2 Corintios 1:1 - Nuevo Testamento Tzeltal de Amatenango

¹ Joꞌon jPabloon. Skꞌanojel yoꞌtan Dios te apostolon yuꞌun te Jesucristoe, sok te hermano jTimoteoe. Ya jtsꞌibay te karta to ta akuentaik te jayebex te achꞌuunejik Dios te ayex ta jtejklum Corintoe y sok te jtejklum yuꞌun Dios ta spisil te estado yuꞌun Acayae.

Bible in Tzeltal Bachajón

¹ Pablo, jpuc-c'op yu'un Jesucristo ta scuenta sc'anojel yo'tan Dios, soc te quermanotic Timoteo, ya jpatbecotic yo'tan te iglesia yu'un Dios te ay ta Corinto, soc spisil mach'atic ch'uhltesbilic te ayic ta spahmal sq'uinal Acaya:

Bible in Tzeltal de Oxchuc y Tenejapa

¹ Jo'on Pabloon. Ayon ta jpuc-c'op yu'un Jesucristo ta swenta sc'anjel yo'tan te Diose. Jo'on soc te quermanotic Timoteoe, ya jpatbeyex awo'tanic ja'ex te jch'uunjelex yu'un Dios te ayex ta lum Corinto soc spisil te mach'atic ch'ul lum yu'un Dios ta sq'uinal Acaya.

2 Corintios 1:1 ပူးပေါင်းရင်းမြစ်များ

Hechos 16:1

Te jPablo sok te Silase laj kꞌot ta jtejklum Derbe sok ta jtejklum Listra. Teꞌ la staik jtul hermano te jTimoteo sbiile, yal jtul juriyo-ants te hermanae. Te state griego-winik stukel.

Romanos 15:26

Porke te machꞌatik ayik ta Macedoniae y sok te ayik ta Acayae la snopik te gusto a stsob stakꞌinik te ya stikonbeyik te hermanoetik te ayik ta Jerusalen te ay swokolike.

Romanos 16:21

Ya yalbeyex xkoltanuk te jTimoteoe te joy jba sok ta aꞌtele. Y jich euk te jLucioe te Jasone y sok te Sosipatere te jaꞌ jlumaltake.

Romanos 16:5

Sok albikon xkoltanuk euk te hermanoetik te ya stsob sbaik ta sna te sPrisila y sok te Aquilae. Albeyaik xkoltanuk euk te kamigo Epenetoe te ben kꞌux ta koꞌtane, te jaꞌ primero a chꞌuun Cristo te ay ta jun estado yuꞌun Asiae.

1 Corintios 10:32

Ma me awakꞌik ta ilel te tut ma tsaꞌamuk ta stojol te yane, ni jaꞌuk te juriyoetike, ni te machꞌatik ma juriyouke, ni te machꞌatik ayikix ta stojol te Diose.

1 Corintios 16:10

Teme kꞌot te jTimoteoe, ikꞌaik me ta lek te ba ayexe, yuꞌun jich ya xꞌaꞌtej ta yaꞌtel Kajwaltik jich tutꞌil joꞌone.

1 Corintios 16:15

Kermanotak, te jaꞌexe anaꞌojik te machꞌatik ay yuꞌun te Estéfanase te jaꞌ nail a xchꞌuunik Dios te ayik ta estado yuꞌun Acaya. Stukelik te lek yakꞌoj sbaik ta mantaltesel yuꞌun te hermanoetik te xchꞌuunejik Diose.

1 Corintios 16:24

Ta apisilik te jaꞌexe jaꞌ ya kaꞌbeyex tal te xkꞌuxul koꞌtan ta skuenta te Cristo Jesuse. Jichuk.

1 Corintios 6:11

Y jich la apasik ta nail to euk te jaꞌexe. Pero te ora to la awichꞌikix sakutesel y lekutesbilix awoꞌtanik yuꞌun amulik ta skuenta te Kajwaltik Jesucristoe y sok ta skuenta te Chꞌul Espíritu yuꞌun te Dios kuꞌuntike.

2 Corintios 1:19

Porke te Cristo Jesuse makꞌ yal “Jich” sok “Ma jichuk” te mismo tiempo ae. Jaꞌ nax te Xnichꞌan Diose te jaꞌ ya kalbeytikex skꞌoplale, joꞌon sok te Silvanoe sok te jTimoteoe. Te Cristoe stukel batsꞌi jich ta stojol Dios,

2 Corintios 1:23

Pero ma to kꞌaxemukon ta Corinto, jich tutꞌil jnopoje. Ya kalbe ta skuenta Dios te jaꞌ yuꞌun te ma la skꞌan koꞌtan te ya kaꞌbeyex awokolike.

2 Corintios 11:10

Batsꞌi seguro ayon te jnaꞌoj te tut batsꞌi jich yuꞌun te Cristoe, yuꞌun jich maꞌyuk machꞌa ta spisil estado yuꞌun Acaya te ya spojbon te tut ben jun koꞌtan yuꞌun.

