1 Timoteo 4:3 - Nuevo Testamento Tzeltal de Amatenango

³ Jaꞌik ya xkomawanik ta nujpunel sok ay weꞌelil te ya xkomawanik ta tuuntesel te pasbil yuꞌun Dios sok te ya yalbeyik kola yal Dios yuꞌun te machꞌatik ya sweꞌik, jaꞌ bi jaꞌ te machꞌatik xchꞌuunejik Dios sok te ya snaꞌik te tut batsꞌi jiche.

Bible in Tzeltal Bachajón

³ Ya xcomawanic ta nuhpunel soc ya yalic mandar te ay we'elil te ma me swe'ic, te ha nix pasbil yu'un Dios te ya swe'ic ta scuenta halbeyel wocol Dios te mach'atic sch'uhunejic soc te sna'ojic te bin melele.

Bible in Tzeltal de Oxchuc y Tenejapa

³ Ya scomotic ta nujbinel, soc ay we'elil ya scomotic ta stuuntesel. Ja'uc me to, Dios la spas spisil te we'elile, swenta yu'un ya me yich' albeyel wocol Dios te c'alal ya stuuntesic te we'elil te jch'uunjeletic te xch'uunejic te smelelil c'ope.

1 Timoteo 4:3 ပူးပေါင်းရင်းမြစ်များ

San Mateo 14:19

Y la yaltalanbe te genteetike te ya snajkꞌan sbaik ta stenlejaltike. La stsak ta skꞌab te joꞌpejch waje sok te chaꞌkojt chaye, la skꞌelu moel te chꞌulchane, la yalbe kola yal Dios yuꞌun y la xeꞌtalan te waje. La yaꞌbe ta skꞌab te jnopojeletik yuꞌune y ba spuktalanbe te genteetike.

San Mateo 15:11

Te tut ya xꞌoch ta stiꞌ te winike ma jaꞌuk ma tsaꞌamuk ya xkꞌot ta stojol Dios yuꞌun. Jaꞌ ma tsaꞌamuk ya xkꞌoex ta stojol Dios yuꞌun te tut ya xlokꞌ ta atiꞌike —xchi te Jesuse.

San Mateo 15:36

La stsak ta skꞌab te jukpejch waje sok te chayetike, la yalbe kola yal Dios yuꞌun. La xeꞌtalan, la yaꞌbe te jnopojeletik yuꞌune y ba spukbeyik te genteetike.

San Lucas 24:30

Te kꞌalal ayikix ta mexa ae la stsak ta skꞌab te waje y la yalbe kola yal Dios yuꞌun. La xetꞌ y la yaꞌbe.

San Juan 6:23

Pero jtsꞌin to nax a ay yan barkoetik a laj kꞌot te lijk tal ta jtejklum Tiberiase. Teꞌ laj kꞌot te ba luwar te nopol nax ay a ba la sweꞌik waj te la yalbe kola yal Dios yuꞌun te Kajwaltike.

Hechos 27:35

Te kꞌalal jicha yal te jPabloe, la stsak ta skꞌab te waje y la yalbe kolayal Dios yuꞌun ta sit spisilik. La xetꞌ te waje y lijk sweꞌ.

Romanos 14:17

Porke te tut ay ta ajwalinel te Diose ma ta skuentauk weꞌel o uchꞌajel. Jaꞌ nax teme toj ya xkuxuyinotike sok teme jun koꞌtantike y sok te bujtsꞌan kꞌinal ta skuenta nax te Chꞌul Espiritue.

Romanos 14:3

Lek ay. Te machꞌa ya sweꞌ ta spisile ma me wakꞌ spꞌaj te machꞌa ma sweꞌtalan ta spisile. Sok te machꞌa ma sweꞌ ta spisile, ma me wakꞌ yalbe ma tsaꞌamuk skꞌoplal te machꞌa ya sweꞌ spisile, yuꞌun te Diose yikꞌojix.

