2 Corintios 1:7 - Nuevo Testamento Tzeltal de Amatenango

⁷ Jun koꞌtantik ta akuentaik, yuꞌun jnaꞌojtik sluwar te ya me ataik spuersa awoꞌtanik yuꞌun euk te Diose, yuꞌun ay me awuꞌunik ekꞌa te bayal wokole.

Bible in Tzeltal Bachajón

⁷ Ay yip te smuc'ul co'tancotic ta atojolic, como jna'ojcotic te hich te bin ut'il jmohlol jbahtic ta wocol, ha nix hich jmohlol jbahtic te ya xmuc'ubtesot q'uinal ca'iytic.

Bible in Tzeltal de Oxchuc y Tenejapa

⁷ Jich yu'un jun co'tantic ya jmaliytic te ya ataic smuc'ul q'uinal awaiyic yu'un uuc te Diose, melel yac ta c'axel awocolic jich bit'il te jo'otique.

2 Corintios 1:7 ပူးပေါင်းရင်းမြစ်များ

San Mateo 23:30

Sok jich ya awalik: “Te jaꞌuk kuxulotik a te kꞌax ta balmilal te antibo jmeꞌ-jtatike, ma kakꞌ jbajtik ta smilel te jꞌalwanejetik yuꞌun Dios te jichuke”, xchaex.

1 Corintios 10:13

Te jaꞌexe maꞌyuk kꞌaxem awuꞌunik te ilel-awoꞌtanik te ma ba yaꞌiyojik te yanetike. Y te jaꞌexe ya xjuꞌ te ay smukꞌul awoꞌtanik ta stojol Dios te ma xyakꞌ kꞌaxuk awokolik ta ilel awoꞌtanik te lom tulan te ma xkujch awuꞌunike. Pero ma jichuk, te kꞌalal ya xtal te ilel-awoꞌtanike, te Diose ya sle tutꞌ ya skoltayex lokꞌel a, yuꞌun jich ya xjuꞌ awuꞌunik a.

2 Corintios 1:14

Jich tutꞌil ta ora to awaꞌiyejbeyikix sluware chꞌinuk te tut kaloje. Te kꞌalal ya xchaꞌtal te Kajwaltik Jesuse ben jun awoꞌtanik kuꞌuntik, yuꞌun jichotik euk ben jun koꞌtantik ya kaꞌi bajtik awuꞌunik.

2 Corintios 12:20

Porke te kꞌalal ya xba kilex, ya jxiꞌ teme ma jichuk ya xkꞌo jtaex te tutꞌ ya jkꞌane, sok teme ma jichuk ya xkꞌo ataikon te tutꞌ ya akꞌanik ekꞌa te jaꞌexe. Jaꞌ ya jxiꞌ teme ay kꞌop lijkem awuꞌunik, o il-oꞌtantawanej, o iliba, o ay dibision awuꞌunik, sok te le-mulile, sok te aꞌbiyanwaneje, sok te toybajele, y te lijkesej-kꞌope.

2 Corintios 7:9

Te ora to ben jun koꞌtan awuꞌunik. Ma jaꞌuk yuꞌun te la yakꞌ yajtal awoꞌtanike; jaꞌ jun koꞌtan yuꞌun te jich la asujtes awoꞌtanik ta stojol Diose. Porke yuꞌun jich a skꞌan Dios te la yakꞌ yajtal awoꞌtanike. Jich ma joꞌukotik ta jkuentatik teme ay tut ya xchꞌay ta atojolike.

2 Timoteo 2:12

Teme kꞌax jwokoltike, ya me joyintik te ba ay ta ajwalinele. Teme la jmuk ta koꞌtantike, jich ya smukotik ta yoꞌtan ekꞌa.

2 Timoteo 3:11

sok te ikꞌtinele y sok te wokoletike. Anaꞌoj spisil te tutiꞌ spasbelon ta Antioquia, ta Iconio y ta Listra sok te ikꞌtinel te kꞌax jwokol yuꞌune. Pero te Kajwaltike la yakꞌon ta libre ta spisil.

Santiago 1:12

Ben tsaꞌam slekil te machꞌa jun yoꞌtan ya xkujch yuꞌun te prewae, porke teme juꞌ yuꞌune, ya me yichꞌ smajtan korona, jaꞌ te kuxlejale te Dios yaloj te ya yaꞌbe te machꞌatik kꞌux ta yoꞌtanik te Diose.

Apocalipsis 1:9

Joꞌon Juanon, joꞌon awermanoikon te pajal ay ta jkuentatik te wokole sok te pajal ay ta jkuentatik te ya joyintik ta ajwalil te Cristoe, sok te pajal ya yaꞌbotik jpuersatik te ya xkujch kuꞌuntik te wokoletike. Liꞌ aꞌbilon ba chꞌin luwar Patmos sbiil te joybil ta mare, jaꞌ ta skaj te yipalon ta yalel te skꞌop Diose te jamal ya yakꞌ ta naꞌbeyel sluwar te Jesuse.