2 Corintios 1:18 - Nuevo Testamento Tzeltal de Amatenango

¹⁸ Pero Dios jaꞌ ya yaꞌiyotik te makꞌ ya kaltik ta akuentaik me “Jich” sok “Ma jichuk” te mismo tiempo ae.

Bible in Tzeltal Bachajón

¹⁸ Pero hich te bin ut'il smelelil stalel jun yo'tan te Diose, te bin ya calbeyexcotic ma ha'uc: Yac soc Ma'uc, ma xchihotcotic.

Bible in Tzeltal de Oxchuc y Tenejapa

¹⁸ Te Diose ja' testigo cu'untic te ma xju' te jun c'aal ya calbeyex “Jich” soc yan c'aal ya calbeyex “Ju'uc”.

2 Corintios 1:18 ပူးပေါင်းရင်းမြစ်များ

San Juan 7:28

Te Jesuse la yaꞌi te tut yipalik ta yalele. Yipal ta nojpeswanej ta templo ae, sok tulan a kꞌopoj: —¿Me jich awalik te ya anaꞌbikon jbae y te ya anaꞌik te ba talemone? Pero te joꞌone ma skꞌanojeluk nax koꞌtan te talemone. Jaꞌ tikonbilon tal yuꞌun te Machꞌa stalel jun yoꞌtan te ma xꞌanaꞌbeyik sbae.

San Juan 8:26

Ay to bayal te tut ya kalbeyexe sok skꞌoplal te awaꞌtelike. Te Machꞌa la stikonon tale batsꞌi jich te tut ya yale, y te tut ya kalbe te genteetik ta balmilale, jaꞌ mismo te kaꞌiyej tal te tut ya yale —xchi.

1 Corintios 1:9

Te tut yaloj te Diose puersa ya skꞌoes ta pasel. Y jaꞌ te machꞌa la yikꞌexe te jun nax ya xkuxuyinex sok te Xnichꞌane, jaꞌ te Jesucristo te Kajwaltike.

2 Corintios 1:23

Pero ma to kꞌaxemukon ta Corinto, jich tutꞌil jnopoje. Ya kalbe ta skuenta Dios te jaꞌ yuꞌun te ma la skꞌan koꞌtan te ya kaꞌbeyex awokolike.

2 Corintios 11:31

Te Dios te Stat te Kajwaltik Jesucristoe te jaꞌ ben tsaꞌam slekil sbajtel kꞌinale, snaꞌoj te ya kal te batsꞌi jiche.

2 Corintios 2:17

Te joꞌotike ma jachikukotik tutꞌil yanetik te jaꞌ xchonbajelik te skꞌop Diose. Ma jichuk. Te joꞌotik tikonbilotik yuꞌun te Diose, jaꞌ yuꞌun jamal koꞌtantik ya xkꞌopojotik ta skuenta Dios, yuꞌun jun nax ayotik sok te Cristoe.

2 Corintios 6:8

Ay ya yakꞌelotik ta jkuenta; y ay ma xyakꞌelotik ta jkuenta. Ay lek ya yalbelotik jkꞌoplaltik; y ay ma tsaꞌamuk ya yalbelotik jkꞌoplaltik. Ya yalbelotik te yuꞌun jle-lototike, pero jaꞌ ya kaltik te tut batsꞌi jiche.

1 Juan 5:20

Jnaꞌojtik euk te Xnichꞌan Dios tal ta balmilal, y la yaꞌbotik jnaꞌbetik sba te Dios te batsꞌi jiche. Jun nax kuxulotik sok te batsꞌi Diose, jaꞌ bi jaꞌ te Xnichꞌane, te Jesucristoe. Jaꞌ to jaꞌ batsꞌi Dios stukel y jaꞌ kuxlejal sbajtel kꞌinal.

Apocalipsis 3:14

Sok la yalbon: —Tsꞌibabeya xan ta sjun te ángel ta stojol te jtijkꞌ hermanoetik te aylan ta Laodiceae: “Jich ya yal te Machꞌa batsꞌi jiche, te stukel jun yoꞌtan ay ta testigo yuꞌun ta yalel te tut batsꞌi jiche. Jaꞌ ta skuenta te Dios la xchiknates spisil te tutik ay.

Apocalipsis 3:7

Sok la yalbon: —Jich me xꞌatsꞌibabe xan ta sjun te ángel te ba ay te juju-tijkꞌ hermanoetik ta Filadelfiae: “Jaꞌ to jich ya yal te Machꞌa tojix aye y te batsꞌi jiche, jaꞌ te Machꞌa yichꞌoj syawe te rey Davide, te stukele te kꞌalal ya sjeꞌe maꞌyuk machꞌa ya xjuꞌ ya stsꞌus, te kꞌalal ya stsꞌuse maꞌyuk machꞌa ya xjuꞌ yuꞌun sjeꞌel.