jkuenta sok maꞌyuk ta jkuenta te tut ya xjul yale”, xchi.

Bible in Tzeltal Bachajón

¹⁰ Melel ay mach'atic ya yalic te tulan te cartahetic soc ay yipic, pero te c'alal li' ay, mayuc yip soc mayuc ta cuenta te bin ya yale.

Bible in Tzeltal de Oxchuc y Tenejapa

¹⁰ Ay ya awalic te c'ux soc tulan te cartaetic cu'une. Yan te c'alal ayon ta atojolique: “Ma'yuc yip yo'tan”, xaex, soc ya alabanbonic te jc'ope.

2 Corintios 10:10 ပူးပေါင်းရင်းမြစ်များ

1 Corintios 1:17

Yuꞌun te Cristoe ma jaꞌuk a stikonon ta yakꞌel ichꞌ jaꞌ. Jaꞌ nax a stikonon ta yalel skꞌoplal te kolele. Y ma jaꞌuk ta spꞌijil genteetik te la kal lokꞌel ta jtiꞌe, yuꞌun ma lomuk nax ya xkꞌot a te cham ta krus te Cristoe.

2 Corintios 11:6

Aunke me ma jnaꞌ lek xkꞌopojon, pero bayal te tut jnaꞌojbey sluwarile. Y jaꞌ to jaꞌ kakꞌojtikix awilik sil tiempo te jaꞌexe, y sok spisil te tut juꞌemix kuꞌuntike.

2 Corintios 10:1

Joꞌon jPabloon, ya kalbeyex awokolikuk ta skuenta slekil yoꞌtan sok skꞌuxul yoꞌtan te Cristoe. Yuꞌun ya awalik te kꞌalal ayon ta awolilike lom mansoo kakꞌoj jba. Y te kꞌalal jakal ayone ya awalik: “Ya stoy sba ta kꞌop”, xchaex.

1 Corintios 1:21

Te Diose ta skuenta spꞌijil maꞌ yakꞌ sba ta naꞌel yuꞌun te machꞌatik ay ta skuenta te balmilale; maꞌ snaꞌbeyik sba ta skuenta te spꞌijilik naxe. Jaꞌ lek a yaꞌi te Diose te ya skoltay ta skuenta skꞌop te ya stikon ta alel ta stojol te machꞌatik ya xchꞌuunike, aunke te skꞌoplal to jowil nax kꞌoem ta yoꞌtanik.

2 Corintios 10:9

Ma jkꞌan te ya akuyik te jich ya sitꞌesex yuꞌun te jkartaetike.

2 Corintios 10:11

Pero te machꞌa jich ya yale, ya me skꞌan snaꞌ euk: Jich tutꞌil te ya xkꞌopojotik ta karta te jakal ayotik ta atojolik te jaꞌexe, jich me tulan ya yaꞌiy te tut ya jpas te kꞌalal ayon ta awolilike.

2 Corintios 11:21

Manchuk me ya xkꞌexawon ta yalel: Te joꞌotike, yuꞌun maꞌyuk jpuersatik, ma jichuk la jpastik ta atojolike. Pero te yanetik ya skꞌan ya stoy sbaike, jich euk te joꞌone ya jkꞌan ya jtoy jba euk, aunke jich ya kal te jowil naxe.

2 Corintios 13:3

Yuꞌun te jaꞌexe yipalex ta skꞌanel seña ya awilik teme jaꞌ Cristo te ya xkꞌopoj ta jkuentae. Y te Cristoe ma yuꞌunuk maꞌyuk spuersa te tut ya xchap ta akuentaike. Ya me yakꞌ awilik te bayal spoder ta atojolike.