Romanos 14:6

Te machꞌa ya skanantay te jun kꞌaale yuꞌun ya yakꞌ ta jkuenta a te Kajwaltike. Jaꞌ yuꞌun ya skanantay. Te machꞌa makꞌ skanantaye, yuꞌun jich ya yakꞌ ta jkuenta a te Kajwaltike. Y machꞌa ya sweꞌ ta spisile, yuꞌun ya yakꞌ ta jkuenta a te Kajwaltike. Ya sweꞌ y ya yalbe kola yal Dios yuꞌun. Yan te machꞌa ma sweꞌ ta spisile, yuꞌun ya yakꞌ ta jkuenta a te Kajwaltike te ma sweꞌe, sok ya yalbe kola yal Dios yuꞌun.

1 Corintios 6:13

Ya awalik xan: “Te weꞌelile jaꞌ yuꞌun te jchꞌujtike y te jchꞌujtike jaꞌ yuꞌun te weꞌelile. Batsꞌi jich. Pero te Diose ya slajinbe jilel skꞌoplal ta xchebal. Pero ma me xkakꞌtik te ya xꞌantsiwe te jtiꞌbalultike. Te jtiꞌbalultike jaꞌ yuꞌun te Kajwaltike, y te Kajwaltike jaꞌ yuꞌun te jtiꞌbalultike.

1 Corintios 7:28

Teme nujpunate, ma me ayukat ta mulil yuꞌun. Y teme ay jtul soltera te ya xnujpune, ma me ayuk ta mulil. Pero te machꞌatik ya xnujpune, ya me sta swokol te xkuxlejalike. Te joꞌone jaꞌ ya jkꞌan te maꞌyuk machꞌa ya sta swokole.

1 Corintios 8:8

Ma jaꞌuk te ma lekukotik ta stojol Dios yuꞌun te tutꞌ ya jweꞌtike. Yuꞌun ma jaꞌuk lek ya xkꞌootik yuꞌun te tutꞌ ya jweꞌtike o te tutꞌ makꞌ jweꞌtike.

Colosenses 2:16

Jaꞌ yuꞌun, ma me xꞌawichꞌik ta jkuenta te machꞌa ya yikꞌtinex yuꞌun te tutik ya aweꞌik o ya awuchꞌike, o jich tutꞌil te skꞌaalel kꞌinetike, o te yuninal ue, o te skꞌaalel kuxo-oꞌtane.

Colosenses 3:17

Y spisil te tut ya apasike o ya awalike, pasaik ta skuenta te Kajwaltik Jesuse. Sok albeyaik kola yal Dios te Tatil ta skuenta te Jesuse.

1 Timoteo 2:4

Yuꞌun stukel ya skꞌan te spisil ya xkole y te ya xkꞌot ta yoꞌtanik te tut batsꞌi jiche.

1 Timoteo 4:4

Yuꞌun lek ay spisil te tut spasoj te Diose, y ma me ayuk machꞌa ya spꞌaj. Jaꞌ nax ya skꞌan te ya kalbetik kola yal a te Diose kꞌalal ya jweꞌtike.

1 Timoteo 5:14

Jaꞌ yuꞌun ya jkꞌan te ya xnujpun xan te meꞌba antstik te bikꞌtal toe. Jaꞌ lek ayuk yuntikil, sok yauk skanantay te snae, y ma me wakꞌ yaꞌbe luwar te kꞌopetik yuꞌun te jkontratike.

Hebreos 13:4

Ta apisilik akꞌaik me ta jkuenta te nujpunele. Y ma me akapik ta mulil te jun nax awayibike, porke Dios ya yichꞌ jkuenta te machꞌatik ya xꞌantsiweje y te machꞌatik ya xkremiweje.

Hebreos 13:9

Ma me awakꞌ abaik ta loꞌlayel yuꞌun yanetik nojpesel te ma jaꞌuk yuꞌun te Diose. Jaꞌ lek te ayuk spuersa te koꞌtantike ta skuenta xkꞌuxul yoꞌtan te Diose. Ma me jaꞌuk nax xbajt ta awoꞌtanik te mantal yuꞌun te tutik weꞌeliletike, yuꞌun maꞌyuk tutiꞌ staik a te machꞌa jich ay ta pasele.