2 Corintios 10:1 - Nuevo Testamento Tzeltal de Amatenango

¹ Joꞌon jPabloon, ya kalbeyex awokolikuk ta skuenta slekil yoꞌtan sok skꞌuxul yoꞌtan te Cristoe. Yuꞌun ya awalik te kꞌalal ayon ta awolilike lom mansoo kakꞌoj jba. Y te kꞌalal jakal ayone ya awalik: “Ya stoy sba ta kꞌop”, xchaex.

Bible in Tzeltal Bachajón

¹ Ho'on Pablohon ya calbeyex wocol ta scuenta bin ut'il manso yo'tan soc lec yo'tan te Cristo, ho'on te peq'uel ayon te c'alal ayon ta awohlilic, yan te c'alal ma ba ayon ta awohlilic tulan ya cac' jba ta atojolic ta ac'opic;

Bible in Tzeltal de Oxchuc y Tenejapa

¹ Jo'on Pabloon ya calbeyex bayal wocol ta atojolic ta swenta yutsil yo'tan soc xc'uxul yo'tan te Cristoe. Ay ya awalic: “Mero peq'uel ya yac' sba te c'alal ay ta coliltique; yan te c'alal c'ubul aye, ya stoy sba ta c'op”, ay xaex cu'un.

2 Corintios 10:1 ပူးပေါင်းရင်းမြစ်များ

San Mateo 11:29

Akꞌa ta anukꞌik te jyukue y nopbikon koꞌtan, joꞌon te lek koꞌtan sok te chꞌin kakꞌoj jbae. Jich me ya xkux te awoꞌtanike.

San Mateo 21:5

“Albeyaik te mukꞌul jtejklum Sion: ‘Ilawilik talix te rey awuꞌunike. Chꞌin yakꞌoj sba. Moem tal ta buru, ta jkojt chꞌin buru, yal te ijkatsom chambalame,’ uta me”, xchi.

Hechos 8:32

Te ba yipal kꞌael ta yilel te Sjun Diose jaꞌ te jich ya yale: “Ikꞌot bael ta milel jich tutꞌil jkojt karnera te ba ya xmilote. Jicha kꞌot tutꞌil jkojt chꞌin yal karnera te makꞌ xꞌokꞌ te kꞌalal ya xjoxbot stsotsile, jich ma kꞌopoj euk.

Romanos 10:20

Sok la yaꞌbon jnaꞌ xan te Isaiase: “Te machꞌatik makꞌ sleikone ya me staikon, y ya me kakꞌ jba ta ilel yuꞌun te machꞌatik makꞌ sjojkꞌoyikone”, xchi me.

Romanos 12:1

Jich yuꞌun, kermanotak, ya kalbeyex ta skuenta slekil yoꞌtan Dios, jich me ya skꞌan ya awakꞌ abaik ta stojol Dios tutꞌil kuxul smajtan Dios te lek ya yilex te Diose. Jich ya skꞌan ya kakꞌ jbatik ta stojol te batsꞌi ya jchꞌuuntike.

Romanos 15:15

Pero te karta to, ay tulan skꞌoplal ta koꞌtan te la jtsꞌibabeyex tale, yuꞌun ma jkꞌan teme ya xchꞌay ta awoꞌtanike. Jich a jtsꞌibabeyex awaꞌiyik yuꞌun te kichꞌoj kaꞌtel ta skuenta slekil yoꞌtan te Diose.

1 Corintios 2:3

Te kꞌalal ayon ta awolilike, maꞌyuk puersa a kaꞌiy y ben yaꞌbon sik yuꞌun xiꞌel.

1 Corintios 4:10

Te joꞌotike jaꞌ ta skaj te Cristo te kuybilotik ta ma pꞌijukotike. Yan te jaꞌexe, ben pꞌijex ta skuenta Cristo ta akꞌopik. Te joꞌotike maꞌyuk jpuersatik. Yan te jaꞌexe bayal apuersaik ta akꞌopik. Te joꞌotike pꞌajbilotikix. Yan te jaꞌexe aꞌbilex ta jkuenta.

1 Corintios 4:21

¿Tut ya akꞌanik te jaꞌexe: Me jaꞌ ya akꞌanik te tulan ya xtal jkꞌoponexe, o jaꞌ te ben jun koꞌtan sok te bayal slekil koꞌtan te ya xtalone?

2 Corintios 10:10

Ay ya yalik: “Te skartaetike lom kꞌux y lom tulan, pero teme jul tal stukele, maꞌyuk ta jkuenta sok maꞌyuk ta jkuenta te tut ya xjul yale”, xchi.

2 Corintios 10:2

Awokolikuk, te kꞌalal ya xtal kilexe, ma me awakꞌikon te tulan ya jkꞌoponex te jayebex ya awalik te skꞌanojel nax jtiꞌbalul spisil te tut ya jpase. Yuꞌun jich ay ta koꞌtan te ya jkꞌopon jbaj sok ta site.

2 Corintios 10:7

Te jaꞌexe jaꞌ nax ayex ta yilel te tut chikan ta ilel ya awilike. Teme ay machꞌa ya yal “Jaꞌ yuꞌunon te Cristoe”, teme xchie, ya skꞌan ya snaꞌ te jich yuꞌunotik euk te Cristoe.

