2 Corintios 1:14 - Nuevo Testamento Tzeltal de Amatenango

¹⁴ Jich tutꞌil ta ora to awaꞌiyejbeyikix sluware chꞌinuk te tut kaloje. Te kꞌalal ya xchaꞌtal te Kajwaltik Jesuse ben jun awoꞌtanik kuꞌuntik, yuꞌun jichotik euk ben jun koꞌtantik ya kaꞌi bajtik awuꞌunik.

Bible in Tzeltal Bachajón

¹⁴ hich te bin ut'il ana'ojiquix jtebuc, scuenta yu'un ta sc'ahc'alel te Cajwaltic Jesús ya xhu' ya xtohy q'uinal awa'iyic ta jcuentacotic hich te bin ut'il ya xtohy q'uinal ca'iycotic ta acuentahique.

Bible in Tzeltal de Oxchuc y Tenejapa

¹⁴ jich te bit'il ana'ojiquix oliluque. Te c'alal ya xcha'tal xan te Cajwaltic Jesuse, te ja'exe ya me sbujts'naj awo'tanic cu'untic, jich te bit'il ya xbujts'naj co'tantic awu'un uuc te ja'exe.

2 Corintios 1:14 ပူးပေါင်းရင်းမြစ်များ

Romanos 11:25

Kermanotak, ya jkꞌan te ya anaꞌik te tutꞌil ay te kꞌop to te ma akꞌot ta naꞌel ta nail toe, jaꞌ te tut snopoj ta yoꞌtan te Diose, skuenta yuꞌun makꞌ me ya atoy abaik a te tutꞌil ay apꞌijil ta akꞌopike. Te israeletike ay tulanejem yoꞌtanik olil, jaꞌ to teme tsꞌakay ta spisil te jich yipal ya xchꞌuunik Dios te machꞌatik ma stsꞌumbaluk Israele.

1 Corintios 1:8

Dios me ya yaꞌbeyex spuersa awoꞌtanik jaꞌ to kꞌalal ta slajibal kꞌaal. Jich ma me ayuk amulik te kꞌalal ya sujt tal te Kajwaltik Jesucristoe.

1 Corintios 11:18

Te primero ma lekuk ya kaꞌiye, jaꞌ te ay albilon te kꞌalal ya atsob abaik ta kultoe te juju-tijkꞌ ayexe. Y ay jchꞌuunej te jicha nix ayex aye.

1 Corintios 15:31

Porke, kermanotak, sil tiempo ayon ta peligro yuꞌun milel. Batsꞌil lom jich te tut ya kalbeyexe te lom jun koꞌtan ya kaꞌiy ta akuentaik te tutꞌil achꞌuunejik te Kajwaltik Jesucristoe.

2 Corintios 2:5

Y te machꞌa la yakꞌ te ajtal-oꞌtane, ma joꞌukon nax yakꞌojbon yajtal koꞌtan. Yuꞌun asta jich yakꞌojbeyex yajtal awoꞌtanik ta apisilik euk. Makꞌ ya kal te bayal a yaꞌbeyex yajtal awoꞌtanike, yuꞌun makꞌ xkꞌaxon ta mas ta akuentaik a.

2 Corintios 5:12

Ma yuꞌunuk ya xlijk kaltik xan te lek jkꞌoplaltik te joꞌotik mismoe. Jaꞌ nax ya kaꞌbetikex te tutꞌil ben bujtsꞌan kꞌinal ya awaꞌiyik ta jkuentatike, yuꞌun jich me ya xjuꞌ awuꞌunik sujtesel skꞌopik te machꞌatik ya stoy sbaik yuꞌun te tut yilel yutsilal ta kꞌinale, te ni maꞌyuk skꞌoplal yuꞌunik te tut yilel te yoꞌtanike.

2 Corintios 9:2

Porke jnaꞌojix te tutꞌil ben jun awoꞌtan ya awakꞌike. Sil tiempo ben jun koꞌtan ya kalbey te machꞌatik ayik ta Macedoniae te jaꞌ to te jaꞌbil a kꞌax te ben jun awoꞌtanik ya awakꞌik te koltayele te jaꞌex te ayex ta Acayae. Jaꞌ yuꞌun te machꞌatik ayik ta Macedonia la snopikix te jun yoꞌtanik ya yakꞌik ekꞌae.

Filipenses 1:10

Yuꞌun jich ya anaꞌik stꞌujel sil tiempo te tut leke, sok jich ya xjuꞌ xkuxuyinex ta jun kuxlejal te ben sakubene, y maꞌyuk tut ay ta makel a te kꞌalal ya sujt tal te Cristoe.

Filipenses 1:26

Jich me ya xba joyinex xan ta yan buelta, skuenta yuꞌun jich ya me awalbey kola yal te Cristo Jesus ta jkuentae.

Filipenses 1:6

Seguro ayon yuꞌun Dios, te la slijkes ta pasel lekil aꞌtel ta atojolik, ya me sjuꞌutes slekil yaꞌtel jaꞌ to te tut kꞌaalil ya sujt tal te Jesucristoe.

Filipenses 2:16

Jich me ya xjuꞌ awuꞌunik te tutꞌil ya awalbeyik ta jamal te skꞌoplal kuxuyinele. Jich te kꞌalal ya xtal te Cristoe, ben kontento ya sujton ta akuentaik, yuꞌun jnaꞌoj te ma jowiluk nax kakꞌoj puersa ta aꞌtel ta akuentaike.

Filipenses 4:1

Jaꞌ yuꞌun, kermanotak te ben kꞌuxex ta koꞌtane, te ya jnaꞌulanex, te ben xpichꞌex ta koꞌtane sok ben jun koꞌtan awuꞌunik, te jaꞌ jkoronaex kꞌoem yuꞌun Dios, sigueuk me jun awoꞌtanik ta skuenta te Kajwaltike.

1 Tesalonicenses 3:13

Jich me jun awoꞌtanik a, sok maꞌyuk amulik ta sit te Jtatik Diose kꞌalal ya sujt tal te Kajwaltik Jesuse sok spisil te machꞌatik yuꞌune. Jichuk.

1 Tesalonicenses 5:23

Jaꞌ mismo te Dios yuꞌun te bujtsꞌan kꞌinale, jaꞌ me ya stojutesex te lek ya xꞌoex yuꞌune, y ya me skanantayex ta steklejal sok achꞌulelik sok awoꞌtanik sok atiꞌbalulik, skuenta ma me ayuk amulik a kꞌalal ya xtal te Kajwaltik Jesucristoe.