1 Tesalonicenses 2:3 - Nuevo Testamento Tzeltal de Amatenango

³ Porke ma jowiluk nax te tut yipalotik ta yalele. Ni ma jaꞌuk a kaltik te tut ma lekuk, sok ma jaꞌuk jnopojtik te ay machꞌa ya jloꞌlaytik ae.

Bible in Tzeltal Bachajón

³ Como te c'op la jcalcotic ta tsitsaw ta atojolic ma ta scuentahuc howil c'op o te bin chopol ay ta co'tancotic o ma ta scuentahuc lo'loywanej.

Bible in Tzeltal de Oxchuc y Tenejapa

³ Te tac'uyel la calbeyex awaiyique, ma yu'unuc ma jna' te bila la calbeyexe, soc ma yu'unuc ay bila amen jnopoj ta co'tan, soc ma yu'unuc swenta slo'layel a te yantique.

1 Tesalonicenses 2:3 ပူးပေါင်းရင်းမြစ်များ

Hechos 13:15

Patil te la yichꞌix ilel a te sjunal te mantaletik yuꞌun te Diose sok te sjun alwanejetike, te stataletik yuꞌun te sinagogae la stikonik ta albeyel te jPablo sok te jBernabee: —Kermanotak, teme ay tut ya akꞌan ya awalik ta stojol te genteetik te ya awaꞌbe spuersa yoꞌtane, ya xjuꞌ xkꞌopojex —xchiik.

Hechos 4:36

Jich tutꞌil te jtul levita winik te Jose sbiil, te ay slumal ta Chipre te joybil ta mare, jaꞌ te machꞌa aꞌbot sbiilin Bernabe yuꞌun te apostoletike (ja te “ya sjunutesbotik koꞌtantik” xchi kꞌoem te sbiile).

2 Corintios 11:13

Porke najka palso apostoletik ske me to y jloꞌlawanejetik yuꞌun skuyoj sbaik te jaꞌ apostoletik yuꞌun te Cristoe.

2 Corintios 2:17

Te joꞌotike ma jachikukotik tutꞌil yanetik te jaꞌ xchonbajelik te skꞌop Diose. Ma jichuk. Te joꞌotik tikonbilotik yuꞌun te Diose, jaꞌ yuꞌun jamal koꞌtantik ya xkꞌopojotik ta skuenta Dios, yuꞌun jun nax ayotik sok te Cristoe.

2 Corintios 4:2

La jpꞌatikix jilel te tutik kꞌexlaltik sba ay ta pasel ta mukule. Ma jloꞌlawanejukotik ni makꞌ jyanutestik te skꞌop Diose. Jaꞌ nax ya kaltik te tut batsꞌi jiche. Y te jich aye, jich ya kaꞌbetik yilik te yanetik te jun koꞌtantik ta sit te Diose.

2 Corintios 4:5

Ma joꞌukotik mismo ya kaltik jkꞌoplaltik. Jaꞌ ya kaltik skꞌoplal te Jesucristo, te jaꞌ Kajwaltik stukele. Te joꞌotike jaꞌ nax jꞌaꞌtelotik awuꞌunik ta slekil nax yoꞌtan te Jesuse.

2 Corintios 6:8

Ay ya yakꞌelotik ta jkuenta; y ay ma xyakꞌelotik ta jkuenta. Ay lek ya yalbelotik jkꞌoplaltik; y ay ma tsaꞌamuk ya yalbelotik jkꞌoplaltik. Ya yalbelotik te yuꞌun jle-lototike, pero jaꞌ ya kaltik te tut batsꞌi jiche.

2 Corintios 7:2

Kꞌux me xꞌawaꞌiyikon ta awoꞌtanik. Yuꞌun ma me ayuk machꞌa la kilbajintik. Ma me ayuk machꞌa la kixlantik y maꞌyuk machꞌa jloꞌlayejtik.

1 Tesalonicenses 2:11

Sok anaꞌojik te la kaꞌbetikex spuersa awoꞌtanik y la junutesbeyex awoꞌtanik ta juju-tulex te jaꞌexe, jich tutꞌil ya spas jtul tatil sok te yuntikile.

1 Tesalonicenses 4:7

Yuꞌun ma jaꞌuk a yikꞌotik Dios yuꞌun ya jpastik te tut ma tsaꞌamuke. Jaꞌ ya skꞌan te ben tsaꞌam ya xꞌanotik ta skuentae.

2 Tesalonicenses 2:11

Jaꞌ yuꞌun, Dios la yakꞌ te ya xloꞌlayotik yuꞌun te tut ma lekuke y te jaꞌ ya xchꞌuunik te loꞌlayele.

2 Pedro 1:16

Te nojpesel te la kaꞌbetikex te tutꞌil ay spoder te ya xtal xan te Kajwaltik Jesucristoe, ma kꞌop abiyejuk nax te ya xloꞌlawane. Yuꞌun batsꞌi ta sitik a kiltik te Kajwaltik te lom mukꞌ ay slekilale.