1 Pedro 5:1 - Nuevo Testamento Tzeltal de Amatenango

¹ Te ora to ay tut ya kalbeyex te ansianoex te ba jujun kongregasione, joꞌon te pajal ansianoon sok te jaꞌexe, sok joꞌon te la kil te wokoletik a kꞌax yuꞌun te Cristoe, sok te pajal ya kichꞌtik te lekilal te ya xba chiknajuke.

Bible in Tzeltal Bachajón

¹ Ya calbe wocol te ancianohetic ay ta awohlilic, te pajal ayon ta ancianohil soc, te ha testigohon yu'un te c'ax swocol te Cristo, te ha nix hichon ya quich' te utsilal te ya xchicnaj tale:

Bible in Tzeltal de Oxchuc y Tenejapa

¹ Ta ora to ya jtac'uy te ancianoetic awu'unique, yu'un pajal ancianoon soc. Soc jo'on la quil ta jsit te bit'il c'ax swocol te Cristoe, soc pajal me ya quil utsilal soc te ancianoetic te c'alal ya xchicnaj tel ta patil te Cristoe.

1 Pedro 5:1 ပူးပေါင်းရင်းမြစ်များ

San Lucas 24:48

Te jaꞌexe jaꞌ testigoex yuꞌun te tuti kꞌotix ta pasele.

Hechos 1:22

jaꞌ to te kꞌalal aꞌbot yichꞌ jaꞌ yuꞌun te Juane asta jaꞌ to te mo bael ta chꞌulchane. Ja yuꞌun puersa ya skꞌan ya yichꞌ tꞌujel jtuluk te machꞌa joy bajtik soke, yuꞌun jun nax me ya kaltik te tutꞌil a chaꞌkux te Jesuse —xchi te jPedroe.

Hechos 1:8

Pero te kꞌalal ya xtal te Chꞌul Espíritu te ya xjul ta akuentaike ya me awichꞌik apoderik. Jich me testigo ya xkꞌoex kuꞌun ta Jerusalen, sok spisil ta estado yuꞌun Judea, sok ta estado yuꞌun Samaria, y sok ta spisil te balmilale —xchi.

Hechos 11:30

Jich a spasik, sok la stikonik bael ta stojol te ansianoetik te ayik ta Jerusalen. Jaꞌ a yaꞌbeyik bael te jBernabe sok te Saulo te takꞌine.

Hechos 14:23

Sok la sleik jilel ansianoetik te ba ay juju-tijkꞌ te hermanoetike. La skꞌoponik Dios y la skom sweꞌelik, sok la yakꞌik jilel te skꞌab te Kajwaltik te jaꞌ xchꞌuunejike.

Hechos 15:4

Te kꞌalal kꞌot ta Jerusalen te jPablo sok te jBernabee, te hermanoetik te stsoboj sbaik, sok te apostoletike y sok te ansianoetike ben jun yoꞌtanik a yikꞌik ta stojolik. Y te jPablo sok te jBernabee lijk yaltalanbe spisil te tutik a spas Dios ta stojolike.

Hechos 15:6

Jich a stsob sbaik te apostoletike y sok te ansianoetike yuꞌun ya snopik te tutꞌ ya xchapik te kꞌop to.

Hechos 2:32

Yuꞌun jaꞌix te Jesuse te Dios a chaꞌkusesot tal yuꞌune. Y te joꞌotike testigootik yuꞌun te jich a pasbote.

Hechos 20:17

Te kꞌalal ayotikix ta jtejklum Mileto ae, te jPabloe la yakꞌ tal ta ikꞌel te ansianoetik yuꞌun te hermanoetik ta jtejklum Efesoe.

Hechos 20:28

Jaꞌ yuꞌun ila me abaik, y kanantayaik me spisil te hermanoetik ta kongregasione te ba yakꞌojbeyex awaꞌtelik ta kanantawanej te Chꞌul Espiritue, yuꞌun ya akanantayik te machꞌatik xchꞌuunejikix te Kajwaltike, te stukel smanoj ta xchꞌichꞌele.

Hechos 21:18

Ta xchebal kꞌaal la joyintik bael te jPabloe, yuꞌun ba yulutay tal te Jacobo, y teꞌeyik spisil a te ansianoetike.

Hechos 3:15

Y jich la amilik te machꞌa ya yikꞌotik bael ta kuxlejale. Pero Dios a xchaꞌkuses tal te ba ay te animaetike, y joꞌotik testigootik yuꞌun.

2 Corintios 5:1

Te tiꞌbalultik jachik tutꞌil jun naul-pakꞌ te ma xjalaje. Pero jnaꞌojtik teme ya xlaj te naul-pakꞌ to, Dios spasojbotik ta chꞌulchan jun na skuenta sbajtel kꞌinal te ma jaꞌuk pasbil ta skꞌab genteetike.

2 Corintios 5:8

Ay xchꞌuunel koꞌtantik, y koꞌtantikukix te yauk xjilix te jtiꞌbalultik to. Yuꞌun jich ya xba joyin jbatik sok te Kajwaltike.

Filipenses 1:19

yuꞌun jnaꞌoj ta spisil te jich aye yuꞌun jaꞌ ta skuenta te ya jta jkolel aye. Porke jnaꞌoj te ya akꞌoponbikon Dios te jaꞌexe y sok te ya skoltayon te Espíritu yuꞌun te Jesucristoe.

