1 Pedro 5:8 - Nuevo Testamento Tzeltal de Amatenango

⁸ Pꞌij me xꞌawakꞌ abaik y kuxuluk me awoꞌtanik. Porke te akontraike, jaꞌ te pukuje, jachik ay tut choj te ya xkꞌuxuxan ye, sok te yipal ta sleel te machꞌa ya sweꞌe.

Bible in Tzeltal Bachajón

⁸ P'ijanic me soc wic'sitaya me abahic, como te acontrahic, ha te pucuj, bayuc yac ta behel, hich te bin ut'il choj, ta slehel mach'a ya slajin.

Bible in Tzeltal de Oxchuc y Tenejapa

⁸ Ich'a me ap'ijilic, wiq'uiluc me asitic. Melel te awajcontroe, ja' te pucuje, jich bit'il león-choj te yac ta aw ta sleel ta bayuc te mach'a ya sti'e.

1 Pedro 5:8 ပူးပေါင်းရင်းမြစ်များ

San Mateo 13:39

Te jkontra te la stsꞌun te ak te maꞌ tsaꞌamuke, jaꞌ te pukuje. Te yorail kꞌajoje jaꞌ te slajibal kꞌaale. Te jkꞌajojetike jaꞌ te chꞌul angeletik yuꞌun te Diose.

San Mateo 24:42

“Jaꞌ yuꞌun te jaꞌexe, wikꞌa me asitik, yuꞌun ma xꞌanaꞌik tut ora xtalon joꞌon te awajwalonike.

San Mateo 25:41

“Te ajwalile te nax a ya yalbe te machꞌatik ayik ta xkexom skꞌabe: “Kꞌeja abaik ta jtojol, jaꞌex te ma tsaꞌamukexe. Baanik te ba kꞌakꞌ te ma xtupꞌ sbajtel kꞌinal te chapbil te ba ya xkꞌot te pukuje sok spisil te angeletik yuꞌune.

San Mateo 4:1

Te Jesuse ikꞌot bael ta tꞌantꞌan kꞌinal yuꞌun te Espiritue, yuꞌun ya xꞌilbot yoꞌtan yuꞌun te pukuje.

San Mateo 4:11

Jich te pukuje la sjiles te Jesuse. Jaꞌ a tal te chꞌul angeletike, y lijk yakꞌ sbaik ta abatinel.

San Marcos 4:15

Te tsꞌunubil te kꞌot ta bee pajal kꞌoem sok te machꞌatik ya yaꞌiyik te skꞌop Diose, pero laj to nax yoꞌtanik ta yaꞌiyel a, ya xtal te Satanase, ya spojbe te skꞌop Dios te tsꞌunbot ta yoꞌtane.

San Lucas 21:34

“Ila me abaik, ma me xꞌawakꞌ te ya yalulanbeyex ta awoꞌtanik te tut ya skꞌupin awoꞌtanike sok te yakubele, sok te tutik yajtal awoꞌtanik ta jujun kꞌaal sok te akuxlejalike. Yuꞌun ma me chꞌayemuk awoꞌtanik a te tut ora ya sta skꞌaalele.

San Lucas 21:36

Chapalukex me te jaꞌexe. Kꞌoponaik me Dios ta sil tiempo. Yuꞌun jich me ya xkolex lokꞌel a ta spisil te tutik ya xkꞌot ta pasele, y yuꞌun jich me ya xjuꞌ ya atejkꞌan abaik ta sit te Nichꞌanile —xchi te Jesuse.

San Lucas 22:31

La yal xan te Kajwaltike: —Simon, Simon, aꞌiya awaꞌi. Te pukuje la skꞌanix permiso te ya yikꞌayex jich tutꞌil te ya xꞌikꞌayot te triwue.

San Juan 8:44

Te atatik te jaꞌexe jaꞌ te pukuje; te jaꞌexe jaꞌ ya apasbeyik te tut ya skꞌan yoꞌtane. Te pukuje ja jmilaw kꞌalal ta slijkibal to tal. Makꞌ xtuun yuꞌun te tut batsꞌi jiche; maꞌyuk ya yal te tut batsꞌi jiche. Te kꞌalal ya sle lote, jaꞌ ya yal te tut stalel ay ta yoꞌtane. Porke loꞌlawane stukel y jaꞌ tatil yuꞌun te le-lote.

2 Corintios 2:11

Jich te pukuje makꞌ stsalotik yuꞌun a, yuꞌun kilojtik lek tutꞌ ay te smañoe.

Efesios 4:27

Ma me awaꞌbeyik te ya yochintayex te pukuje.

Efesios 6:11

Chapa abaik sok spisil te amajkilik te ya yaꞌbeyex te Diose, yuꞌun jich me ya xjuꞌ awuꞌunik a te makꞌ sloꞌlayex te pukuje.

1 Timoteo 2:15

Pero te antse ya xkol teme ya xchꞌuun te ya stsꞌites te yuntikile sok teme ma xchꞌay yoꞌtan ta xchꞌuunel te Diose, sok te ay skꞌuxul yoꞌtane, y sok teme jun yoꞌtane.

1 Timoteo 2:9

Jich mismo te antstike ayuk me sluwaril te ya slap skꞌuꞌ spakꞌike. Ma me yuꞌunuk ya yakꞌ sbaik ta kꞌupinel. Aꞌ xchap sbaik, pero ma me kꞌaxemuk to xan ya xchꞌalik sjolik, niuk sok oro o perlaetik o kꞌuꞌul-pakꞌal te ben toyol stojole.

