1 Pedro 5:9 - Nuevo Testamento Tzeltal de Amatenango

⁹ Ma me wakꞌ abaik ta tsalel yuꞌun. Jaꞌ me a yipin awoꞌtanik te Dios achꞌuunejike. Naꞌaik me te jich mismo ay swokolik te awermanoik ta bayuk nax ta balmilal.

Bible in Tzeltal Bachajón

⁹ Ma me xawac' yochintayex, ayuc me yip sch'uhunel awo'tanic, como ana'ojic te hich nix ay swocolic te awermanotac ayic ta swohlol bahlumilal.

Bible in Tzeltal de Oxchuc y Tenejapa

⁹ Aiyaic me tsalaw ta swenta te xch'uunjel awo'tanique. Na'aic me te jich nix yac ta c'oel ta pasel ta stojol te quermanotactic te ayic ta spamal balumilale.

1 Pedro 5:9 ပူးပေါင်းရင်းမြစ်များ

San Lucas 22:32

Pero la jkꞌambeyix te Diose yuꞌun te manchuk ya xchꞌay te xchꞌuunel awoꞌtan ta jtojol te jaꞌate. Te jaꞌate te kꞌalal ya achaꞌsujtes awoꞌtan ta jtojole, koltaya me te awermanotake, aꞌbeya me smukꞌul yoꞌtanik —xchi.

San Juan 16:33

Ya kalbeyex pisil to, yuꞌun jich me bujtsꞌan kꞌinal ya awaꞌiyik ta jtojol. Yan te liꞌ ba balmilale, te jaꞌexe ya me xkꞌax awokolik. Pero ayuk me spuersa awoꞌtanik, yuꞌun joꞌon jtsalojix te balmilale —xchi te Jesuse.

Hechos 14:22

Te ba luwar ba laj kꞌaxike, la yaꞌbeyik jilel spuersa yoꞌtan te hermanoetike, y la yaltalanbe jilel te jmel nax a wakꞌ xchꞌuunik te Jesuse. La yalbeyik te puersa ay bayal wokol te ya xꞌochotik te ba ay ta ajwalinel te Diose.

1 Corintios 10:13

Te jaꞌexe maꞌyuk kꞌaxem awuꞌunik te ilel-awoꞌtanik te ma ba yaꞌiyojik te yanetike. Y te jaꞌexe ya xjuꞌ te ay smukꞌul awoꞌtanik ta stojol Dios te ma xyakꞌ kꞌaxuk awokolik ta ilel awoꞌtanik te lom tulan te ma xkujch awuꞌunike. Pero ma jichuk, te kꞌalal ya xtal te ilel-awoꞌtanike, te Diose ya sle tutꞌ ya skoltayex lokꞌel a, yuꞌun jich ya xjuꞌ awuꞌunik a.

Efesios 4:27

Ma me awaꞌbeyik te ya yochintayex te pukuje.

Efesios 6:16

Sok jaꞌ tulan skꞌoplal te xchꞌuunel awoꞌtanike, te jaꞌuk me amajkilik te ya skoltayex yuꞌun te skꞌajkꞌal sniꞌ yaꞌtajib te pukuje.

Colosenses 2:5

Manchuk me maꞌyukon ta awolilik ta jteklejal, pero joyinejex ta koꞌtan. Y ben jun koꞌtan yuꞌun ya kil te lek yipalex bael ta spasel, y te jun awoꞌtanik achꞌuunejik te Cristoe.

1 Tesalonicenses 3:3

Yuꞌun jich ni jtuluk te jaꞌexe ya xchebaj yoꞌtan yuꞌun te tutꞌil ayex ta ilbajinel a. Yuꞌun jaꞌex mismo ya anaꞌik te puersa ya xkꞌax jwokoltik,

1 Timoteo 6:12

Ma me akoles ta akꞌab te kuxlejal sbajtel kꞌinale. Yuꞌun jaꞌ a yikꞌat Dios yuꞌun, te kꞌalal la awalix ta jamal ta sit te bayal testigoetike te tutꞌil achꞌuunej te Diose.

2 Timoteo 3:12

Batsꞌi jich ta spisil te machꞌatik ya skꞌan xlekub xkuxlejal sok te Cristo Jesuse, ya me xkꞌax swokol ta ikꞌtinel.

2 Timoteo 4:7

Juꞌix kuꞌun te lekil tsalawe. Kꞌoonix te ba ay ya xꞌanimajon baele. Jun koꞌtan jchꞌuunej te Diose.

Hebreos 11:33

Ta skuenta xchꞌuunel yoꞌtanik: la stsalik te jtejklumetike, lek a juꞌ yuꞌunik xchapel, la yichꞌik te tut albil yuꞌun te Diose, la smakbeyik stiꞌ te chojetike,

Hebreos 12:8

Pero teme Dios mak stojutesex tutꞌil ya stojutes spisil te yuntikile, yuꞌun ma yal-xnichꞌanukex abi, y ma jaꞌuk Atatik te Diose.

Santiago 4:7

Jaꞌ yuꞌun, aꞌ me abaik ta skꞌab te Diose. Pꞌajaik me te pukuje, y ya me xlok bael ta anel ta atojolik.

1 Pedro 1:6

Jaꞌ sluwar te jaꞌexe te lom jun awoꞌtanike, manchuk me puersa ay jwokoltik te jayeb nax kꞌaal ya xkꞌaxotik te bayal prewae.

1 Pedro 2:21

Yuꞌun jaꞌ la yikꞌex Dios yuꞌun te ya xkꞌax awokolike. Porke te kꞌalal Cristo kꞌax swokol ta akuentaik, la yaꞌbeyex awilik yuꞌun jich me ya atamik bael a.

1 Pedro 3:14

Pero teme jaꞌ ya xkꞌax awokolik yuꞌun te tut stojil ya apasike, ben me tsaꞌam alekilik yuꞌun. Ma me machꞌa axiꞌik, ni ma me tut xyal awoꞌtanik.

1 Pedro 4:13

Junuk me awoꞌtanik teme pajal ay awokolik te tutꞌil a kꞌax swokol te Cristoe. Yuꞌun jich me ya ata bayal sbujtsꞌ awoꞌtanik a te kꞌalal ya xchiknaj tal te slekilale.

Apocalipsis 1:9

Joꞌon Juanon, joꞌon awermanoikon te pajal ay ta jkuentatik te wokole sok te pajal ay ta jkuentatik te ya joyintik ta ajwalil te Cristoe, sok te pajal ya yaꞌbotik jpuersatik te ya xkujch kuꞌuntik te wokoletike. Liꞌ aꞌbilon ba chꞌin luwar Patmos sbiil te joybil ta mare, jaꞌ ta skaj te yipalon ta yalel te skꞌop Diose te jamal ya yakꞌ ta naꞌbeyel sluwar te Jesuse.

Apocalipsis 6:11

Jicha akꞌtalanbot sakil skꞌuꞌ-spakꞌik, y altalanbot te ya to xkux yoꞌtanik jun chebuk xanix kꞌaal, jaꞌ to teme tsꞌakay te jaytul xan yermanotak te ayik ta abatinel yuꞌun te Cristoe te puersa jich ya xlajik jachik tutꞌil lajik stukelike.

Apocalipsis 7:14

La kalbe: —Jaꞌat anaꞌoj, kajwal —xkut. Y jich a yalbon: —Jaꞌlan to te machꞌatik te kꞌaxemik tal ta tulan wokole. Jaꞌlan te machꞌatik sakꞌojik te skꞌuꞌ-spakꞌike y jaꞌ sakutesojik a te xchꞌichꞌel te Chꞌin Karnerae.