1 Timoteo 5:1

Ma me abal ta utel te mamki viejoe. Lek nax me xꞌatsits jichuk tutꞌil atat. Y jaꞌ nax jich euk te kermetike, jichuk me kꞌoem ta awoꞌtan tutꞌil awijtsꞌinab.

1 Timoteo 5:19

Ma me achꞌuun ta ora teme ya xlebot smul te jtul ansianoe, jaꞌ to teme ay chaꞌtul o oxtul testigoetike.

2 Timoteo 4:8

Te ora to jaꞌ xanix ya jmaliy te jkorona te yuꞌun toj aꞌanon ta balmilale, te jaꞌ ya yaꞌbon te Kajwaltik te tut ora ya sta skꞌaale, yuꞌun toj ya smeltsaanwan stukel. Y ma joꞌukon nax ya yaꞌbon, sino ke jich ya yaꞌbey ta spisil te machꞌatik sok slekil yoꞌtan ya smaliyik te ya xchaꞌtal xane.

Tito 1:5

Te kꞌalal la jilesat ta Cretae, jich a jpas yuꞌun ya alajin xchapel te tut kechel jilel ta chapele, sok yuꞌun ay me machꞌatik ya awaꞌbe yichꞌ yaꞌtel ta ansianoil ta stojol Dios ta jujun jtejklume, jich tutꞌil te la kalbeyat jilele.

Filemón 1:9

Pero jaꞌ ya kalbeyat awokoluk ta skuenta te skꞌuxul awoꞌtane. Joꞌon jPabloon, te mamalonix, y te ora to ayon ta prexo ta skaj te Cristo Jesuse,

Hebreos 12:1

Jaꞌ yuꞌun, te joꞌotike joybilotik ta bayal gente te machꞌatik ya yakꞌix ta ilel te xchꞌuunejik Diose. A me jilestik ta xujktik spisil te tut a te ya smakotike y sok te mulil te ya sjoyotike. Y ya me jpastik puersa ta animal te ya xkꞌoj jtajtik te tut ay ta jtojoltike.

1 Pedro 1:12

Pero akꞌtalanbot snaꞌ yuꞌun Dios te ma stukelikuk yuꞌunik te tut ya yaltalanike. Sino ke jaꞌ ya xkꞌot ta akuentaik te jaꞌexe. Jaꞌix te skꞌoplal kolel te la yalbeyex awaꞌiyik te machꞌatik la yalik te lekil achꞌ kꞌop ta skuenta spoder te Chꞌul Espiritue te tikonbil tal ta chꞌulchane. Spisil to yoꞌtanik euk te chꞌul angeletik te ya skꞌan xꞌaꞌbot yilik ekꞌae.

1 Pedro 1:7

Porke te xchꞌuunel awoꞌtanik te jaꞌexe jachik kꞌoem tutꞌil oro, puersa ya yichꞌ ilel ta kꞌajkꞌ te tutꞌil aye. Te xchꞌuunel-oꞌtanil te ya xkꞌax yuꞌun te prewae, mas vale ke te oroe te ya xjuꞌ ya xlaje. Te tutꞌil ay te xchꞌuunel awoꞌtanik te jaꞌexe, teme jich a pasot prewae, jich me lek ya xlokꞌotik y ben me tsaꞌam jlekiltik yuꞌun a, sok ayotik me ta jkuenta te kꞌalal ya xchiknaj tal te Jesucristoe.

1 Pedro 4:13

Junuk me awoꞌtanik teme pajal ay awokolik te tutꞌil a kꞌax swokol te Cristoe. Yuꞌun jich me ya ata bayal sbujtsꞌ awoꞌtanik a te kꞌalal ya xchiknaj tal te slekilale.

1 Pedro 5:4

Jich te kꞌalal ya xchiknaj te Statal jKanane, te jaꞌexe ya me awichꞌik te korona yuꞌun te lekilale, te jun korona te maꞌyuk tut ora ya xlaje.

1 Juan 3:2

Kermanotak te kꞌuxex ta koꞌtane, yal-xnichꞌanotikix te Diose. Aunke ma to jnaꞌtik te tut kileltik ta patile, jnaꞌojtik te kꞌalal ya xchiknaj tal te Jesucristoe, pajal ya xkꞌootik jachik tutꞌil stukele, porke ya me kiltik ta steklejal te tut yilele.

2 Juan 1:1

Joꞌon te ansianoone, ya jtsꞌibay te karta to ta stojol te ants te tsabil yuꞌun te Diose, y sok te machꞌatik ayik ta skuentae. Batsꞌi kꞌuxex ta koꞌtan. Y ma joꞌukon nax, sino ke jich kꞌuxex ta yoꞌtanik euk ta spisil te machꞌatik te snaꞌojikix te tut batsꞌi jiche.

3 Juan 1:1

Joꞌon te ansianoone, ya jtsꞌibay te karta to jaꞌ yuꞌun te kamigo jGayoe te batsꞌi ben kꞌux ya kil jba soke.

Apocalipsis 1:9

Joꞌon Juanon, joꞌon awermanoikon te pajal ay ta jkuentatik te wokole sok te pajal ay ta jkuentatik te ya joyintik ta ajwalil te Cristoe, sok te pajal ya yaꞌbotik jpuersatik te ya xkujch kuꞌuntik te wokoletike. Liꞌ aꞌbilon ba chꞌin luwar Patmos sbiil te joybil ta mare, jaꞌ ta skaj te yipalon ta yalel te skꞌop Diose te jamal ya yakꞌ ta naꞌbeyel sluwar te Jesuse.