2 Corintios 9:2

Porke jnaꞌojix te tutꞌil ben jun awoꞌtan ya awakꞌike. Sil tiempo ben jun koꞌtan ya kalbey te machꞌatik ayik ta Macedoniae te jaꞌ to te jaꞌbil a kꞌax te ben jun awoꞌtanik ya awakꞌik te koltayele te jaꞌex te ayex ta Acayae. Jaꞌ yuꞌun te machꞌatik ayik ta Macedonia la snopikix te jun yoꞌtanik ya yakꞌik ekꞌae.

Gálatas 1:1

Joꞌon jPabloon, te apostolon. Ma jaꞌuk tikonbilon yuꞌun te winketike sok ma jaꞌuk la yaꞌbonik kaꞌtel. Jaꞌ la yaꞌbon kaꞌtel te Jesucristoe y sok te Dios Tatile te jaꞌ a xchaꞌkuses tal te Jesuse te ba ay te animaetike.

Gálatas 3:26

Yuꞌun te xchꞌuunel awoꞌtanik ta skuenta te Cristo Jesuse, ta apisilik te jaꞌexe yal xnichꞌanexix te Diose.

Efesios 1:1

Joꞌon jPabloon, apostolon yuꞌun te Jesucristoe te jich a skꞌan yoꞌtan te Diose. La jtsꞌibay te karta to yuꞌun te jayebex ayex ta skuenta Dios sok te achꞌuunejik te Cristo Jesuse te ayex ta mukꞌul jtejklum Efeso.

Filipenses 1:1

Joꞌon te jPabloon sok te jTimoteoe, te jꞌaꞌtelotik yuꞌun te Jesucristoe, la jtsꞌibatik te karta to yuꞌun te jayebex te ayex ta mukꞌul jtejklum Filipos te ayex ta skuenta Dios sok te jun nax ayex sok te Cristoe, ta apisilik sok te ansianoetik y sok te diakonetike.

1 Tesalonicenses 1:1

Joꞌon jPabloon, joy jba sok te Silvano y sok jTimoteo la jtsꞌibayex te karta to, jaꞌex te hermanoetik te ayex ta mukꞌul jtejklum Tesalónicae, te jun nax ayex ta skuenta te Jtatik Diose y sok te Kajwaltik Jesucristoe. Te Jtatik Dios aꞌ yaꞌbeyex te slekil yoꞌtane y sok te bujtsꞌan kꞌinal ta akuentaike.

1 Tesalonicenses 3:2

y jaꞌ a jtikon te kermanotik jTimoteo, te jaꞌ jtul jꞌaꞌtel yuꞌun Dios te ay ta yalel te lek achꞌ kꞌop yuꞌun te Cristoe. La jtikon tal yuꞌun ya xtal yilex, y ya xtal yalbeyex xan lek te skꞌop Diose, y ya yaꞌbeyex spuersa te xchꞌuunel awoꞌtanike.

2 Tesalonicenses 1:1

Joꞌon jPabloon sok te Silvano y sok jTimoteo, la jtsꞌibayex te karta to, jaꞌex hermanoetik te ayex ta mukꞌul jtejklum Tesalónicae, te jun nax ayex ta skuenta te Jtatik Diose y sok te Kajwaltik Jesucristoe.

1 Timoteo 1:1

Joꞌon jPabloon, apostolon yuꞌun te Jesucristoe. Tikonbilon ta smantal Dios te Koltawanej kuꞌuntike y te Kajwaltik Jesucristoe te jaꞌ yip koꞌtantike.

2 Timoteo 1:1

Joꞌon jPabloon, te apostolon yuꞌun te Jesucristoe te stikonejon ta skꞌanojel yoꞌtan te Diose ta spukel te tutꞌil yaloje te ay kuxlejal ta skuenta te Cristo Jesuse.

Tito 1:1

Joꞌon jPabloon, yaj-aꞌtelon te Diose sok apostolon yuꞌun te Jesucristoe. Tikonbilon ta yaꞌbeyel xchꞌuun Dios te machꞌatik tꞌujbilik yuꞌun te Diose, sok yuꞌun ya me snaꞌik ta batsꞌi jich te tut jchꞌuunejtike,

Filemón 1:1

Joꞌon jPabloon, te ayon ta prexo ta skaj te Cristo Jesuse, jun nax sok te hermano jTimoteoe, ya jtsꞌibabeyat te karta to, jaꞌat Filemon, te kꞌuxat ta koꞌtan sok te joy jbajtik ta aꞌtele,

Hebreos 13:23

Ay tut ya kalbeyex: Kolemix te kermanotik jTimoteoe. Teme ya xjul ta orae, ya me joyin tal te kꞌalal ya xtal kilexe.