2 Corintios 1:12 - Nuevo Testamento Tzeltal de Amatenango

¹² Ay tut yuꞌun te ay sbujtsꞌ koꞌtantike: jaꞌ te ya jnaꞌtik te lek kakꞌoj jbatik y stojil a kuxuyinotik liꞌ ba balmilale, y mas to xan a ta awolilik te jaꞌexe. Ma jaꞌuk pꞌijilil ta skuenta tiꞌbalulil. Jaꞌ nax ta slekil yoꞌtan Dios te skoltayejotik te jich ya xkuxuyinotike.

Bible in Tzeltal Bachajón

¹² Hich ay te bin ya xtohy q'uinal ya ca'iycotic yu'un: Ha te ya yal te co'tancotic te smelelil soc ta scuenta jun-o'tanil te ya yac' te Dios hich a'tejotcotic ta bahlumilal, soc c'ax to xan hich a ta awohlilic. Ma hichuc la jpascotic ta scuenta sp'ijil ch'ich'-baq'uet, ha la jpascotic ta scuenta yutsil yo'tan te Diose.

Bible in Tzeltal de Oxchuc y Tenejapa

¹² Ay bila te ya xjachbotic sbujts' co'tantic, ja' ya yalbotic ta co'tantic te lec cac'oj jbajtic ta melel li' ta balumilal to, c'axem to xan ta atojolic te ja'exe. Ja' in to ma ja'uc nax ta swenta te jp'ijiltique, melel ja' te Diose ta swenta yutsil yo'tan te jich yac'oj cuxinucotique.

2 Corintios 1:12 ပူးပေါင်းရင်းမြစ်များ

Hechos 23:1

Te jPablo la skꞌelulanbe sit te machꞌatik stsoboj sbaik te ay yaꞌtelike, y la yaltalanbe: —Kermanotak, te joꞌone bikꞌiton to a te jun koꞌtan ayon ta stojol Dios asta te ora to —xchi.

Hechos 24:16

Jaꞌ sluwaril te sil tiempo kuidado ayon ta stojol te Diose y sok ta stojol te genteetike.

Romanos 9:1

Batsꞌi jich te tut ya kal ta skuenta te Cristoe, ma jlotuk. Sok jaꞌ ya yalbon ta koꞌtan te Chꞌul Espíritu te ma jlotuk te tut ya kale.

1 Corintios 1:17

Yuꞌun te Cristoe ma jaꞌuk a stikonon ta yakꞌel ichꞌ jaꞌ. Jaꞌ nax a stikonon ta yalel skꞌoplal te kolele. Y ma jaꞌuk ta spꞌijil genteetik te la kal lokꞌel ta jtiꞌe, yuꞌun ma lomuk nax ya xkꞌot a te cham ta krus te Cristoe.

1 Corintios 12:8

Ta skuenta te Espiritue, ay chaꞌoxtul te jaꞌ aꞌbil te ay spꞌijil ya xkꞌopoje. Y jaꞌ nax ta skuenta te Espíritu te ay yanetik te akꞌtalanbil te ya snaꞌik yalel te bayal tut yiloje.

1 Corintios 15:10

Pero ta slekil yoꞌtan Dios te jich ayon te tutꞌil ayone, y te slekil yoꞌtan kuꞌune ma lomuk nax, yuꞌun atꞌejemonix bayal ke ta spisil te yanetike. Aunke ma joꞌukon kaꞌtel jtukel, yuꞌun jaꞌ aꞌtej ta jkuenta te Diose ta skuenta slekil yoꞌtan te la skoltayone.

1 Corintios 2:13

Jich te kꞌalal ya kalbeytik skꞌoplal te tutik to, jaꞌ ya kaltik te tut yakꞌojbotik jnoptik te Espiritue, y ma jaꞌuk te kꞌopetik te jnopojtik nax ta jpꞌijiltike. Jich ya kalbetik te tutik skuenta Espíritu te machꞌatik yikꞌojikix te Espiritue.

1 Corintios 4:4

Maꞌyuk tut kechel ta koꞌtan ya kaꞌiy, pero makꞌ me kal te yuꞌun maꞌyuk jmule. Yuꞌun jaꞌ ya yichꞌon jkuenta te Kajwaltike.

1 Corintios 5:8

Jich me ya skꞌan jpastik te kꞌin Pascua kuꞌuntike. Lekuk me te koꞌtantike y batsꞌi jichuk me, te tutꞌil pan te maꞌyuk yichꞌoj levadurae. Y ma me apasik sok te tut ma tsaꞌamuke y sok te tut ma tsaꞌamuk ya xjimawane, te jich kꞌoem tutꞌil kꞌaꞌ levadurae.

2 Corintios 1:17

Te kꞌalal la jnop te jich ya jpase, ¿me ma wan batsꞌi jichuk a jnop? ¿Me yuꞌun akuyojik te jich ya jnop ta skuenta nax te jtiꞌbalule, sok te ya kal “Jich”, sok “Ma jichuk” te mismo tiempo ae?