1 Timoteo 3:11

Jich euk te antsetike ya skꞌan te ya xꞌakꞌawan ta jkuenta sok ma me tojoluk puk-kꞌop-aꞌabiyej. Sok ya skꞌan te kuidado ay sok te yoꞌtanike, sok te jun yoꞌtanik ta spasel te yaꞌtelike.

1 Timoteo 3:2

Jich yuꞌun, te machꞌa ya yichꞌ yaꞌtel ta ansianoile, jaꞌ ya skꞌan te makꞌ xmulawixe. Ya skꞌan te jtul nax ants ay soke, sok te sil tiempo kuidado ay sok te yoꞌtane, sok te ma snaꞌ xkꞌajkꞌube, sok te lek ay te xkuxlejale. Ya skꞌan te sil tiempo ya sꞌotseswan ta snae, sok te ay spꞌijil yoꞌtan ya snojpeswane.

2 Timoteo 4:17

Pero te Kajwaltike la skoltayon y la yaꞌbon jpuersa. Jich a juꞌ kuꞌun yalel te skꞌoplal kolele, y jich a yaꞌiyik spisil te genteetike. Jich te Kajwaltike la skoltayon te ba ay chojetik te ya xtiꞌawane.

Tito 1:8

Ya skꞌan te jun yoꞌtan ya xꞌotseswan ta snae, sok te jun yoꞌtan yuꞌun te tut leke, sok te ay lek spꞌijile, sok te toj aye, sok te ben lek ta stojol Diose, sok te stukel ya snaꞌ tut ya skom sbae.

Tito 2:12

Te slekil yoꞌtane, Dios ya snojpesotik ta sjilesel te tut ma lekuke y sok te tutik Kꞌupinbil ta skuenta balmilale. Y jaꞌ ya yaꞌbotik kichꞌtik ta balmilal te jun kuxlejal te ya jnaꞌbetik sluwar sok te ben toj aye. Sok jich ya xchiknaj te jaꞌ ay ta koꞌtantik te Diose.

Tito 2:2

Te ansianoetike ya skꞌan te kuidado ayike, y te lek te skuxlejalike, sok te ya snaꞌik stsael te tut leke. Ya skꞌan te ayuk lek te xchꞌuunel yoꞌtanike, y sok te xkꞌuxul yoꞌtanike, sok te ay yip yoꞌtanik yuꞌun ya xkujch te wokole.

Tito 2:4

Jich me ya snopeslan te bikꞌtal antstike te ya xkꞌuxutay te smamlalike y sok te yuntikilike.

Tito 2:6

Jich mismo ya atsits te bikꞌtal kermetike te ayuk spꞌijilik euk yuꞌun stsael te tut leke.

Santiago 4:7

Jaꞌ yuꞌun, aꞌ me abaik ta skꞌab te Diose. Pꞌajaik me te pukuje, y ya me xlok bael ta anel ta atojolik.

1 Pedro 1:13

Jaꞌ yuꞌun chapalukex me sok kuxuluk me awoꞌtanik. Spꞌejeluk me awoꞌtanik ya amaliyik te tut ya xba yaꞌbeyex Dios ta slekil yoꞌtan te kꞌalal ya xchiknaj tal te Jesucristoe.

1 Pedro 4:7

Nopolix ya xtal slajibal ta spisil te tutik aye. Jaꞌ yuꞌun, te jaꞌexe naꞌaik me tutꞌ ayex y kuxa me awoꞌtanik ta skꞌoponel Dios.

Apocalipsis 12:10

Jich a kaꞌiy jun tulan kꞌop ta chꞌulchan, te ya yale: “Te ora to la staix yorail kolel yuꞌun te Kajwaltik Diose. Ay spoder y jaꞌ ayix ta ajwalil, y sok ayix yaꞌtel te Cristo yuꞌune. Porke la yichꞌix chꞌojel lokꞌel te machꞌa ya sleulanbe smul te kermanotaktike ta stojol Dios kuꞌuntik ta kꞌajkꞌal ajkꞌubal.

Apocalipsis 12:12

Jaꞌ yuꞌun kontentoukex me te jaꞌex te kuxajtikex te ba chꞌulchane. Pero oꞌol me sbaik te machꞌatik kuxajtik ta balmilale y sok ta mare. Porke te pukuje, te lom ilineme, snaꞌoj te ma jalukix ay skꞌaalel, sok koem tal te ya skontrainex”, xchi.

Apocalipsis 12:9

Jich a yichꞌik chꞌojel lokꞌel te mukꞌul chane. Jaꞌ te antibo chan te pukuj sbiil, sok Satanas sbiil ekꞌa. Jaꞌ te ya sloꞌlay spisil te genteetik ta balmilale. Te pukuje y sok te angeletik yuꞌune chꞌojtalanot tal koel ta balmilal.

Apocalipsis 20:10

Y te pukuje, te loꞌlaylanbil yuꞌune, chꞌojot ochel te ba yipal ta tilel kꞌajkꞌ sok asufree, teꞌ ba chꞌojtalanbil ochel euk te chanbalam te xiꞌbentik sbae y sok te palso jꞌalwanejetike. Teꞌ me ya yilik swokolik a kꞌajkꞌal ajkꞌubal ta sbajtel kꞌinal.

Apocalipsis 20:2

Te ángel to la stsak te chanbalam te xiꞌbentik sbae, jaꞌ te antibo chan te pukuj sok Satanas sbiile, y la xchuk ta kadena jmil jaꞌbil.