1 Timoteo 5:3 - Nuevo Testamento Tzeltal de Amatenango

³ Koltaya te meꞌba antstike te maꞌyuk machꞌa ya xkoltayot yuꞌune.

Bible in Tzeltal Bachajón

³ Ayuc ta cuenta awu'un te me'ba' antsetic te melel me'ba'etic nix a.

Bible in Tzeltal de Oxchuc y Tenejapa

³ Coltaya me te me'ba antsetic te jtul ma'yuc mach'a ay yu'une.

1 Timoteo 5:3 ပူးပေါင်းရင်းမြစ်များ

San Mateo 15:6

te machꞌa jich ya yale ma puersauk ya skꞌuxtayix te smeꞌ-state”, te xchaexe. Jich ta skuenta te kostumbre awuꞌunike maꞌyukix skꞌoplal ya xkꞌot ta chꞌuunel a te tut yaloj ta smantal te Diose.

San Mateo 23:13

“Ay pe jal jaꞌex, te maestroex yuꞌun te mantaliletike sok jaꞌex te fariseoexe, jaꞌex te ma tsaꞌamuk awoꞌtanike. Yuꞌun te jaꞌexe atsꞌusojikix ta yawe kꞌoem ta stojol te genteetik te spuertaul te ba ay ta mantal te Diose. Ni makꞌ xꞌochex teꞌa te jaꞌexe, sok ma xꞌawakꞌik te ay machꞌa ya skꞌan ya xꞌochik teꞌae.

San Lucas 2:37

Ayix 84 jaꞌbil yaꞌbilal a te jil ta biudae. Sil tiempo ay ta templo. Kꞌajkꞌal ajkꞌubal ay ta abatinel yuꞌun te Kajwaltike y ya skomilan sweꞌel ta skꞌoponel te Diose.

San Lucas 7:12

Nopol xlaj kꞌotix a, te ba tiꞌ jtejklume la yil choybil kꞌael jtul anima yuꞌun xbajt ta mukel. Te smeꞌe meꞌbaꞌ ants. Jip a te jtul yale. Joyinbil kꞌael yuꞌun bayal genteetik yuꞌun te jtejklume.

San Juan 1:47

Kꞌalal te Jesuse la yil te yipal tal ta tijilajel te jNatanaele, la yal: —Liꞌ ayix tal te jtul batsꞌi israel te maꞌyuk lot ta yoꞌtane —xchi skꞌoplal.

Hechos 6:1

Te tiempo abi yipal ta bayalubel te hermanoetike. Te machꞌatik xkꞌopoj ta griego lijk yaꞌbiyanik te machꞌatik xkꞌopoj ta hebreoe. Ya yalik te griega meꞌba antstike ma kꞌuxutaybiluk lek yuꞌun makꞌ xꞌaꞌbot lek sweꞌelik te jujun kꞌaale.

Hechos 9:39

Y te jPedroe laj bajt sok ta ora. Te kꞌalal laj kꞌot ta Jopee, la yikꞌik bael te ba kuarto baꞌ xchawanejbeyik te stiꞌbalule. Spisil te meꞌba antstike la sjumik te jPedroe, ben xlaj okꞌik, y la yaꞌbeyik yil te skꞌuꞌ-spakꞌik te pasbil yuꞌun te xDorcase te kꞌalal kuxul to ae.

Hechos 9:41

Te jPedroe la xchechbe te skꞌabe y la xjach. Te nax a la yikꞌ tal te hermanoetik y sok te meꞌba antstike, y la yakꞌtalanbe yil te kuxulix te xDorcase.

1 Tesalonicenses 2:6

Sok ma jaꞌuk a jletik te ay machꞌa ya yakꞌotik ta jkuentae, ni te jaꞌexe ni te yanetike. Aunke me ya xjuꞌ te ya awakꞌotik ta jkuenta te tutꞌil ay kaꞌteltik ta apostolil yuꞌun te Cristoe.

1 Timoteo 5:2

Te meꞌ-meꞌeletike jichuk me kꞌoem tutꞌil batsꞌil ameꞌ. Y sok te aꞌchetike jichuk me kꞌoem tutꞌil awijtsꞌinab. Lekuk me awoꞌtan ta stojolik.

Santiago 1:27

Te tut ay ta chꞌuunel te maꞌyuk tut kapal a sok maꞌyuk yijkꞌal ta sit te Dios Tatile, jaꞌ te machꞌa xba yil te meꞌbaetike y sok te meꞌba antstik te kꞌalal ayik ta wokole, y makꞌ yixlan sba a te tut ma lekuk te skuenta balmilale.

1 Pedro 2:17

Akꞌaik me ta jkuenta spisil genteetik. Kꞌux me xꞌawil te hermanoetike. Xiꞌaik me te Diose. Akꞌaik me ta jkuenta te mukꞌul reye.

1 Pedro 3:7

Jich euk te jaꞌexe, mamlaliletik, naꞌaik me tutꞌ kuxulex sok te awinamike. Akꞌaik me ta jkuenta te tutꞌil ya skꞌane. Naꞌaik me te antse chꞌin nax me staelik. Sok naꞌaik me euk te ta skuenta slekil yoꞌtan te Diose te jich altalanbil jilel euk te jich ya xꞌaꞌbot xkuxlejal te antstik jich mismo tutꞌil jaꞌexe. Jich me xꞌapasik yuꞌun ma me ayuk tut ya smakex a te ya akꞌoponik te Diose.