2 Corintios 11:3

Pero ya xiꞌon yuꞌun, te jich tutꞌil te chan te ben maño la sloꞌlay te xꞌEvae, teme jich ya sloꞌlayex ekꞌa te jaꞌexe. Y teme te ya xchꞌay ta apensarik te tut lek anopojik ta stojol te Cristoe.

2 Corintios 2:17

Te joꞌotike ma jachikukotik tutꞌil yanetik te jaꞌ xchonbajelik te skꞌop Diose. Ma jichuk. Te joꞌotik tikonbilotik yuꞌun te Diose, jaꞌ yuꞌun jamal koꞌtantik ya xkꞌopojotik ta skuenta Dios, yuꞌun jun nax ayotik sok te Cristoe.

2 Corintios 4:2

La jpꞌatikix jilel te tutik kꞌexlaltik sba ay ta pasel ta mukule. Ma jloꞌlawanejukotik ni makꞌ jyanutestik te skꞌop Diose. Jaꞌ nax ya kaltik te tut batsꞌi jiche. Y te jich aye, jich ya kaꞌbetik yilik te yanetik te jun koꞌtantik ta sit te Diose.

2 Corintios 8:8

Ma yauk kalbeyex mantal te jich ya apasike. Jaꞌ nax ya jkꞌan ya anaꞌik te jun yoꞌtanik yipal ta xchapel te yane. Yuꞌun me ya awakꞌik ta ilel te tutꞌil ay te xkꞌuxul awoꞌtanik te batsꞌi jiche.

Gálatas 6:4

Te juju jtul ya skꞌan ya yichꞌ sba jkuenta te tut ya spase, y teme jun yoꞌtan ya yaꞌiy sbae, jichuk me ay ta stukel nax y ma me jaꞌuk ya yil tutꞌ ay te yane.

Efesios 6:14

Jich yuꞌun, tulan me xꞌawakꞌ abaik. Jaꞌuk xchujkil achꞌujtik te tut batsꞌi jiche, y jaꞌuk me smajkil awoꞌtanik te tut stojile.

Filipenses 1:10

Yuꞌun jich ya anaꞌik stꞌujel sil tiempo te tut leke, sok jich ya xjuꞌ xkuxuyinex ta jun kuxlejal te ben sakubene, y maꞌyuk tut ay ta makel a te kꞌalal ya sujt tal te Cristoe.

1 Tesalonicenses 2:10

Jaꞌex testigoex yuꞌun, y jaꞌ testigo euk te Diose, te tutꞌil maꞌyuk mulil ta koꞌtantik y toj a anotik, sok maꞌyuk ba jta jmultik ta atojolik.

1 Timoteo 1:5

Te tut sluwar te jich la jpasat ta mantale, yuꞌun jaꞌ skꞌan te kꞌux ya kaꞌi jbajtik ta juju-tule. Jaꞌ te skꞌuxul-oꞌtanil te ya xchiknaj teme sakubenix te koꞌtantike, sok teme tojobenotike, y sok teme lek jchꞌuunejtik te Diose.

Tito 2:7

Y jaꞌat mismo lekuk te tut ya awaꞌbe yil ta skuenta spisil te tut ya apase. Ayuk me bayal slekil te ya anojpeslane, y tulanuk skꞌoplal ta awoꞌtan te ya apase.

Hebreos 13:18

Kꞌoponbotik me Dios. Seguro ayotik te jun koꞌtantik ta stojol Dios, sok jaꞌ ya jkꞌantik te lek ya jpastik spisile.

Santiago 4:6

Pero Dios ya skoltayotik ta mas sok te slekil yoꞌtane. Yuꞌun jich ya yal te Sjun Diose: “Dios skontrainej te machꞌatik ya stoy sbaike, pero te machꞌatik chꞌunulike, ya skoltay ta slekil yoꞌtan”, xchi me.

1 Pedro 3:16

Pero lekuk me xꞌawalbey yaꞌiyik y akꞌaik me ta jkuenta. Lekuk me spisil te tut ya apasike. Jich me jun awoꞌtanik ya awaꞌiyik yuꞌun. Yuꞌun te machꞌatik ma lekuk tut ya yalbeyex, aunke lek ayex yuꞌun achꞌuunejik te Cristoe, ya me xkꞌexawik yuꞌun te skꞌopike.

1 Pedro 3:21

Y te skꞌoplal jaꞌ abi, ja xyal te ichꞌjaꞌe, te jaꞌ ta skuenta te kolemotikix te ora to. Ma yuꞌunuk ya spokbotik lokꞌel te yijkꞌal jtiꞌbalultike, sino ke jaꞌ kꞌanbeyel te Diose te ya slekutes te koꞌtantike. Jich ya skoltayotik te tutꞌil chaꞌkux tal te Jesucristoe.