2 Corintios 11:21

Manchuk me ya xkꞌexawon ta yalel: Te joꞌotike, yuꞌun maꞌyuk jpuersatik, ma jichuk la jpastik ta atojolike. Pero te yanetik ya skꞌan ya stoy sbaike, jich euk te joꞌone ya jkꞌan ya jtoy jba euk, aunke jich ya kal te jowil naxe.

2 Corintios 11:30

Teme ay tut ya jtoy jba yuꞌune, ja ya jtoy jba yuꞌun te tutik ya xchiknaj te maꞌyuk tut ya xjuꞌ kuꞌune.

2 Corintios 12:5

Pero ma joꞌukon mismo ya jtoy jba jtukel. Jaꞌ ya jtoy jba yuꞌun te maꞌyuk jpuersae.

2 Corintios 3:12

Te tutꞌil jich ay ta koꞌtantike, jich a kaltik spisil ta jamal.

2 Corintios 5:20

Jich yuꞌun joꞌotik ya xkꞌopojotik yuꞌun te Cristo ta atojolik. Jich kꞌoem te tutꞌil jaꞌ ya xwokolet ta akuentaik te Diose, te tutꞌil yipalotik ta kꞌop te joꞌotike. Jich yuꞌun, ta skuenta te Cristoe, awokolikuk te junuk awoꞌtan abaik sok te Diose.

2 Corintios 6:1

Yuꞌun jich ayotik ta aꞌtel sok te Diose, ya kaltik ta atojolik: Ma me apꞌajik te slekil yoꞌtan Dios te ya yakꞌ ta akuentaik.

2 Corintios 7:4

Jamal koꞌtan ya xkꞌopojon ta atojolik, sok ben jun koꞌtan awuꞌunik. Aunke bayal jwokoltik, ben kakꞌoj puersa y ben bujtsꞌan kꞌinal ya kaꞌiy.

Gálatas 4:13

Yuꞌun ya anaꞌik te kꞌalal nail la kalbeyex te skꞌoplal kolele, ta skaj jchamel te juꞌ kuꞌune.

Gálatas 5:2

Aꞌibikon awaꞌi, joꞌon jPabloon ya kalbeyex: Teme jaꞌex ya awakꞌ abaik ta yichꞌel te sirkunsisione, te Cristo ma baleukix ya xkꞌot awuꞌunik a.

Efesios 3:1

Jaꞌ sluwaril te ayon ta prexo, joꞌon te jPabloone, ta skaj te Cristo Jesuse sok yuꞌun alekilik te jaꞌexe ta ma juriyoukexe.

Efesios 4:1

Jaꞌ yuꞌun te joꞌone te ayon ta prexo ta skaj te Kajwaltike, ya kalbeyex awokolikuk te lekuk ya xꞌanex, jich tutꞌil ya skꞌan ya spasik te machꞌatik ikꞌbilix yuꞌun te Diose, jich tutꞌil te jaꞌexe.

Filipenses 4:5

Ta apisilik a me chiknajuk slekil awoꞌtanik ta sit te genteetike. Te Kajwaltike nopol xtalix.

Colosenses 1:23

Pero yuꞌun te jich aye ya skꞌan te jmel nax jun awoꞌtanik sok te xchꞌuunel awoꞌtanike. Ma me xtal xbajtukex ta smaliyel te tut ya awichꞌik yuꞌun te skꞌoplal kolel te la awaꞌiyike. Jaꞌ to jaꞌ skꞌoplal te la yichꞌix alel ta bayuk nax ta balmilale, jaꞌ te ay kaꞌtel ta yalel ekꞌae, joꞌon te jPabloone.

2 Tesalonicenses 3:17

Joꞌon jPabloon ya jtsꞌibabeyex ta jkꞌab sok ta letra te spajtil awoꞌtanike. Jich ay te jtsꞌibaweje, jich ya jpas ta spisil te jkarta ya jpase.

Filemón 1:19

Joꞌon jPabloon, ya jtsꞌibabeyat ta jkꞌab te letra to: Joꞌon ya jtojbey te sbete. Aunke ya me kaꞌbeyat anaꞌ te jaꞌat ay abet kuꞌune, jaꞌ te akuxlejale.

Filemón 1:9

Pero jaꞌ ya kalbeyat awokoluk ta skuenta te skꞌuxul awoꞌtane. Joꞌon jPabloon, te mamalonix, y te ora to ayon ta prexo ta skaj te Cristo Jesuse,

1 Pedro 2:11

Kermanotak te kꞌuxex ta koꞌtane, awokolikuk, jachikex me te tutꞌil jyanlumetik te beomaletik nax liꞌ ba balmilale. Ma me akꞌayes abaik a te tutik ya skꞌan te atiꞌbalulike te jaꞌ skontra te achꞌulelike.

Apocalipsis 1:9

Joꞌon Juanon, joꞌon awermanoikon te pajal ay ta jkuentatik te wokole sok te pajal ay ta jkuentatik te ya joyintik ta ajwalil te Cristoe, sok te pajal ya yaꞌbotik jpuersatik te ya xkujch kuꞌuntik te wokoletike. Liꞌ aꞌbilon ba chꞌin luwar Patmos sbiil te joybil ta mare, jaꞌ ta skaj te yipalon ta yalel te skꞌop Diose te jamal ya yakꞌ ta naꞌbeyel sluwar te Jesuse.