2 Corintios 1:6 - Nuevo Testamento Tzeltal de Amatenango

⁶ Yuꞌun teme ay jwokoltike, jaꞌ yuꞌun jich me ay spuersa awoꞌtanik te jaꞌexe y sok ya ataik te kolele. Y teme Dios ya yaꞌbotik spuersa koꞌtantike, yuꞌun jich me ay spuersa awoꞌtanik ekꞌa. Ya skꞌan sok spuersa awoꞌtanik ya atsꞌik awokolik, te pajal sok te jwokoltik te kꞌaxem kuꞌuntike.

Bible in Tzeltal Bachajón

⁶ Teme ya xc'ax jwocolcotic, yu'un hich yac atahic smuc'ul q'uinal yac awa'iyic soc te colel awu'unique; soc teme ya xmuc'ubtesot q'uinal ca'iycotic, yu'un hich yac atahic smuc'ul q'uinal awa'iyic a, te ha ya yac' te ya xcuhch awu'unic te wocol te ha nix hich yac ta c'axel cu'uncotique.

Bible in Tzeltal de Oxchuc y Tenejapa

⁶ Jich yu'un teme ayon ta woclajel soc te jo'taque, ja' swentail te jich me ya ataic smuc'ul q'uinal awaiyic soc te acolelique. Soc teme Dios ya smuc'tesbon q'uinal caiye, ja' nix jich ya ataic smuc'ul q'uinal awaiyic uuc. Jich me jun nax awo'tanic ta sts'iquel te bila pajal yac ta c'axel jwocoltic yu'une.

2 Corintios 1:6 ပူးပေါင်းရင်းမြစ်များ

Hechos 21:5

Pero kꞌax te jukeb kaale, lokꞌotik bael. Spisil te hermanoetike sok yinamik y sok yuntikilik la sjoyinotik bael kꞌalal ta tiꞌ jtejklum. Y teꞌ ta tiꞌ mare la jkejan bajtik y la jkꞌopontik Dios.

Romanos 8:28

Jnaꞌojtik te Diose ya yaꞌbe spisil te tutik lek te machꞌatik lek skꞌanoje, y sok te ikꞌbilik yuꞌune, jich tutꞌil te ya skꞌan yoꞌtan stukele.

2 Corintios 1:4

Jaꞌ ya yaꞌbotik spuersa koꞌtantik ta spisil te kꞌalal ayotik ta wokole, yuꞌun te joꞌotike jich me ya kaꞌbetik spuersa yoꞌtanik ekꞌa te yan te ay swokolike. Jaꞌ mismo ya kaꞌbetik spuersa yoꞌtanik jich tutꞌil te la yaꞌbotik spuersa koꞌtantike.

2 Corintios 12:15

Y te joꞌone lom gano ya jlajin spisil te tutik ay kuꞌune. Y asta joꞌon mismo ya kakꞌ jba ta lajel ta akuentaik yuꞌun akoltayelik. Aunke jich ya kilex te bayal to jkꞌanojex te joꞌone, pero te jaꞌexe mas maꞌ akꞌanojikukon.

2 Corintios 5:5

Jaꞌ stukel te Diose jicha xchapbotikix te jich ya xkꞌootike, sok jaꞌ nax yakꞌojbotikix te Chꞌul Espíritu te jaꞌ seña te tut kechel ya to kichꞌtike.

Efesios 3:1

Jaꞌ sluwaril te ayon ta prexo, joꞌon te jPabloone, ta skaj te Cristo Jesuse sok yuꞌun alekilik te jaꞌexe ta ma juriyoukexe.

Efesios 3:13

Jaꞌ yuꞌun awokolikuk ma me acheban awoꞌtanik yuꞌun ta skaj te jaꞌex te ayon ta wokole. Yuꞌun tey ya ataik alekilalik a te jaꞌexe.

Filipenses 1:19

yuꞌun jnaꞌoj ta spisil te jich aye yuꞌun jaꞌ ta skuenta te ya jta jkolel aye. Porke jnaꞌoj te ya akꞌoponbikon Dios te jaꞌexe y sok te ya skoltayon te Espíritu yuꞌun te Jesucristoe.

2 Timoteo 2:10

Jaꞌ yuꞌun ya xkujch kuꞌun spisil, yuꞌun jich ya staik slekilik te machꞌatik tꞌujbilik yuꞌun te Diose. Yuꞌun jich me ya staik skolelik ekꞌa te ben tsaꞌam sok te sbajtel kꞌinal ay ta skuenta te Cristo Jesuse.