1 Timoteo 2:3 - Nuevo Testamento Tzeltal de Amatenango

³ Jaꞌ to jaꞌ lek ya yil te Dios te jKoltawanej kuꞌuntike.

Bible in Tzeltal Bachajón

³ Como ha lec ini soc ha lec yo'tan Dios yu'un, te Jcoltaywanej cu'untic,

Bible in Tzeltal de Oxchuc y Tenejapa

³ Melel ja' lec te jich ya jc'opontic te Diose, soc ja' lec yo'tan Dios yu'un te ja' Coltaywanej cu'untique.

1 Timoteo 2:3 ပူးပေါင်းရင်းမြစ်များ

San Lucas 1:47

Ben jun koꞌtan ta stojol te Dios te jkoltawane kuꞌune. Porke Dios teꞌe sit a te ba ayone, manchuk me chꞌin ayon te yabatone.

Romanos 14:18

Te machꞌa jich ya yakꞌ sba ta abatinel yuꞌun te Cristoe, jaꞌ lek ya xꞌilot yuꞌun te Diose y sok te genteetike.

Filipenses 1:11

Yuꞌun ta skuenta te Jesucristoe ya me xchiknaj te ben lek awꞌatelik ta jaꞌexe. Jich me ya xꞌakꞌot ta jkuenta te Diose, sok lek skꞌoplal ya xkꞌot awuꞌunike.

Filipenses 4:18

Te tut la atikonbikon tale, la kichꞌix ta spisil, y asta ay sobra kuꞌun. Te tut la atikonbikon ta skuenta te Epafroditoe ben bayal to xan kichꞌoj. Jich a kꞌot tutꞌil jun majtanil te ben tsaꞌam yikꞌ te chikbil majtanil te ben smuyet ya yaꞌiy te Diose.

Colosenses 1:10

Jich ya xjuꞌ awuꞌunik te toj ya xꞌanex jich tutꞌil ya skꞌan spasik te machꞌatik yuꞌun te Kajwaltike, sok jich ya xjuꞌ awuꞌunik spasel ta sil tiempo te tut lek ya yil stukele. Jich me ya apasik spisil ta skajal skaj te lekil aꞌtele, y jich me ya anaꞌbeyik sba ta lek a te Diose.

1 Tesalonicenses 4:1

Te ora to, kermanotak, awokolikuk ya kalbetikex ta skuenta te Kajwaltike, jich me ya apasik xan tutꞌil te yipalexix ta spasele. Ja te tutꞌil joꞌotik a jnopestikex te jich ya apasike, skuenta yuꞌun lek ya yilex a te Diose.

1 Timoteo 1:1

Joꞌon jPabloon, apostolon yuꞌun te Jesucristoe. Tikonbilon ta smantal Dios te Koltawanej kuꞌuntike y te Kajwaltik Jesucristoe te jaꞌ yip koꞌtantike.

1 Timoteo 4:10

Jaꞌ yuꞌun ya xꞌaꞌtejotik sok ya jpastik puersa, porke jaꞌ ayotik ta smaliyel te kuxul Diose te jaꞌ jKoltawanej yuꞌun ta spisil, pero ja mero ya xkoltayot yuꞌun te machꞌatik ya xchꞌuunike.

1 Timoteo 5:4

Pero teme ay jtul meꞌba ants te ay yuntikil o yil-alatake, ya skꞌan te ya yichꞌ kuentainel yuꞌun te machꞌatik batsꞌi ay yuꞌune. Yuꞌun jich me ya sujtesbot a te tutꞌil ay skꞌuxul yoꞌtan te smeꞌ-statike. Porke jaꞌto jaꞌ lek ta pasel sok lek ya xꞌilot yuꞌun te Diose.

2 Timoteo 1:9

Dios a skoltayotik y la yikꞌotik te ya xlekub te jkuxlejaltike. Ma yuꞌunuk ta skuenta kaꞌteltik, sino ke jaꞌ te tut snopoj ta yoꞌtane. Ta skuenta te Cristo Jesuse, te Dios a xkꞌuxutayotik te kꞌalal ma to xchiknaj a te balmilale.

Hebreos 13:16

Ma me achꞌay ta awoꞌtanik ta spasel te tut leke sok ta spukel ta yan te tut ay awuꞌunike. Porke jaꞌ to, jaꞌ chikꞌbil majtaniletik te lek ya yil te Diose.

1 Pedro 2:20

Yan teme ta skaj te la apasik te tut ma lekuke te ya yaꞌbelex awokolik, ¿tut ya xlok awuꞌunik a te jun awoꞌtan ya stsꞌijk awuꞌunike? Pero teme jaꞌ ay awokolik yuꞌun te tut lek ya apasike, y junuk awoꞌtanik xꞌatsꞌikik te wokole, jaꞌ to jaꞌ lek ya yil te Diose.

1 Pedro 2:5

Jachikex euk, Dios ya yakꞌex tutꞌil kuxul tonetik, yipalex ta tejkꞌanel ta jun na ta skuenta te Espiritue. Lekil saserdoteukex me, yuꞌun ta skuenta te Jesucristoe, jaꞌ awaꞌtelik te ya awaꞌbeyik milbil smajtan ta skuenta te Espiritue te lek ya yil te Diose.