2 Corintios 1:23 - Nuevo Testamento Tzeltal de Amatenango

²³ Pero ma to kꞌaxemukon ta Corinto, jich tutꞌil jnopoje. Ya kalbe ta skuenta Dios te jaꞌ yuꞌun te ma la skꞌan koꞌtan te ya kaꞌbeyex awokolike.

Bible in Tzeltal Bachajón

²³ Ya cac' ta testigo cu'un te Dios te ha ta scuenta sna'beyel yo'bolil abahic te ma to ba c'axemon ta Corinto.

Bible in Tzeltal de Oxchuc y Tenejapa

²³ Ja'uc me to, te bit'il ma to baemucon ta Corinto jich te bit'il nopbil cu'une, ja' me testigo cu'un te Diose, te scaj nax te ay ac'oplalic ta co'tan te ja'exe.

2 Corintios 1:23 ပူးပေါင်းရင်းမြစ်များ

Hechos 18:1

Ta patil te jPabloe lokꞌ bael ta jtejklum Atenas y bajt ta jtejklum Corinto.

Hechos 18:8

Te Crispo te statal yuꞌun te sinagogae la xchꞌuun euk te Kajwaltike sok spisil te machꞌa ay yuꞌun ta snae. Ay bayal corintioetik te kꞌalal la yaꞌiyik te skꞌop Diose la xchꞌuunik euk, y la yichꞌtalan jaꞌ.

Romanos 1:9

Te Dios te kakꞌoj jba ta abatinel ta spꞌejel koꞌtan ta yalel skꞌoplal te Xnichꞌane, jaꞌ testigo kuꞌun te sil tiempo ya jnaꞌex te kꞌalal ya jkꞌopone.

Romanos 9:1

Batsꞌi jich te tut ya kal ta skuenta te Cristoe, ma jlotuk. Sok jaꞌ ya yalbon ta koꞌtan te Chꞌul Espíritu te ma jlotuk te tut ya kale.

1 Corintios 4:21

¿Tut ya akꞌanik te jaꞌexe: Me jaꞌ ya akꞌanik te tulan ya xtal jkꞌoponexe, o jaꞌ te ben jun koꞌtan sok te bayal slekil koꞌtan te ya xtalone?

1 Corintios 5:5

Jich te winik me to ya me awakꞌik entregal ta skꞌab pukuj, yuꞌun te stiꞌbalule ya me xlaj y te xchꞌulele ya me xkol te kꞌalal ya xtal te Kajwaltik Jesuse.

2 Corintios 1:1

Joꞌon jPabloon. Skꞌanojel yoꞌtan Dios te apostolon yuꞌun te Jesucristoe, sok te hermano jTimoteoe. Ya jtsꞌibay te karta to ta akuentaik te jayebex te achꞌuunejik Dios te ayex ta jtejklum Corintoe y sok te jtejklum yuꞌun Dios ta spisil te estado yuꞌun Acayae.

2 Corintios 1:18

Pero Dios jaꞌ ya yaꞌiyotik te makꞌ ya kaltik ta akuentaik me “Jich” sok “Ma jichuk” te mismo tiempo ae.

2 Corintios 10:2

Awokolikuk, te kꞌalal ya xtal kilexe, ma me awakꞌikon te tulan ya jkꞌoponex te jayebex ya awalik te skꞌanojel nax jtiꞌbalul spisil te tut ya jpase. Yuꞌun jich ay ta koꞌtan te ya jkꞌopon jbaj sok ta site.

2 Corintios 11:10

Batsꞌi seguro ayon te jnaꞌoj te tut batsꞌi jich yuꞌun te Cristoe, yuꞌun jich maꞌyuk machꞌa ta spisil estado yuꞌun Acaya te ya spojbon te tut ben jun koꞌtan yuꞌun.

2 Corintios 11:11

¿Tuꞌun te jich ya kale? ¿Me yuꞌun ma jkꞌanojukex te jaꞌexe? Dios snaꞌoj te bayal jkꞌanojexe.

2 Corintios 11:31

Te Dios te Stat te Kajwaltik Jesucristoe te jaꞌ ben tsaꞌam slekil sbajtel kꞌinale, snaꞌoj te ya kal te batsꞌi jiche.

2 Corintios 12:20

Porke te kꞌalal ya xba kilex, ya jxiꞌ teme ma jichuk ya xkꞌo jtaex te tutꞌ ya jkꞌane, sok teme ma jichuk ya xkꞌo ataikon te tutꞌ ya akꞌanik ekꞌa te jaꞌexe. Jaꞌ ya jxiꞌ teme ay kꞌop lijkem awuꞌunik, o il-oꞌtantawanej, o iliba, o ay dibision awuꞌunik, sok te le-mulile, sok te aꞌbiyanwaneje, sok te toybajele, y te lijkesej-kꞌope.

2 Corintios 13:10

La jtsꞌibabeyex te karta to antes te ya xtal kilexe, yuꞌun te kꞌalal ya xtalone ma puersauk te tulan ya jkꞌoponex te tutꞌil ay kaꞌtel te yakꞌojbon te Kajwaltike. Ma yuꞌunuk ya jimex a, jaꞌ ya kaꞌbeyex spuersa awoꞌtanik.

2 Corintios 13:2

Te ora to te jakal ayone, ya me kalbeyex xan te tsitsel ta apisilik sok te machꞌatik nail to mulawenike, jich tutꞌil la kalbeyex te kꞌalal a kaꞌ kilex te xchaꞌmelal ae. Teme ba jchaꞌkilexix xan tale, ma me ayukix perdon a.

2 Corintios 6:6

Jich me ya kakꞌtik ta ilel te lekix ayotik sok te jkuxlejaltike, sok te tutꞌ jnaꞌojbetik sluwaril te tut batsꞌi jiche, sok te ay perdon ta koꞌtantike, sok te ay slekil koꞌtantike, sok te ay ta koꞌtantik te Chꞌul Espiritue, sok te batsꞌi ay xkꞌuxul koꞌtantike,

Gálatas 1:20

Te tut ya jtsꞌibabeyexe, jamal ya kal ta stojol Dios te ma jlotuke.

Filipenses 1:8

Yuꞌun Dios snaꞌoj te bayal kꞌuxex ta koꞌtan ta apisilik, jich tutꞌil kꞌuxotik ta yoꞌtan te Kajwaltik Jesucristoe.

1 Tesalonicenses 2:5

Jich tutꞌil anaꞌojik te ma lauk jmontikex ta ben tsaꞌam kꞌopetike. Ni ma lauk jletik tut ya kaltik skuenta yuꞌun ya jtatik takꞌin yuꞌune. Jaꞌ testigo kuꞌuntik te Diose.

1 Timoteo 1:20

Jich a kꞌotix ta pasel ta skuenta te jHimeneo sok te jꞌAlejandroe, jaꞌ te machꞌatik la kakꞌix entregal ta skꞌab Satanas yuꞌun jich me ya xpꞌijubik a. Jich makꞌ yalikix te tutik ya stoyba-kꞌoptay a te Diose.